ကောရိ န္တု သြဝါဒစာပဌမစောင် ( ၁၃း ၄-၈ )

၎မေတ္တာသည် စိတ်ရှည်တတ်၏။ ကျေးဇူးပြုတတ်၏။ မေတ္တာသည် ဂုဏ်ပြိုင်ခြင်းမရှိ၊ ဝါကြွားခြင်း မရှိ၊ မာန်မာနမရှိ။ ၅လျောက်ပတ်စွာမကျင့်တတ်၊ ကိုယ်အကျိုးကို မရှာတတ်၊ ဒေါသအမျက်မထွက်တတ်၊ အပြစ်ရှိ သည်ဟု မထင်တတ်၊ ၆မတရားသောအမှု၌ ဝမ်းမြောက်ခြင်းမရှိတတ်၊ သမ္မာတရား၌ဝမ်းမြောက်တတ်၏။ ၇ခပ်သိမ်း သောအရာကို ဖုံးအုပ်တတ်၏။ ခပ်သိမ်းသောအရာကို ယုံတတ်၏။ ခပ်သိမ်းသောအရာကို မြော်လင့်တတ်၏။ ခပ်သိမ်းသောအရာကို သည်းခံတတ်၏။ ၈မေတ္တာသည် ဖောက်ပြန်ခြင်းသဘောနှင့် အစဉ်ကင်းလွတ်၏။ ပရောဖက် ဥာဏ်သော်၎င်း၊ အမျိုးမျိုးသောဘာသာစကားကို ပြောနိုင်သောအခွင့်သော်၎င်း၊ သိပ္ပံအတတ်သော်၎င်း၊ ကွယ်ပျောက်လိမ့်မည်။

ဆာလံကျမ်း ( ၉၈း ၁ )

၁ထာဝရဘုရားအား အသစ်သောသီချင်းကို ဆိုကြလော့၊၊ အံ့ဘွယ်သောအမှုတို့ကို ပြုတော်မူပြီ၊၊ လက်ျာလက်တော်နှင့် သန့်ရှင်းသောလက်ရုံးတော်သည် ကိုယ်တော်အဘို့ ကယ်တင်ခြင်းအမှုကို ပြုလေပြီ၊၊

ရှင်လုကာခရစ်ဝင် ( ၅း ၄ )

စကားတော်ပြတ်သောအခါ၊ ရေနက်ရာအရပ်သို့ ရွှေ့ဦးလော့။ ပိုက်ကွန်ကိုချ၍ ငါးကိုအုပ်စမ်း လော့ဟု ရှိမုန်အား မိန့်တော်မူ၏။

ယေရမိအနာဂတ္တိကျမ်း ( ၂၀း ၇ )

၇အိုထာဝရဘုရား၊ ကိုယ်တော်သည် အကျွန်ုပ်ကို သွေးဆောင်တော်မူသည်အတိုင်း၊ အကျွန်ုပ် လိုက်ပါပြီ။ ကိုယ်တော်သည် အကျွန်ုပ်ထက်အားကြီး၍ နိုင်တော်မူပြီ။

ဧဖက်သြ၀ါဒစာ ( ၄း ၂၆-၂၇ )

၂၆အမျက်ထွက်ရာတွင် အပြစ်မရှိ စေနှင့်။ ၂၇အမျက် မပြေဘဲ နေမဝင်စေနှင့်။ မာရ်နတ်ကို အခွင့်မပေးကြနှင့်။

ကြည့်ဖြစ်အောင်ကြည့်ပါ

ရန်သူကိုချစ်ရမယ်ဆိုတဲ့ပညတ်ချက်ကိုအကောင်းဆုံးပုံဖော်ထားတာလေးပါ 




နောက်ဆုံးသောနေ့တွက်အဆင်သင့်ဖြစ်နေပြီလား


ယနေ့ကမ္ဘာလောကကြီးသည် ရှုပ်ထွေးနေပါသည်။ ဆိုးညစ်နေပါသည်။ မှောင်မိုက်နေပါသည်။ ငြိမ်သက်ခြင်း အစားဒေါသအမျက်နှင့် မုန်းတီးမှု၊ ရန်လိုမှုတို့နှင့် ပြည့်နေပါသည်။ မျှော်လင့်ချက်မဲ့၍ ယုံကြည်ချက်တို့ တိမ်း ယိမ်းကာ အယူလွဲသူတို့နှင့် ပြည့်နှက်နေပါသည်။ ယားသောနားအစုံနှင့် မှားသောတရားအဖုံဖုံတို့ကို နားဆင် ရင်း တောင်ကောင်းနိုးနိုး၊ မြောက်ကောင်းနိုးနိုးနှင့် လေတိုက်သော ဖွဲကဲ့သို့သော ဆောက်တည်ရာမဲ့ ဖြစ်နေကြ သူတွေလည်း ဒုနဲ့ဒေး ရှိပါသည်။ စိတ်ပညာရှင်များ၏ ထင်မြင်ချက်သြ၀ါဒများအောက်တွင် ပျော်မွေ့နေသူများ လည်း အများအပြားပင်၊ ထိုအရာများက ကျွန်ုပ်တို့ ၀ိညာဉ်ရေးအတွက် မှန်ကန်သော အဖြေမပေးနိုင်သည့်တိုင် အဖြေမှန်ရရှိနိုင်ရန် မျှော်လင့်ကြီးစွာနှင့် ရပ်တည်နေကြပါသည်။ အမှန်စင်စစ် အနာဂတ်တွင် မျှော်လင့်ခြင်း တစ်ခုရှိနေဆဲပါ။ အချိန်လည်းရှိပါသေးသည်။ ဆုံးရှုံးခြင်းဆိုသည်မှာ အသက်တာအတွက် နောင်တရရန်နှင့် အသစ်ပြုပြင်ရန် လမ်းစဖြစ်ပါသည်။ သို့သော် ဘုရားသခင်မပါသော နောင်တသည် အချည်းအနှီးပင်ဖြစ်သည်။ ဘုရားသခင် သည် အပြစ်ဒုစရိုက်နှင့် ပြည့်ဝနေသော ကမ္ဘာလောကကြီးကို နိမိတ်များဖြင့် သတိပေးနေပါသည်။ ကျွန်ုပ်တို့ တွေ့မြင်ခံစားနေရသော စစ်မီးတောက်များ၊ သဘာဝဘေးအန္တရယ်များ၊ အယူဝါဒလွဲမှားမှုများသည် ဘုရား သခင် ဖော်ပြနေသော သတိပေးခြင်း အရိပ်လက္ခဏာများပင် ဖြစ်ပါသည်။ ထို့ကြောင့် အချိန်မီ နောင်တရ ရန် လိုပေသည်။ ယော ၃း ၅-၇ တွင် ဖော်ပြထားသော ဒုတိယမွေးခြင်းသည် ကမ္ဘာလောကကြီးအတွက် နောက်ဆုံးနှင့် အကောင်းဆုံး မျှော်လင့်ခြင်းဖြစ်သည်။ ကျွန်ုပ်တို့အတွက် တစ်ခုတည်းသော မျှော်လင့်ြ့ခင်း လည်းဖြစ်လေသည်။ မဿဲး ၁၀း၂၈ တွင်လည်း ဤကဲ့သို့ ဖော်ပြထားပါသည်။ ကိုယ်ရော ၀ိညာဉ်ပါ ငရဲတွင် ဖျက်ဆီးနိုင်သူကို ကြောက်ရန်ဖြစ်သည်။ ကျွန်ုပ်တို့သည် တရားစီရင်ခြင်းကို ကြောက်လျှင် အပြစ်မှ နောင်တ နှင့် ပြန်လှည့်၍ ဘုရားသခင်ထံတွင် လူသစ်ဖြစ်ရပါမည်။ ဘုရားသခင်၏ သားတော်ကို မယုံကြည်သော သူ တို့၏ အသက်တာသည် အဓိပ္ပာယ်မဲ့၍ မျှော်လင့်ခြင်းလည်း မရေရာပေ။ မိမိသည် မည်သည့်နေရာမှ လာ၍ မည်သည့်နေရာသို့ သွားမည်။ အဘယ်ကြောင့် ဤနေရာတွင် ရှိနေရခြင်းတို့ကို နားလည်ခြင်း မရှိပေ။ အ မှောင်လမ်းထဲတွင် ယိုင်နဲ့စွာ လျှောက်လှမ်းနေကြပါသည်။ သားတော်ကို ယုံကြည်သူတို့မူကား မိမိတို့ မည် သည့် နေရာမှလာသည်ကို နားလည်သလို မိမိတို့ အသက်ရှင်နေရခြင်း၏ ရည်ရွယ်ချက်၊ အနာဂတ်၊ ဘုန်း တန်ခိုး၏ ဦးတည်ချက်တို့ကို နားလည်ကြပါသည်။ လူသားတို့၏ အကြီးမားဆုံး ရန်သူဖြစ်သော သေခြင်းကို အောင်နိုင်ခြင်းကြောင့် ဘုရားသခင်ကို ကျေးဇူးတင်ရပါမည်။ ၂တိ ၁း၁၀၊ ၁ကော ၁၅း၂၆၊ ၁ကော ၁၅း၁၅၊ ဗျာ ၁း၁၈။ မယုံကြည်သူများအတွက် သေခြင်းသည် ၀မ်းနည်းစရာကောင်းသော၊ ကြောက်စရာကောင်း သောအရာဖြစ်သည်။ မယုံကြည်သူများသည် ကြီးမားသော စီရင်ခြင်းဖြစ်သော ပလ္လင်ဖြူတရားစီရင်ခြင်းကို သွားရန် စောင့်မျှော်နေကြသည်။ သူတို့သည် သမ္မာကျမ်းစာကို ဖတ်ရှုခြင်းငှာ နားမလည်ကြ၊ သခင် ခရစ်တော်၏ သင်ကြားခြင်းကိုလည်း မှန်ကန်စွာ ယူဆ နိုင်ခြင်းလည်း မရှိကြပါ။ ငရဲမှလွတ်မြောက်ရန် လမ်း စကိုလည်း မသိရှိကြပါ။ ငရဲရောက်ခြင်းဆိုသည်မှာ ဘုရားသခင်၏ ရှေ့မှောက်တွင် မရှိခြင်းပင်ဖြစ်သည်။  သခင်ခရစ်တော်သည် ငရဲ၏အဓိပ္ပာယ်ကို ဖော်ပြရန် စကားလုံးသုံးလုံး အသုံးပြုထားသည်ကို တွေ့ရပါသည်။ ၄င်းတို့မှာ- (၁) မီး (၂) မှောင်မိုက်ခြင်း (၃) သေခြင်း တို့ဖြစ်ပါသည်။ ဟေဗြဲ ၁၂း၂၉ " ငါတို့ဘုရားသခင် သည်လောင်သောမီးဖြစ်တော်မူ၏ " ဟု ငရဲကို ရည်ညွှန်းဖော်ပြထားပါသည်။ မှောင်မိုက်ခြင်းနှင့်လည်း ပတ် သက်၍လည်း ၁ယော ၁း၁၅၊ မဿဲ ၈း၁၂ တွင် ဖော်ပြထားပါသည်။ သားတော် ယေရှုခရစ်တော်ကို ငြင်း ပယ်သောသူသည် အမှောင်သို့ ထာဝရရောက်ရှိမည်ဟု ဖော်ပြထားခြင်း ဖြစ်သည်။ ထိုမှောင်မိုက် ငရဲမှ  လွတ်မြောက်ရန်နှင့် အလင်းရှင် ခရစ်တော်ကို ရရှိရမည်ဖြစ်ပါသည်။ တတိယ ငရဲကို ကိုယ်စားပြုသော စကားလုံးမှာ သေခြင်းဖြစ်သည်။ ထို့ကြောင့် သေခြင်းတည်းဟူသော ငရဲမှ လွတ်မြောက်ရန် အသက်ရှင် သော ယေရှုခရစ်ကို ယုံကြည်ရမည်ဖြစ်သည်။ သို့ဖြစ်၍ ငရဲသည် ဘုရားသခင်၏ အသက်နှင့် ကွဲပြားခြားနား သည်ကို တွေ့ရသည်။ ဘုရားသခင်သည် မည်သူ့ကိုမျှ ငရဲသို့ မရောက်စေလိုပါ။ ငရဲဆိုသည်မှာ စာတန်နှင့် သူ၏အပေါင်းအပါ များအတွက်သာ ဖြစ်သည်။ ထို့ကြောင့် ကျွန်ုပ်တို့သည် စာတန်မာရ်နတ်၏ လမ်းသို့လိုက် ၍ အယူဝါဒလွဲမှားကာ ဒုစရိုက်နှင့် ပျော်မွေ့မည်ဆိုလျှင် ဆုံးရှုံးခြင်းသို့ ရောက်လိမ့်မည်ဖြစ်သည်။ ဘုရား သခင်သည် လူသားများ ကယ်တင်ခြင်းရရန် အလိုရှိသည်။ ( ၁တိ ၂း၎ ) သို့ဖြစ်၍ ဘုရားသခင်သည် သား တော်ကို လောကလူသားတို့အတွက် အခမဲ့ လက်ဆောင်ပေးခဲ့ခြင်းဖြစ်သည်။ ခရစ်တော် အသေခံခြင်းသည် လူသားများ တရားစီရင်ခြင်းမှ လွတ်မြောက်ရန် ဖြစ်သည်။ ထို့ကြောင့် (ဟေ ၅၃း၆ ) တွင် " ငါတို့ရှိသမျှ သည် သိုးကဲ့သို့ လမ်းလွဲလျက်၊ ကိုယ့်လမ်းသို့ အသီးသီး လိုက်သွားကြသည် ဖြစ်၍၊ ထာဝရဘုရားသခင်သည် ခပ်သိမ်းသော ငါတို့၏ အပြစ်များကို သူ့အပေါ်၌ တင်တော်မူ၏ " ဟု ဖော်ပြထားပါသည်။ စစ်မှန်သော ယုံ ကြည်သူများအတွက်မူ တရားစီရင်ခြင်းသည် ကျော်လွန်သွားပြီး ဖြစ်လေသည်။ ငရဲလည်း မရှိတော့ပေ။  ထာဝရသေခြင်းဟူကား ဝေးစွ၊ ခရစ်တော်သည် ကျွနင်္ုပ်တို့အတွက် အသေခံခြင်းအားဖြင့် ထာဝရသေခြင်းကို ဖျက်ဆီးခဲ့သည်။ ( ဖိလိပ္ပိ ၁း၂၃၊ ၁ယော ၃း၁၄ ) မယုံကြည်သူတစ်ယောက်သည် သေဆုံးသည့်တိုင် မျှော် လင့်ချက်ကင်းမဲ့၍ ယုံကြည်သူ ခရစ်ယာန်တစ်ယောက်သည် အဆုံးမရှိသော မျှော်လင့်ခြင်းရှိသည်။
ဆာ ၁၆း၁၁ တွင် " အသက်ရှင်ခြင်းလမ်းကို ပြညွှန်တော် မူလိမ့်မည်။ အထံတော်၌ စုံလင်သော ၀မ်းမြောက် ခြင်းနှင့် လက်ျာတော်နားမှာအစဉ် ပျော်မွေ့ခြင်းအခွင့်ရှိပါ " ဟုဖော်ပြထားသည်ကို တွေ့ရသည်။ သင်သည် ထာဝရဘုရားအမြင်မှ မိမိသည် အပြစ်သားတစ်ဦးဖြစ်ကြောင်းကို နှိမ့်ချစွာ သိမှတ်ပြီး ခရစ်တော်သည် ကား တိုင်ပေါ်၌ အသေခံပြီး အသွေးတော်အားဖြင့် ရွေးနုတ်ခဲ့ခြင်းကို ယုံကြည်လျှင် ကယ်တင်ခြင်းရ၍ နှလုံးသား
 ၌ ငြိမ်သက်မှုကို ရရှိမည်။ ကယ်တင်ခြင်းရရန် အံ့သြဖွယ်အမှု ပြုရန်မလိုပါ။ အံ့သြဖွယ် သခင်ယေရှုကို လက်ခံရန်သာလိုသည်။ ယော ၁း၁၂တွင် " ထိုသူကို လက်ခံသမျှသော သူတည်းဟူသော ကိုယ်တော်ကို ယုံ ကြည်သော သူတို့အား ဘုရားသခင်၏ သားဖြစ်ရသောအခွင့်ကို ပေးတော်မူ၏ " ဟုဖော်ပြထားသည်။ ထို့ကြောင့် သခင်ယေရှုခရစ်တော်အား ယုံကြည်လက်ခံ၍ သင်၏အသက်တာကို အပ်နှံပါ၊ သခင်ယေရှုခရစ်တော်အား ၀န်ခံခြင်းမရှိဘဲ အချိန်တွေကို မကုန်လွန်စေပါနှင့်။

ဘုရားသခင်ကောင်းကြီးပေးပါစေ။

ဆရာမခင်ခင်မိုး
အမ်-၀ိုင်-စီ
credit to >>> ကားတိုင်လမ်း Magazine 

အကျော်ကြားဆုံး


ရန်ကုန်မြို့ အင်းလျားလမ်းရှိ အင်းလျားကန်ဘောင်တွင် သူငယ်ချင်းနှစ်ယောက် ကော်ဖီသောက်နေခိုက်

ရှယ်လီ။           ။ ဟေ့သူငယ်ချင်း လူတွေအပြောအများဆုံး ကျမ်းစာထဲမှာရှိတဲ့ကျမ်းချက်ကဘာလဲနင်သိလား    
ဇင်ဇင်   ။         ။ သိပ်သိတာပေါ့ဟယ် ……….. “ တောင်းကြလော့၊ တောင်းလျှင်ရမည် “ တဲ့ သေသေချာချာမှတ်ထား။   

အမည်ခံစာတန်


သင်းအုပ်ဆရာတစ်ဦးသည် ညအမှောင်တွင် လမ်းလျှောက်နေရင်း လူငယ်တစ်ယောက်နှင့်တွေ့ရာ မိတ်ဖွဲ့ရင်းစကား ပြောဖြစ်ကြသည်။
လူငယ်။           ။ ဟိုးတစ်လောက ဗေဒင်မေးတာ အသက် (၂၀) မှာသေမယ်လို့ ပြောတယ်ဗျ။
ဆရာ။            ။ အခုခင်ဗျားအသက်ဘယ်လောက်ရှိပြီလဲ။
လူငယ်။           ။ ၂၁ နှစ်
ဆရာ။            ။ ဒါဆိုဗေဒင်က မှားတာပေါ့။
လူငယ်။           ။ မမှားပါဘူး။ ကျနော်မနှစ်ကမှ သေတာလေ။
ဆရာ။            ။ ဒါဆို ခင်ဗျားအခုဘာလုပ်နေလဲ။
လူငယ်။           ။ ခရစ်ယာန်တွေကို လိုက်နှောင့်ယှက်ဖို့ စာတန်ကခိုင်းထားတယ်ဗျ။
ဆရာ။            ။ ဒါဆိုအလုပ်များမှာပဲနော်။
လူငယ်။           ။ ဘယ်ကလာဗျာ အလုပ်အရမ်းပါးပါတယ်၊ ကျနော်တောင်ဘာမှလုပ်စရာသိပ်မလိုဘူး။ သူ့ဟာသူကိုဖြစ်နေကြတာ၊ နာမည်ခံလိုက်ရုံပါပဲ။

ဝါကြွားမှု


လူတိုင်းအသက်တာတွင် ၀ါကြွားချင်ကြသည်။ တစ်ချို့လူများဆိုလျှင် နာမည်ကြီး အဆိုတော်၊ သရုပ်ဆောင်များနှင့် သိကျွမ်းခြင်းကို အင်မတန်ကြွားဝါပြီး စသဖြင့် ရှိကြသည်။ အောက်ခြေတွင် ရှိသော အဆင်းရဲဆုံးလူမှ အချမ်းသာဆုံးလူအထိ သူ့အတိုင်းအတာနှင့်သူ ၀ါကြွားစရာရှိကြမည်မှာ ဧကန်မလွဲပေ။ သမ္မာကျမ်းစာထဲတွင်လည်း ဧလိယသည် အားငယ်သယောင်နှင့် ဘုရားသခင်ရှေ့တော်၌ ကိုယ်တော်၏ ပရောဖက်၊ ကိုယ်တော်နောက်တော်သို့ လိုက်သောသူ အကျွန်ုပ်တစ်ယောက်တည်းသာလျှင် ကျန်တော့သည်ဟု ၀ါကြွားကြောင်း တွေ့ရသည်။ ဘုရားသခင်၏ အဖြေမှာ ရိုးရိုးလေးပင်။ “ ဧလိယရေ မင်းလိုပဲ ငါ့နောက်တော်ကို လိုက်တဲ့သူ (၇၀၀၀) ကိုငါချန်ထားတယ် “။ ဤနေရာတွင် ဧလိယက ဘုရားသခင်အမှုတော်ကို သူ့ကဲ့သို့လုပ်ဆောင်သောသူ မရှိဟု ထင်မြင်သည်။ သူသာမလုပ်လျှင် လုပ်မည့်သူမရှိတော့ဟုထင်ပြီး မာန်မာနပါသော ကြွားဝါမှုကိုပြုခဲ့သည်။ ကျွန်ုပ်တို့အသက်တာတွင်လည်း မိမိသာလျှင် လုပ်နိုင်သည်။ မိမိမရှိတော့ပါက ဘုရားသခင်၏ အမှုတော်ပင်လျှင် ပျက်ရတော့မလို ထင်တတ်ကြသည်။ သို့သော် ဘုရားသခင်၌ မိမိကဲ့သို့လုပ်ဆောင်နိုင်သော သူများစွာ ရှိနေသည်။ ထို့ကြောင့် မိမိပါဝင်ခွင့်ရခြင်းသည်ပင် ကျေးဇူးတော်ဟု မှတ်ယူပြီး နှိမ့်ချစွာ လုပ်ဆောင်ဖို့ပင်။ သင်ကဲ့သို့ လုပ်ဆောင်နိုင်သောသူ များစွာရှိကြောင်း သတိချပ်သင့်လှသည်။ ယေရိခေါမြို့ရိုးကြီးသည် အလွန်ခိုင်ခံ့သည်။ အဘယ်ရန်သူမျှ ထိုးဖောက်ဝင်ရောက်နိုင်ရန် မလွယ်ကူပေ။ ထို့ကြောင့် ဘုရင်နှင့်တကွ မှူးမတ်များ၊ စစ်သည်တော်များနှင့် ပြည်သူများမှာ သူတို့၏ မြို့ရိုးအတွက် ကြွားဝါမဆုံး ဂုဏ်ယူ၍ မဆုံးရှိကြပေမည်။ သို့သော် ဘုရားသခင်က ထိုမြို့ရိုးကြီးကို ဖြိုချလိုက်သောအခါ အတိုင်းအဆ မရှိသော ဆုံးရှုံးမှုကို တွေ့ကြုံခဲ့ကြသည်။ ယုံကြည်သူများ၏ အသက်တာတွင်လည်း ယေရိခေါမြို့ရိုးကြီးကဲ့သို့ မိမိ၏ပညာ အရည်အချင်း။ ငွေကြေးဥစ္စာဓနများအားဖြင့် ဂုဏ်ယူဝါကြွားပြီး အသက်ရှင်၍ ချီးမြှောက်သော ဘုရားသခင်ကို မေ့လျော့နေတတ်သည်။ သူပေးသောကောင်းကြီးများဖြင့် သာယာပြီး ကောင်းချီးမျာ၏ အရှင်ကို မေ့နေတတ်သည်။ မိမိ၏လုပ်နိုင်စွမ်းဟု ထင်တတ်သည်။ မိမိ၏ ပညာ၊ ဥစ္စာဓနအပေါ်တွင် မှီခိုအားထားပြီး ၀ါကြွားနေတတ်သည်။ အကယ်၍ ထိုအရာအားလုံးကို ဘုရားသခင်က ယေရိခေါမြို့ရိုးကြီးကို ဖြိုချသကဲ့သို့ ဖြိုချခဲ့မည်ဆိုလျှင် ဆုံးရှုံးမှုသည် နေ့ချင်းညချင်း ရောက်လာနိုင်ပေသည်။ ထို့ကြောင့် သတိချပ်သင့်လှသည်။ မိမိ၏ ၀ါကြွားရာသည် ခရစ်တော်၏ အသွေးတော်တန်ခိုး၌ သာလျှင်ဖြစ်သင့်ပေသည်။

ဖြူစင်သောနှလုံးသား


စိတ်နှလုံးဖြူစင်သောသူတို့သည် မင်္ဂလာ ရှိကြ၏။ အကြောင်းမူကား ထိုသူတို့သည် ဘုရားသခင်ကို မြင်ရကြလတ္တံ။ ( ရှင်မဿဲ ၅း ၈ )
ဘုရားသခင်ရဲ့ ကောင်းကြီးမင်္ဂလာခံစားရဖို့ အရေးကြီးတဲ့အရာတစ်ခုက ကျနော်တို့ရဲ့ နေ့စဉ်အသက်တာမှာ ဘုရားသခင့်မျက်မှောက်တော်ကို ခံစားရသူများ ဖြစ်ဖို့ပါပဲ။ တစ်နည်းအားဖြင့် ထိုးဖောက်မှုရှိသောအသက်တာ ဖြစ်ဖို့ အရေးကြီးပါတယ်။ ဒီလိုထိုးဖောက်မှုရှိတဲ့ အသက်တာ၊ ဘုရားသခင်ရဲ့ မျက်မှောက်တော်ကို ခံစားရတဲ့ အသက်တာအတွက် အရေးကြီးဆုံးအရာတစ်ခုက ဖြူစင်တဲ့ နှလုံးသား ဖြစ်ပါတယ်။ တစ်နည်းအားဖြင့် ရိုးစင်း တဲ့နှလုံးသားလည်း ဖြစ်တယ်။ စင်ကြယ်တဲ့နှလုံးသားလည်း ဖြစ်တယ်။ ကျနော်တို့ အတွင်းစိတ်နှလုံးက ကြည် လင်ဖို့၊ ဖြူစင်ဖို့၊ သန့်ရှင်းဖို့၊ ရိုးသားဖို့နဲ့ ရှင်းလင်းဖို့ အရေးကြီးပါတယ်။ ဘာလို့လည်းဆိုတော့ ဘုရားသခင်ဟာ သန့်ရှင်းတဲ့ဘုရား ဖြစ်တယ်။ ( ဟာလေလုယာ )……။ ကျနော်တို့ စိတ်နှလုံးတွေ စင်ကြယ်ဖို့ မလွယ်ပါဘူး။ စိတ် နှလုံးကိစ္စဆိုတာ နေ့တိုင်းတိုက်ပွဲ ၀င်နေရတဲ့ အရာဖြစ်ပါတယ်။ ကိုယ့်ကိုယ်ကိုယ် စင်ကြယ်တယ်လို့ ထင်နေတဲ့ အချိန်ဟာ မာန်မာနတွေကြီးနေတဲ့ အချိန်ဖြစ်တတ်ပြီး၊ စင်ကြယ်တယ်လို့ ထင်လေလေ၊ မာနကြီးလေလေ ဖြစ် တယ်။ ၀ါကြွားမှုတွေ၊ ဟန်ဆောင်မှုတွေက ဘယ်သူ့ကိုမှ လိမ်လည်လှည့်ဖြားနေခြင်း မဟုတ်ဘဲ ကိုယ့်စိတ်နှ လုံးက မိမိကိုယ်ကို လှည့်ဖြားနေခြင်းပဲ ဖြစ်တယ်။ ယေရမိအနာဂတ္တိကျမ်း ၁၇း၉ မှာ “ စိတ်နှလုံးသည် ခပ်သိမ်း သောအရာထက် စဉ်းလဲတတ်၏ ။ အလွန်ယိုယွင်းသောသဘောရှိ၏ ။ စိတ်နှလုံးသဘောကို အဘယ်သူသိနိုင် သနည်း “  သူတစ်ပါးစိတ်ကို မပြောနဲ့၊ ကိုယ့်စိတ်ကိုတောင် သိဖို့မလွယ်ဘူး။ သူတစ်ပါးစိတ်ကို သိတယ်လို့ပြော တဲ့သူတွေဟာ လျှောက်ပြော နေခြင်းပဲဖြစ်တယ်။ ကိုယ့်စိတ်ကို သိဖို့ဟာလုံးဝ မလွယ်တဲ့အရာ ဖြစ်တယ်။ ကိုယ့် စိတ်က မိမိကို လိမ်ညာနေတာ ဖြစ်တယ်။ လူတစ်ချို့က ပြောတတ်တယ် “ ငါသူ့မျက်နှာကို ကြည့်လိုက်တာနဲ့ သူ့စိတ်ကို သိတယ် “ ။ အလကား လျှောက်ပြောနေတာ။ ဆရာကြီး Watchman Nee က “ နှိမ့်ချဖို့ဆိုတာ အ ရမ်းအရေးကြီးတယ်။ ပြဿနာက မိမိကိုယ်မိမိ နှိမ့်ချမှန်း သိနေသရွေ့ မနှိမ့်ချသေးပါ “။ သင်အမှန်တကယ်နှိမ့် ချတဲ့အခါ မိမိကိုယ်မိမိ သိမှာမဟုတ်ဘူး။ ဆာလံ ၁၃၉း ၂၃-၁၄ မှာ “ အို….ဘုရားသခင် အကျွန်ုပ်ကိုစစ်ကြော ၍ အကျွန်ုပ်၏စိတ်နှလုံးကို သိမှတ်တော်မူပါ၊ စုံစမ်း၍ စိတ်အထင်များကိုလည်း သိမှတ်တော်မူပါ။ ဆိုးသောလမ်း သို့ ကျွန်ုပ်လိုက်သည်၊ မလိုက်သည်ကို ကြည့်ရှု၍ ထာဝရလမ်းသို့ သွေးဆောင်တော်မူပါ “။ ဒါ့ကြောင့် ဆာလံ ဆရာကြီးက ဒီသဘောကို သိလို့ ဘုရားသခင်ဆီ အမြဲတမ်း အစစ်ဆေးခံနေခြင်းဖြစ်တယ်။ တစ်ခါတစ်ရံကျနော် တို့က တစ်ယောက်ယောက်ကို စေတနာနဲ့ အကြံပေးသလို ရှိပေမယ့်လည်း အဲဒီစေတနာရဲ့နောက်ကွယ်မှာ ရည်ရွယ်ချက်လေး ရှိတတ်တယ်။ ဒါကြောင့် စကားပြောတဲ့အခါ ဘာ့ကြောင့်ပြောသလဲဆိုတဲ့ ရည်ရွယ်ချက်က အရေးကြီးပါတယ်။ သင်လုပ်နေတဲ့ အလုပ်ရဲ့နောက်ကွယ်မှာရှိတဲ့ ရည်ရွယ်ချက်က အရေးကြီးပါတယ်။ စစ်မှန် သော ဆက်ကပ်ခြင်းဆိုတာ အလုပ်တစ်ခုကို စတင်လုပ်တော့မယ့် အချိန်မှာ ဆုတောင်းနေခြင်းပဲမဟုတ်ပါဘူး မှန်တကယ် ဆက်ကပ်တဲ့အသက်တာဆိုတာ “ ကိုယ်တော် ကျွန်ုပ်ရဲ့အကြံအစည်ကို စစ်ဆေးပါ။ ဆိုးသော လမ်းသို့ လိုက်သည်၊ မလိုက်သည်၊ ကျွန်ုပ်၏ အကြံအစည် မှန်သည် မှားသည်ကို ကိုယ်တော် သိတော်မူသော ကြောင့် ထာဝရလမ်းသို့ သွေးဆောင်တော်မူပါ “ ကျနော်တို့ရဲ့စိတ်နှလုံးအကြံအစည်ဟာ ဖြူစင်သန့်ရှင်းလာတဲ့ အခါ မမြင်နိုင်တဲ့ဘုရားသခင်ရဲ့ ငြိမ်သက်ခြင်းကသာ၍ နေရာယူလာမှာဖြစ်တယ်။ ကျနော်တို့ ဆုတောင်းခြင်း၊  ချီးမွမ်းကိုးကွယ်ခြင်းလုပ်တဲ့အခါ လူတစ်ယောက် အပေါ်မှာ စိတ်ဆိုးနေရင် ဘုရားမျက်မှောက်တော် ခံစားမယ့် အစား ခံပြင်းတဲ့စိတ်၊ မခွင့်လွှတ်နိုင်တဲ့စိတ်ဝင်လာပြီး မှားယွင်းတဲ့ အတွေးအခေါ်ဖြစ်လာလို့ ဘုရားသခင်ကို   နံဝိညာဉ်၊ သစ္စာတရားနဲ့ မကိုးကွယ်နိုင်တော့ဘူး။ ကျနော်တို့ရဲ့ ရန်သူ စာတန်က စိတ်နှလုံးထဲမှာ ၀င်ရောက် တိုက်ခိုက်နေပြီး မုန်းတီးခြင်း၊ ၀မ်းနည်းခြင်း၊ စိတ်အားငယ်ခြင်းတွေ ထည့်ပေးပါတယ်။ ဒါကြောင့် ဘုရားသခင် ရှေ့မှာ စင်ကြယ်တဲ့ နှလုံးသားရှိဖို့ မလွယ်ကူတော့ဘူး။ အချင်းချင်းတစ်ယောက်နဲ့ တစ်ယောက် စကားများကြ တာလည်း ဘာမဟုတ်တဲ့ အကြောင်းကိစ္စလေး ကြောင့်သာ ဖြစ်တတ်တယ်။ တစ်ယောက်ကို တစ်ယောက်မာန် မာနပြိုင်ကြပြီး အလျှော့မပေးချင်တဲ့အတွက်ကြောင့် ရန်ဖြစ်တတ်ကြတယ်။ ဒီလိုအချိန်မျိုးမှာ ဆုတောင်းရင်  စိတ်နှလုံးမပါနိုင်တော့ဘူး။ သီချင်းဆိုရင်လည်း အနှောင့်အယှက်တွေ အတွေးထဲ ၀င်လာတာကြောင့် ဘုရား မျက်မှောက်တော် မခံစားနိုင်တော့ဘူး။ တစ်ခါတလေ ဆုတောင်းသလိုလိုနဲ့ စိတ်ကူးယဉ်ပြီး အချိန်ကုန်သွား တတ်တယ်။ ဘုရားကျောင်းထဲမှာလည်း ခပ်တည်တည်နဲ့ တင့်တင့်တယ်တယ် ၀တ်ဆင်ပေမယ့်လည်း စိတ် နှလုံးက ညစ်ညူးနေတတ်တယ်။ ဘုရားသခင်ကို စိတ်နှလုံးအကြွင်းမဲ့ ကိုးကွယ်တဲ့အခါ တစ်စုံတစ်ခု ဖြစ်တော့ မယ်ဆိုတာကို နတ်ဆိုးတွေက သိလို့ နှောင့်ယှက်တာဖြစ်တယ်။ နတ်ဆိုးတွေက “ မင်းကိုငါ တိုက်ခိုက်ပြီ “ လို့ ဘယ်သောအခါမှ ပြောမှာမဟုတ်ပါဘူး။ တိတ်တိတ်လေးအရသာရှိရှိ ကျနော်တို့ စိတ်ကူးထဲ ၀င်လာတတ်  တယ်။ ဒါတွေကို တွေးတဲ့အခါ အခြားအရာတွေထက် အရသာပိုရှိတယ်။ ဒါကြောင့် နှစ်သစ်မှာ ယုံကြည်သူတွေ ၀ိညာဉ်ရေးရာမှ ပြန်လည်နိုးကြားပြီး အသစ်တဖန် လန်းဆန်းဖို့ ဘုရားရှင် ကောင်းကြီးပေးပါစေ။  ( ဟာလေလု ယာ ) ကျနော်တို့ အသက်တာမှာ ဘုရားသခင်ကို ချီးမွမ်းကိုးကွယ်တဲ့အခါ အနှောင့်အယှက်တွေ ၀င်လာရင် မျက်မှောက်တော်မခံစားနိုင်တော့ဘူး။ ဒါ့ကြောင့် နှုတ်ကပတ်တော်က ကာလအစဉ်စိတ်နှလုံးပါလျက်ဆုတောင်း ဖို့ တိုက်တွန်းထားတာဖြစ်တယ်။ တစ်ခါတလေမှ မဟုတ်ဘဲ အမြဲတမ်းစိတ်နှလုံးပါရမယ်။ ကိုယ်ဆုတောင်းတာ တခြား၊ စိတ်ကူးယဉ်တာ တခြား၊ ကိုယ်ဆိုနေတာတခြား၊ ကိုယ့်ခံစားချက်ကတခြား ဖြစ်တယ်တယ်။ ကိုယ်ဆို နေတဲ့သီချင်းကို အမှန်တကယ် ခံစားတတ်လာပြီး စိတ်နှလုံးပါလာရင် ကိုယ့်မျက်နှာမှာ ပေါ်လာမယ်။ ၀မ်းမြော က်သည်ဆိုပြီး မျက်နှာမှာ ခပ်မှိုင်မှိုင်ဖြစ်နေရင်တော့ စိတ်နှလုံးမပါလို့ပဲ။ နှစ်သစ်မှာ ညီအကိုမောင်နှမအားလုံး ဘုရားသခင်ရဲ့ မျက်မှောက်တော်ထဲမှာ အရှိန့် ပြေးနိုင်ဖို့ စိတ်နှလုံးဖြူစင်ဖို့ အရေးကြီးပါတယ်….အာမင်။ ကိုယ် တွင်း ၀ိညာဉ်သန့်ရှင်းလာတဲ့အထိ ဆုတောင်းဖို့လိုပါတယ်။ ကျနော်လည်း ဆုတောင်းတဲ့အခါ တစ်ခါတလေ စိတ်ကူးယဉ်မိတတ်ပါတယ်။ ကိုယ့်ကိုကိုယ် ဆုတောင်းတယ်လို့ ထင်ပေမယ့် အချိန်တော်တော်ကြာသွားမှ ငါ စိတ်ကူးယဉ်နေပါလားဆိုပြီး ကိုယ့်ခေါင်းကိုပြန်ခေါက်ပြီး သတိပေးခဲ့ရတယ်။ ကိုယ့်ကိုကိုယ် ပြန်လည်ဆက်ကပ် ရတယ်။ ကျနော်တို့ ပြန်လာကြရအောင်။ ပြန်ဆုတောင်းကြရအောင်။ စိတ်နှလုံးပါလျက် စိတ်နှလုံးသွန်းလောင်း လျက် အမှန်တကယ် ဘုရားသခင်ကို ဖူးမျှော်တတ်လာအောင်၊ ဘုရားမျက်မှောက်တော်ခံစားတတ်လာအောင် ကိုးကွယ်တတ်လာအောင်၊ ဘုရားသခင်ရဲ့ကြီးမြတ်ခြင်းကို ခံစားတတ်လာအောင်၊ ဘုရားရဲ့သန့်ရှင်းခြင်း၊ ဘုရားရဲ့ ချစ်ခြင်းမေတ္တာ အမှန်တကယ် ခံစားတတ်လာအောင် ကိုယ့်ကိုကိုယ် တိုက်ပွဲဝင်ကြရအောင်။ ကိုယ့် စိတ်နှလုံးရဲ့ ကောက်ကျစ်စဉ်းလဲခြင်း၊ လိမ်လည်လှည့်ဖြားခြင်းမှ ထွက်လာပြီး ဘုရားမျက်မှောက်တော်ကို ကိုး ကွယ်တတ်လာတဲ့အထိ ဆုတောင်းဆက်ကပ်ကြရအောင်။
ဘုရားသခင်ကောင်းကြီးပေးပါစေ။
သိက္ခာတော်ရဆရာဒေါက်တာဒမ်ဆွမ်းမုန်

မူရင်း။  ။ Encounter အတွဲ (၄) အမှတ် (၃၆)
မှတ်ချက်။        ။ စာလုံးများအား အနည်းငယ်ပြင်ဆင်ထားပါသည်။

ဘုရားသခင်နှင့်အတူသွားလာခြင်း၏အကျိုးကျေးဇူး

မြန်မာစကားပုံတစ်ခုရှိသည်။ ၄င်းမှာ " အကြောင်းကြော
င်းကြောင့် အကျိုးဖြစ်လာသည် " ဟူသော စကားဖြစ် သည်။ ယခု ကျွန်ုပ်တို့ခံစားရရှိသည့် အကျိုးရလဒ်ဖြစ်သ
ည့် ဆိုးခြင်း၊ ကောင်းခြင်းအားလုံးသည် ရှေးဘိုးဘေးများ
၏ အသက်ရှင်မှု အကြောင်းရင်းကြောင့် ဖြစ်၏ ။ နောင်
လာနောက်သားများ ခံစားရမည့် အကျိုးရလဒ်များသည်
လည်း ယခုကျွန်ုပ်တို့အပေါ်၌ မူတည်ပါ၏ ။ ဤလောက
သည် " အဆိုးနှင့်အကောင်း၊ အကျိုးနှင့်အကြောင်း "များ
သည်လည်း အမြဲဒွန်တွဲ လျက်ရှိနေပါ၏။ သင်ကိုယ်တိုင်
နှင့်နောင်လာနောက်သားများသည်လည်း မည်သည့်အ
ကျိုးကျေးဇူးကို ခံစားလိုပါသနည်း? ယနေ့သင့်အပေါ်မှာ
မူတည်ပါ၏ ။ ထို့ကြောင့် ဘုရားသခင်နှင့်အတူသွားလာ
ခြင်းအားဖြင့် ကျွန်ုပ်တို့နှင့် အတူနောင်လာနောက်သား
များအတွက်ပါ ကောင်းကျိုးဖြစ်စေဖို့ရန် သမ္မာကျမ်းစာထဲမှ ပုဂ်ဂိုလ် (၃) ဦးအားဖြင့် ဖော်ပြပေးလိုပါ၏ ။
(၁) ဘုရားနှင့်အတူသွားလာသောနောဧ ( က ၆း ၉ ) 
" .....နောဧသည် ဘုရားသခင်နှင့်အတူ သွားလာ၏ ....... "
(a) အများနှင့်မတူသောသူ
နောဧခေတ်ကာလ၌ ဘုရားသခင်ကို ကိုးကွယ်သောသူ ရှိကြပါ၏ ။ သို့သော် ဘုရားသခင်နှင့်အတူသွားလာ
ခြင်းထက်။ မိမိတပ်မက်ခြင်းထဲ၌သာ သွားလာကြ၏ ။ ( က ၆း ၂ ) ဘုရားသခင်ကို ယုံကြည်ကိုးကွယ်သော
သူဖြစ်သော်လည်း ဘုရားသခင်ကို ကျောခိုင်းကာ မိမိတပ်မက်ခြင်း နောက်သို့လိုက်ခြင်းဖြစ်သည်။ ဘုရား
သခင်ကို စွန့်ပယ်လျက် မိမိတပ်မက်ခြင်းနောက်သို့ လိုက်ကာ ယုံကြည်ခြင်းတရားကို စွန့်လွှတ်ခဲ့သည်။ ထို
အရာကို ဖောက်ပြန်ခြင်းဟု ခေါ်သည်။ ဘုရားသခင်အသိုင်းအ၀ိုင်းမှ ဖောက်ထွက်ခြင်းဖြစ်သည်။ သို့သော်
နောဧမူကား လူအများဖောက်ပြန်တိုင်း လိုက်၍ ဖောက်ပြန်သူမဟုတ်ပါ။ ဘုရားသခင်ကို​ ယုံကြည်ခြင်းမှ  
မစွန့်ခွာပါ။ ထို့ကြောင့် ဘုရားသခင်က သူ့အား စိတ်တော်နှင့်တွေ့သော သူဟု မှတ်တမ်းတင်ခံရသည်။
( က ၆း ၈ )
သာမန်လူသားဖြစ်သော်လည်း ဘုရားသခင်ကို ယုံကြည်ခြင်းမှ မဖောက်ပြန်ခဲ့ပါ။ ထို့ကြောင့် ဘုရားသခင်
ကသူ့အား စုံလင်သောသူ၊ ဖြောင့်မတ်သောသူဟု သတ်မှတ်သည်။ ယနေ့ခေတ်ကာလသည် နောဧခေတ်
ကာလနှင့် မခြားနားပါ၊ ပို၍ပင်ဆိုးပါသည်။ နောဧခေတ်၌ လူနှင့်သက်ရှိအားလုံး ဖောက်ပြန်ကြသည်။ ယနေ့
ခေတ်ကာလ၌ လူတိရစ္ဆာန်သာမက ရာသီဥတုနှင့် အပင်များပါမကျန် ဖောက်ပြန်ကြသည်။ ထိုဖောက်ပြန်မှု
အားလုံး၌ သင်နှင့်ကျွန်ုပ်မပါဖို့ အရေးကြီးသည်။
(b) ဘုရားစကားပြောသောသူ ( က၆း ၁၃-၁၂ )  
အများနှင့်မတူ ဘုရားနှင့်သွားလာသော နောဧဟူမူကား ဘုရားသခင်ထံမှ စကားသံကို ကြား၏။ 
အခြားသော ပုဂ်ဂိုလ်များက လူနှင့်စကားပြောသောကြောင့် လူသံကိုသာကြား၏ ။ ဘုရားသခင်၏ စီမံကိန်း
ကို နောဧသိရ၏ ။ ဘုရားသခင်၏ ကယ်တင်ခြင်းကိုလည်း ခံရ၏ ။ ဘုရားသခင်နှင့် သွားလာသော နောဧ၏
ကျေးဇူးကြောင့် သူ၏မိသားစုအားလုံး ကယ်တင်ခြင်းကို ခံရ၏ ။ ( က ၁၆း၃၁ ) " သခင်ယေရှုခရစ်ကို ယုံ
ကြည်လော့။ ယုံကြည်လျှင် သင်နှင့်သင်၏ အိမ်သူအိမ်သားတို့သည် ကယ်တင်ခြင်းသို့ ရောက်လိမ့်မည် "။
ယနေ့ သင်သည်လည်း အများနည်းတူ မဟုတ်ဘဲ ဘုရားသခင်နှင့် စကားပြောသောသူ၊ ဘုရားသခင်ကိုယုံ
ကြည်သောသူဖြစ်ပါက ဘုရားသခင်ထံမှ အံ့သြဖွယ် ကောင်းသော အသံတော်၊ ကြီးမားသောကယ်တင်ခြင်း
ကျေးဇူးတော်ကို ခံစားရမည်မှာ သေချာပါသည်။ သင့်ကြောင့် နောင်မျိုးဆက်များတို့သည် ကောင်းကျိုးကို
ခံစားရမည်ဖြစ်သည်။ 
(၂) ဘုရားသခင်နှင့်သွားလာသော ဒံယေလနှင့်သူငယ်ချင်းများ ( ဒံ ၁း ၈-၁၇ )
ဒံယေလနှင့်သူ၏ သူငယ်ချင်း သုံးယောက်တို့သည် လူပျိုလေးများဖြစ်သည်။ သူတို့သည် စစ်သုံ့ပန်းအဖြစ်
ခေါ်ဆောင်ခြင်းကို ခံရသော်လည်း သူတို့သည် အခွင့်ထူးကို ရရှိခဲ့ကြသည်။ သူတို့ကဲ့သို့ပင် သုံ့ပန်းအဖြစ်
ဖမ်းဆီးခံရသော သူတို့နိုင်ငံသားများလည်း ပါကြပါသည်။ သူတို့ကဲ့သို့ပင် အခွင့်ထူးအတူရကြပါသည်။ သို့
သော် ကွာဟမှုမှာ ဘုရားနှင့်အတူလျှောက်လှမ်းခြင်း၌ မတူညီကြပါ။ ဒံယေလတို့အဖွဲ့သည် ဘုရားသခင်နှင့်
အတူလျှောက်လှမ်းသောကြောင့် ဘုရားသခင်၏ စိတ်သဘောတော်ကို နားလည်ကြ၏ ။ ( ၀တ် ၁၁း ၄၅ -
၁ပေ ၁း ၁၅-၁၆ ) သူတို့သည် ဘုရားသခင်၏ သန့်ရှင်းခြင်းကို သိနားလည်သောကြောင့် သူတို့ကိုယ်တိုင်
လည်း သန့်ရှင်းစွာ အသက်ရှင်ကြသည်။ အခွင့်အရေးကောင်းသည့် စားသောက်ဖွယ်ရာ အကောင်းဆုံး
အစာကို ငြင်းငယ်၍ အညံ့ဆုံးသော အစာကိုရွေးချယ်ကြသည်။ ယနေ့ခေတ် စားသောက်ဖွယ်ရာများသည်
ယခင်ခေတ်ထက်ပို၍ ကောင်းမွန်မှာ သေချာသည်။ ယနေ့လူငယ်ကို မဆိုထားနှင့် လူကြီးများပင်လျှင်အခွင့်
ထူးရှိလာလျှင် လက်လွတ်မခံနိုင်ကြပါ။ လူ့အမြင်၌ အကောင်းဆုံး အစားအသောက်သည် ဘုရားသခင်အ
တွက် ညစ်ညူးသောအရာဖြစ်သည်။ လူ့အတွက် အညံ့ဆုံးသော အစာသည် ဘုရားသခင်ရှေ့၌ အကောင်း
ဆုံးအစာဖြစ်၏ ။ ဒံယေလနှင့် သူငယ်ချင်းတို့သည် ယုံကြည်ခြင်းဖြင့် ဘုရားသခင်နှင့်အတူ လျှောက်လှမ်း
ခြင်းကြောင့် သူတို့၏ လူမျိုးများသည် အခြားသော တိုင်းနိုင်ငံ၌ ထူးခြားစွာ အခွင့်ထူးကို ခံစားရရှိကြပါသည်။
ယနေ့ ကျွန်ုပ်တို့အတွက် သင်ခန်းစာ ဖြစ်သည်။
(၃) ဘုရားသခင်နှင့်အတူသွားလာသောရှင်ပေါလု ( ဂလာ ၂း ၂၀ ) 
ရှင်ပေါလုသည် ယခင်အသက်တာ ရှောလုဘ၀၌ အသက်ရှင်စဉ်တွင် သူ၏အမြင်လုပ်ရပ်နှင့် သူ့အဖွဲ့အ
စည်း ( ဖာရိရှဲအုပ်စု ) အမြင်နှင့်လုပ်ရပ်သည် မှန်သည်၊ ကောင်းသည်ဟု ထင်ကြသည်။ သူတို့၏ လုပ်ရပ်
သည် ဘုရားသခင် အလိုတော်ဖြစ်သည်ဟု သူတို့ကိုယ်တိုင် ထင်မြင်ကြသည်။ သို့သော် ဘုရားသခင်၏
အမြင်ဘက်၌ သူ၏လုပ်ရပ်သည် ခရစ်တော်ဘုရားသခင်ကို ဆန့်ကျင်တိုက်ခိုက်ကြောင်း သိရသည်။
( တမန် ၉း ၄ ) သို့သော် ရှောလုအသက်တာ ပြောင်းလဲပြီးသည့်နောက် သူသည် ပေါလုအဖြစ် အမည်
ပြောင်းကာ ဘုရားသခင်နှင့်အတူ အသက်ရှင်ခဲ့သည်။ ဘုရားသခင်နှင့် လျှောက်လှမ်းသောအခါ သူ၏အ
တတ်ပညာ အားလုံးတို့သည် ဘုရားသခင့်ရှေ့တော်၌ မစင်ကဲ့သို့ ဖြစ်သည်ဟု သူသိလာခဲ့သည်။ ထိုပညာ
အားလုံးကို သူစွန့်ကာ ခရစ်တော်နှင့်အတူ အသက်ရှင် လျှောက်လှမ်းခဲ့သည်။ ထိုအခါ ဘုရားသခင်သည် သူ့ကိုအခြားသော တမန်တော်တို့ထက် အသုံးပြုကာ ရှင်ဘုရင်များကိုပင် ဧ၀ံဂေလိတရားကို ဟောပြော
ခြင်းအခွင့်ထူးများ သာမက ဘုရားသခင်၏ အထူးဖွင့်ပြချက်များကို ရရှိခံစားခံရသည်။ သြ၀ါဒစာများစွာကို
ရေးသား၍ အသင်းတော်များစွာကိုလည်း တည်ဆောက်ခဲ့သည်။
        ၂၀၁၁ ခုနှစ်အတွက် သင့်အသက်တာကို မည်ကဲ့သို့ ပြင်ဆင်ထားပါသနည်း ? ယခုအတိုင်းဆက်လက်
အသက်ရှင်မလား ?  သို့မဟုတ် ဘုရားသခင်နှင့်အတူ လျှောက်လှမ်းခြင်း အားဖြင့် နောက်မျိုးဆက်သစ်များ
အတွက် ကောင်းကျိုးပြုသောသူ အဖြစ်အသက်ရှင်မလား ? ဆိုတာကို ရွေးချယ်ဖို့ရန် သင့်အပေါ်မှာ မူတည်
ပါသည်။ 
        - နောဧကဲ့သို့အများနည်းတူမဟုတ်ဘဲ ဘုရားသခင်နှင့်အတူသွားလာသော သူဖြစ်ဖို့ရန်၎င်း
        - ဒံယေလကဲ့သို့ အစားအသောက်ကို မမက်မောဘဲ သန့်ရှင်းခြင်းကိုသာနှစ်သက်သကဲ့သို့၎င်း
        - ရှင်ပေါလုကဲ့သို့ မိမိ၏ အတတ်ပညာများကို အားမကိုးဘဲ ခရစ်တော်ကိုသာ ကိုးစားလျက် အသက်
          ရှင်သကဲ့သို့၎င်း ( ဖိ ၃း ၁၁ ) 
ဤနှစ်သစ်၌မေတ္တာဖြင့်ဝေငှလိုပါ၏။

ဘုရားသခင်ကောင်းကြီးပေးပါစေ
ဆရာစောဟယ်လေး
 






သခင်အလိုတော်ရှိသောနှလုံးသား

                                             

 သမ္မာအလင်းဘလော့ဂ်ရဲ့ ပရိသတ်တွေအားလုံးပဲ မင်္ဂလာပါ။


ဒီဇင်ဘာတစ်လလုံးကစလို့ အခုအချိန်ထိ အကြောင်းအမျိုးမျိုးကြောင့် ဘလော့
ဂ်မှာ တရားဟောချက်အသစ်တွေ ထပ်မတင်ဖြစ်တာတွေအတွက် အထူးပဲ
တောင်းပန်ပါတယ်။ ဒီကနေ့တော့ ကျနော်တို့ ခရစ်ယာန်အသက်တာကို အကြီးအကျယ်ထောက်ပြ သတိပေးထားတဲ့ အကြောင်းအရာအားဖြင့် နှုတ်ကပတ်တော်ကို စလိုက်ကြရအောင်။

“ သခင်၊ သခင်ဟု ငါ့ကိုလျှောက်သောသူတိုင်း ကောင်းကင်နိုင်ငံတော်သို့ ၀င်ရလိမ့်မည်မဟုတ်။ ကောင်းကင်ဘုံး၌ ရှိတော်မူသော ငါ့ခမည်းတော်၏ အလိုကို ဆောင်သောသူသာလျှင် ၀င်ရလိမ့်မည်။ ထို့နေ့၌ကား သခင်၊ သခင် အကျွန်ုပ်တို့သည် ကိုယ်တော်အခွင့်နှင့် ဆုံးမသြ၀ါဒပေးပါပြီ မဟုတ်လော။ ကိုယ်တော်အခွင့်နှင့် နတ်ဆိုးတို့ကို နှင်ထုတ်ပါပြီမဟုတ်လော။ ကိုယ်တော်အခွင့်နှင့် များစွာသော တန်ခိုးတို့ကို ပြပါပြီ မဟုတ်လောဟု အများးသောသူတို့သည် လျှောက်ကြလိမ့်မည်။ ထိုသို့လျှောက်ကြသောအခါ သင်တို့ကို ငါအလျဉ်းမသိ။ အဓမ္မအမှုကိုပြုသောသူတို့ ငါ့ထံမှဖယ်ကြဟု ထိုသူတို့အား အတည့်အလင်း ငါပြောမည် “ (မဿဲ ၇း ၂၁-၂၃ )
ဒီကျမ်းချက်ကို ဂိုဏ်းဂနတော်တော်များများက ကိုယ့်ငါးချဉ်၊ ကိုယ်ချဉ်တဲ့အပြောမျိုးနဲ့ သုံးတတ်၊ ပြောတတ် သွန်သင်တတ်ကြပါတယ်။ အဲဒီလို ဟောပြောသွန်သင်မှုတွေကို ပြုနေတဲ့သူတွေ ကိုယ်တိုင်ကရော ဒီကျမ်းချက်ဟာ သူတို့ကိုပါ သတိပေးနေတယ်ဆိုတာ သိကြပါရဲ့လား။ ကျမ်းစာကတော့ ပွင့်ပွင့်လင်းလင်းပါပဲ။ ဘယ်လိုလုပ်ဆောင်မှုမျိုးကိုပဲ လုပ်ခဲ့ပါစေ။ သင်တို့ကို ငါအလျဉ်းမသိလို့ ငြင်းပယ်ခံရမယ်လို့ ဖော်ပြထားပါတယ်။ ကောင်းကင်ဘုံ၌ရှိတော်မူသော ငါ့ခမည်းတော်၏ အလိုကိုဆောင်သောသူသာလျှင် ၀င်ရလိမ့်မည်ဆိုတော့ ခမည်းတော်ရဲ့အလိုက ဘာလဲဆိုတာ ကျနော်တို့အတွက် သေရေးရှင်ရေး မေးခွန်းဖြစ်လာပါတယ်။ သမ္မာကျမ်းစာကတော့ ဒီမေးခွန်းကို ထောင့်စိအောင် အဖြေပေးထားပါတယ်။
“ လူအပေါင်တို့သည် ကယ်တင်ခြင်းသို့ရောက်၍ သမ္မာတရားကို သိစေခြင်းငှာ ဘုရားသခင်အလိုတော်ရှိ၏ ။ “ ( ၁တိ ၂း ၄ )
ဘုရားသခင်က လူမျိုးတကာကို ကယ်တင်ခြင်းရစေချင်သလို သမ္မာတရားကို သိစေချင်ပါတယ်။ ကဲ..ဒါဖြင့်ရင် ကျနော်တို့တွေ အထက်မှာဖော်ပြခဲ့တဲ့ ကျမ်းချက် ရှင်မဿဲခရစ်ဝင် ၇း ၂၁-၂၃  မှာလည်း ကယ်တင်ခြင်းတရားကို ဟောကြပြောကြသလို သခင်ယေရှုရဲ့အခွင့်နဲ့ များစွာသော တန်ခိုးတွေပြနိုင်တယ်။ နတ်ဆိုးတွေကို နှင်ထုတ်တဲ့အမှုတွေ လုပ်ခဲ့ကြပါလျက်နဲ့ ဘာကြောင့်များ “ သင်တို့ကို ငါအလျဉ်းမသိ။ အဓမ္မအမှုကိုပြုသော သူတို့ ငါ့ထံမှ ဖယ်ကြ “ လို့ ပယ်ပယ်နယ်နယ် အပြောခံရတာပါလဲ။ ကြည့်ကြပါဦးဗျာ။ မသိတာတောင်မှ ရေးတေးတေးမသိတာမဟုတ်ဘူး၊ အလျဉ်းကိုမသိတာတဲ့။ ကောင်းတဲ့အရာတွေလည်း အများကြီးပြုခဲ့ပါလျက်နဲ့ အဓမ္မအမှုကို ပြုတဲ့သူလို့ သမုတ်ခံရတယ်။ ဘာကြောင့်များပါလိမ့်။ ကဲ….. သမ္မာတရားက ဘယ်လို အဖြေပေးမလဲဆိုတာ ကြားနာခံယူနိုင်ဖို့ မိတ်ဆွေရဲ့ ၀ိညာဉ်ရေးရာ မျက်စိတွေ၊ နားတွေကို ကျယ်ကျယ်ဖွင့်ထားလိုက်ပါ။
မိတ်ဆွေ…… ခရစ်ယာန်အသက်တာဆိုတာ ဘုရားသခင်အတွက်လုပ်ဆောင်နေရတဲ့ အသက်ရှင်မှုပုံစံ၊ ကြိုးစားပမ်းစားနဲ့ အမှုတော်ကို ထမ်းဆောင်နေရတဲ့ အစေခံအသက်တာလို့ ထင်နေပါသလား။ အဲဒီလို ထင်မှတ်နေရင်တော့ အထက်ကဖော်ပြခဲ့တဲ့ ကျမ်းချက်ထဲက သခင်ယေရှုရဲ့ အငြင်းပယ်ခံရတဲ့သူတွေ ခင်ဗျားနဲ့ဘာမှမကွာဘူးလို့ သတိပေးပါရစေ။ ကျနော်တို့ ယုံကြည်သူတွေရဲ့ မျှော်လင့်ချက်ဖြစ်တဲ့ ကောင်းကင်နိုင်ငံရဲ့ တရားစီရင်ခန်းမှာ လူ့လောကမှာနေစဉ်က ကျနော်တို့ လုပ်ဆောင်ခဲ့တာတွေကြောင့် ဆုပေးခံရမယ်လို့ ထင်နေပါသလား။ လူ့လောကမှာနေစဉ်က ဘုရားသခင်အတွက် ခင်ဗျားဘာတွေလုပ်ခဲ့တယ်ဆိုတာကို ကောင်းကင်နိုင်ငံကို ယူသွားနိုင်မယ်လို့ ခင်ဗျားထင်နေရင်တော့ မိတ်ဆွေ စိတ်ကြီးဝင်နေပြီလို့ပဲ ပြောချင်ပါတယ်။ ကျနော်တို့တွေ ကောင်းကင်နိုင်ငံအထိ ယူသွားနိုင်မယ့်အရာက ကျနော်တို့ ခင်ဗျားတို့အတွက် ယေရှုဘာလုပ်ပေးခဲ့တယ်ဆိုတာကို ဘယ်လောက်ယုံကြည်သလဲဆိုတဲ့အရာ (တစ်နည်းအားဖြင့်) ကိုယ့်ရဲ့ သတို့သားအပေါ် တုံ့ပြန်မှု မေတ္တာတရား ပဲဖြစ်ပါတယ်။ အဲဒီတော့ မိတ်ဆွေကို သတိပေးပါရစေ။ ဘုရားသခင်က ခင်ဗျားသူ့အတွက် ဘာလုပ်ခဲ့တယ်ဆိုတာထက် ခင်ဗျားအတွက် သခင်ယေရှု ဘာလုပ်ပေးခဲ့တယ်ဆိုတာကို ဘယ်လောက်နားလည်သလဲ ဆိုတာကို ပိုပြီးစိတ်ဝင်စားပါတယ်။ ပိုပြီး တိတိကျကျသိရအောင် ဗျာဒိတ် ၃း ၇-၁၃ ၊ ၂၀း ၁၁-၁၅၊ ၁ယော ၄း၁၇ တို့ကို ဖတ်ကြည့်ကြရအောင်။
တရားစီရင်ဆုံးဖြတ်တဲ့နေ့ကို ရောက်လာတဲ့အခါမှာ ရဲရဲရင့်ရင့်နဲ့ခေါင်းမော့ရင်ကော့ နေနိုင်အောင် လုပ်ဆောင်ပေးနိုင်တဲ့ တစ်ခုတည်းသောအရာက သခင်ယေရှုရဲ့ လုပ်ဆောင်မှုတွေကနေ ဖော်ပြနေတဲ့ ဘုရားသခင်ရဲ့ ချစ်ခြင်းမေတ္တာကို ခင်ဗျားဘယ်လောက် သိနားလည်တယ် ဆိုတဲ့ တုံ့ပြန်မေတ္တာပါပဲ။ အဲဒီမေတ္တာကသာ ခင်ဗျား ဒီလောကမှာ ရှိနေစဉ်မှာကို သခင်ယေရှုရဲ့ ဘုရားသခင်အပေါ်မှာ ထားရှိတဲ့ ယုံကြည်စိတ်ချမှု ဘယ်သောအခါမှ သေခြင်းတရားရဲ့အောက်မှာ ကျရှုံးမသွားဘူးဆိုတဲ့ စိတ်ချမှုမျိုးကို ရစေမှာဖြစ်ပါတယ်။ ယော ၁၆း ၂၇၊ ယော ၁၇း ၂၄-၂၆၊ မဿဲ ၂၆း ၅၃
ဘုရားသခင်ရဲ့အမှုတော်မြတ်မှာ ပါဝင်နေကြတဲ့သူတွေအတွက်တော့ ဒီတရားဒေသနာက လက်မခံချင်စရာဖြစ်နေမယ်လို့ ထင်ပါတယ်။ ဘုရားသခင်ရဲ့ အမှုတော်မြတ်မှာ နေ့စားအလုပ်သမား စိတ်ဓါတ်မျိုးနဲ့ “ ငါကြိုးစားရမယ်……ဒါမှ ဘုရားသခင်က ကောင်းကောင်းဆုချမှာ “ ဆိုပြီး ထမ်းဆောင်နေရင်တော့ မဿဲ ၂၀း ၁-၁၆ ကို သခင်ယေရှုက လွန်ခဲ့တဲ့ နှစ် (၂၀၀၀)ကျော်ကတည်းက ခင်ဗျားအတွက် ကြိုပြီးတော့ ဟောခဲ့တာဖြစ်ပါလိမ့်မယ်။ နောက်ဆုံးသောနေ့ရဲ့ တရားစီရင်ချိန်မှာ ရဲရဲရင့်ရင့်ရှိနေနိုင်ဖို့ ကျနော်တို့ရဲ့ နှလုံးသားတွေကို ပြင်ဆင်ထားကြရအောင်။
“ ထိုသို့အလို့ငှာ ငါသည်အမှုဆောင်ရွက်၍ ငါ၌ တန်ခိုးတော်ပြုပြင် အားထုတ်တော်မူသည်အတိုင်း ကြိုးစားအားထုတ်လေ့ရှိ၏ ။ “ ကောလောသဲ ၁း ၂၉
“ သို့သော်လည်း ဘုရားသခင်၏ ကျေးဇူးတော်အားဖြင့်သာ ငါဖြစ်သည်အတိုင်း ငါဖြစ်၏ ။ ငါခံရသောကျေးဇူးတော်ကိုလည်း အကျိုးမဲ့ခံရသည်မဟုတ်။ အခြားသော တမန်တော်အပေါင်းတို့ထက် ငါသည်သာ၍ ကြိုးစားခြင်းကို ပြု၏ ။ ထိုသို့ဆိုသော်လည်း ငါကြိုးစားသည်မဟုတ်။ ငါနှင့်အတူရှိသော ဘုရားသခင်၏ ကျေးဇူးတော်သည် ကြိုးစားတော်မူ၏ ။ “ ၁ကော ၁၅း ၁၀
ဒီတရားဒေသနာကို ဖတ်ပြီးတဲ့နောက် မိတ်ဆွေရဲ့စိတ်ထဲမှာ မတင်မကျဖြစ်နေခဲ့ရင် ၁သက် ၃း၁၂ ကို ၀ိညာဉ်မျက်စိနဲ့ ဖတ်ကြည့်ကြပါလို့ တိုက်တွန်းပါရစေ။
အယောက်စီတိုင်းကို ဘုရားသခင်ကောင်းကြီးပေးပါစေ။

Share

Twitter Delicious Facebook Digg Stumbleupon Favorites