ကောရိ န္တု သြဝါဒစာပဌမစောင် ( ၁၃း ၄-၈ )

၎မေတ္တာသည် စိတ်ရှည်တတ်၏။ ကျေးဇူးပြုတတ်၏။ မေတ္တာသည် ဂုဏ်ပြိုင်ခြင်းမရှိ၊ ဝါကြွားခြင်း မရှိ၊ မာန်မာနမရှိ။ ၅လျောက်ပတ်စွာမကျင့်တတ်၊ ကိုယ်အကျိုးကို မရှာတတ်၊ ဒေါသအမျက်မထွက်တတ်၊ အပြစ်ရှိ သည်ဟု မထင်တတ်၊ ၆မတရားသောအမှု၌ ဝမ်းမြောက်ခြင်းမရှိတတ်၊ သမ္မာတရား၌ဝမ်းမြောက်တတ်၏။ ၇ခပ်သိမ်း သောအရာကို ဖုံးအုပ်တတ်၏။ ခပ်သိမ်းသောအရာကို ယုံတတ်၏။ ခပ်သိမ်းသောအရာကို မြော်လင့်တတ်၏။ ခပ်သိမ်းသောအရာကို သည်းခံတတ်၏။ ၈မေတ္တာသည် ဖောက်ပြန်ခြင်းသဘောနှင့် အစဉ်ကင်းလွတ်၏။ ပရောဖက် ဥာဏ်သော်၎င်း၊ အမျိုးမျိုးသောဘာသာစကားကို ပြောနိုင်သောအခွင့်သော်၎င်း၊ သိပ္ပံအတတ်သော်၎င်း၊ ကွယ်ပျောက်လိမ့်မည်။

ဆာလံကျမ်း ( ၉၈း ၁ )

၁ထာဝရဘုရားအား အသစ်သောသီချင်းကို ဆိုကြလော့၊၊ အံ့ဘွယ်သောအမှုတို့ကို ပြုတော်မူပြီ၊၊ လက်ျာလက်တော်နှင့် သန့်ရှင်းသောလက်ရုံးတော်သည် ကိုယ်တော်အဘို့ ကယ်တင်ခြင်းအမှုကို ပြုလေပြီ၊၊

ရှင်လုကာခရစ်ဝင် ( ၅း ၄ )

စကားတော်ပြတ်သောအခါ၊ ရေနက်ရာအရပ်သို့ ရွှေ့ဦးလော့။ ပိုက်ကွန်ကိုချ၍ ငါးကိုအုပ်စမ်း လော့ဟု ရှိမုန်အား မိန့်တော်မူ၏။

ယေရမိအနာဂတ္တိကျမ်း ( ၂၀း ၇ )

၇အိုထာဝရဘုရား၊ ကိုယ်တော်သည် အကျွန်ုပ်ကို သွေးဆောင်တော်မူသည်အတိုင်း၊ အကျွန်ုပ် လိုက်ပါပြီ။ ကိုယ်တော်သည် အကျွန်ုပ်ထက်အားကြီး၍ နိုင်တော်မူပြီ။

ဧဖက်သြ၀ါဒစာ ( ၄း ၂၆-၂၇ )

၂၆အမျက်ထွက်ရာတွင် အပြစ်မရှိ စေနှင့်။ ၂၇အမျက် မပြေဘဲ နေမဝင်စေနှင့်။ မာရ်နတ်ကို အခွင့်မပေးကြနှင့်။

မြန်မာပြည်အတွက်ခရစ်တော်


သမ္မာအလင်းရဲ့ပရိသတ်တွေအားလုံး မင်္ဂလာပါခင်ဗျာ။ ကျနော်တို့ဘလော့ဂ်မှာ ပို့စ်အသစ်တွေလည်း မတင်ပေးနိုင်တာအတော့်ကို ကြာခဲ့ပြီမို့ ကျနော်တို့ရဲ့ပျက်ကွက်မှုအတွက် အထူးပဲတောင်းပန်ပါတယ်။ ဒီနေ့မှာတော့ တရားသူကြီးမှတ်စာ ၆း ၁၁- ၁၂ က အကြောင်းအရာကိုအခြေပြုပြီးတော့ ကျနော်တို့ကို ဘုရားသခင်က နှုတ်ကပတ်တော်အားဖြင့် ဘယ်လိုစကားပြောနေတယ်ဆိုတာ လေ့လာကြည့်ကြရအောင်။ တဖန်ထာဝရဘုရား၏ကောင်းကင်တမန်သည် လာ၍ သြဖရရွာမှာ အဗျေဇာအမျိုးသား ယောရှပိုင်သော သပိတ်ပင်အောက်၌ထိုင်နေလေ၏။ ယောရှသား ဂိဒေါင်သည် မိမိစပါးကို မိဒျန်လူတို့မတွေ့စေခြင်းငှာ စပျစ်သီးနယ်ရာတန်ဆာအနားမှာ စပါးကိုနယ်လျက်နေ၏။ ထာဝရဘုရား၏ကောင်းကင်တမန်သည် ကိုယ်ထင်ရှား၍ ခွန်အားကြီးသောအချင်းသူရဲ ထာဝရဘုရားသည် သင်နှင့်အတူရှိတော်မူ၏ဟု ဆိုလျှင်ဒီကျမ်းချက်ကိုကြည့်တဲ့အခါ ဂိဒေါင်ဟာ မိဒျန်လူတွေကို ကြောက်တာကြောင့် စပျစ်သီးနယ်တဲ့တန်ဆာအနီးမှာ စပါးနယ်နေတာကိုတွေ့ရပါလိမ့်မယ်။ ကျနော်တို့ယုံကြည်သူတွေတော်တော်များများလည်း ဂိဒေါင်ကဲ့သို့သော ကြောက်စိတ်ကြောင့် လူမှန်နေရာမှန်မဖြစ်ဘဲ မိမိမှာရှိတဲ့ဆုကျေးဇူးနဲ့ လက်ရှိလုပ်ဆောင်နေတာနဲ့ တလွဲစီဖြစ်နေကြသလို ဘုရားသခင်ခွဲခန့်မှတ်သားထားတဲ့ အောင်မြင်မှုနဲ့အလှမ်းကွာနေကြတာကို တွေ့ရမှာဖြစ်ပါတယ်။ ၂တိ ၁း၇ မှာ အကြောင်းမူကား ဘုရားသခင်သည် ကြောက်တတ်သောစိတ်သဘောကို ငါတို့အားပေးတော်မူသည်မဟုတ်၊ တန်ခိုးပါသောစိတ်၊ ချစ်တတ်သောစိတ်၊ ရှင်းလင်းသောစိတ်သဘောကို ပေးတော်မူ၏ လို့ဖော်ပြထားပါတယ်။ အရင်ဆုံးဖော်ပြထားတဲ့ အဖြစ်အပျက်ကိုလေ့လာကြည့်ရင် ဂိဒေါင်ဟာ စပျစ်သီးနယ်တဲ့နေရာမှာ စပါးသွားနယ်နေသလို ကျနော်တို့တွေလည်း ဘုရားသခင်ခွဲခန့်ထားတဲ့နေရာကနေ ဖယ်ခွာပြီး ဘေးကင်းရာမှာ လုပ်ဆောင်နေကြပါတယ်။ ဒီထက်ပိုပြီး ပွင့်ပွင့်လင်းလင်းပြောရရင်တော့ အနေချောင်၊ အစားချောင်တဲ့နေရာမှာ အသက်ရှင်နေကြတာကများပါတယ်။ ဒီအကြောင်းအရာနဲ့ပတ်သက်ပြီးတော့ ပြောရရင်တော့ ကျနော်တို့မြန်မာပြည်က ကျမ်းစာကျောင်းတွေမှာ ဆိုလေ့ဆိုထရှိတဲ့ ကျောင်းဆင်းပွဲသီချင်းအကြောင်းပါ ထည့်ပြောမှပြည့်စုံမယ်ထင်ပါတယ်။ မြန်မာပြည်က ကျမ်းစာကျောင်းတော်တော်များများမှာ ကျောင်းဆင်းပွဲဆိုရင် မြန်မာပြည်အတွက်ခရစ်တော်ဖြစ်ရမယဆိုတဲ့ သီချင်းကို အားရပါးရလက်သီးလက်မောင်းတန်းပြီး ဆိုလေ့ရှိကြပါတယ်။ အဲဒီလိုကျောင်းဆင်းပြီးတဲ့နောက် ()နှစ်ဒါမှမဟုတ် ()နှစ်လောက်ကြာသွားတဲ့အခါမှာတော့ ကျောင်းဆင်းပွဲတုန်းက ဆိုခဲ့ကြတဲ့သီချင်းနေရာမှာ  အသက်မွေးလောက်သောဒေါ်လာနှင့် စိမ်းလန်းသောအမေရိကသို့ပို့ဆောင်တော်မူပါ ဆိုတဲ့ ဆုတောင်းချက်မျိုး ပြောင်းလဲသွားပါတော့တယ်။ ကျနော်တို့တွေအားလုံး မြန်မာပြည်အတွက်ခရစ်တော်ဖြစ်ရမယ်ဆိုတဲ့ ခံယူချက်တကယ်ရှိကြရင် မြန်မာပြည်အတွက် ခရစ်တော်ဖြစ်လာမယ့်အလုပ်မျိုးဘာတွေလုပ်ပြီးကြပြီလဲ၊ ဘာတွေလုပ်နေကြပြီလဲဆိုတာ ပြန်ဆန်းစစ်ကြဖို့လိုပါတယ်။ လုပ်နေတော့ နိုင်ငံခြားမှာအခြေချဖို့၊ ကျမ်းစာကျောင်းတက်ဖို့ ပြောနေဟောနေတော့ မြန်မာပြောင်းလဲဖို့၊ မြန်မာပြည်နိုးထဖို့ ……
ယုံကြည်ခြင်းနဲ့ ၀န်ခံပြောဆိုတယ် ဆိုတဲ့ခေါင်းစဉ်တပ်ပြီး အရူးချီးပန်းလျှောက်ပြောနေရုံနဲ့ တကယ်ဖြစ်လာကြေးဆိုရင် ကော ၄း ၂၀မှာ ဘုရားသခင်ကဘယ်လိုပြောဆိုထားတယ်ဆိုတာကို လေ့လာကြည့်လိုက်ရင် နားလည်နိုင်မယ်ထင်ပါတယ်။                                                                            အကြောင်းမူကား ဘုရားသခင်၏နိုင်ငံတော်သည် စကား၌တည်သည်မဟုတ်၊ တန်ခိုး၌တည်၏။ ”                      ကျနော်တို့ရဲ့ ရူပါရုံက တကယ်ပဲမြန်မာပြည်အတွက် ခရစ်တော်ဖြစ်ရမယ်လို့ အကြွင်းမဲ့ခံယူထားသလို တကယ်ပဲယုံကြည်ထားတယ်ဆိုရင် မြန်မာပြည်အတွက် ခရစ်တော်ဖြစ်စေမယ့် လုပ်ဆောင်မှုမျိုးတွေကို လုပ်ဆောင်ကြဖို့လိုသလို၊ ၀န်တာထားတဲ့နှလုံးသားနဲ့ တိကျပြတ်သားတဲ့ဆုံးဖြတ်ချက်ရှိဖို့ လိုပါတယ်။ ကျနော်တို့တွေရဲ့ရူပါရုံက အခုထမင်းကြော်၊ အခုဆီထမင်းဖြစ်နေရင်တော့ ဘယ်ကလာအဖြစ်ရှိတော့မလဲဗျာ။ တချို့များဆိုရင် ရူပါရုံကိုတောင် အဆင့်ဆင့်ခွဲထားတာမျိုးတွေရှိကြပါတယ်။                                နံပါတ်() အမေရိကကိုရောက်အောင်သွားမယ်။                                                                         နံပါတ်() ကျမ်းစာကျောင်းတက်ဖို့ စပွန်ဆာရှာမယ်။                                                                             နံပါတ်() ကျောင်းပြီးရင် သာသနာပြုဖို့ စပွန်ဆာရှာမယ်၊ မြန်မာပြည်ကိုပြန်ပြီး သာသနာပြုမယ်။                      အခုပြောခဲ့တဲ့ ရူပါရုံအဆင့်တွေက ပေါ်ပြူလာအဖြစ်ဆုံးအဆင့်တွေကို ဖော်ပြပေးခဲ့တာဖြစ်ပါတယ်။ တကယ်ဆိုရင် ဒီထက်ပိုပြီးတောင် များပြားပါလိမ့်မယ်။ မိတ်ဆွေ အမေရိကကိုရောက်ဖို့ဆိုတာ ဘုရားသခင်အတွက် ကောင်းကင်နိုင်ငံကိုပို့တာလောက်မခက်ခဲပါဘူးဗျာ။ ဘုရားသခင်အတွက်က ဒါအသေးအဖွဲပါ။ ဒါပေမယ့် အဲဒီအသေးအဖွဲကိစ္စလေးလောက်ကို ကျေးဇူးတော်ချီးမွမ်းဖို့အတွက် ကျနော်တို့တွေ အစာရှောင်ဆုတောင်းပြီး ဗီဇာရအောင်ကြိုးစားနေကြတယ်၊ စပွန်ဆာတွေရှာနေကြတယ်။ သွားရဖို့ကြိန်းသေပြီဆိုတာနဲ့ တွေ့လေသမျှလူတွေ၊ အသင်းတော်တွေ ဘာကိုမှချမ်းသာမပေးဘဲ သက်သေခံကြတယ်။ ဘယ်လောက်ရယ်ဖို့ကောင်းလဲနော်။ တစ်သက်လုံးက ဘုရားကျောင်းမှာ သက်သေမခံဖူးတဲ့သူတွေ အမေရိကသွားရတော့မယ်လည်းဆိုရော ခြေတိုအောင်လျှောက်ပြီး သက်သေခံလိုက်ကြတာ …… ဘုရားသခင်ကိုချီးမွမ်းလိုက်ကြတာ။ လွဲတာမှ အကြီးကြီးကိုလွဲနေတာ။ သခင်ယေရှုခရစ်တော်အကြောင်းမပါတဲ့ သက်သေခံချက်တွေမှန်သမျှဟာ ကြွားလုံးတွေချည်းပဲလို့ တမန်တော်ပေါလုက ဝေဖန်ခဲ့တာကို ဖိလိပ္ပိ မှာတွေ့နိုင်ပါတယ်။ မြန်မာပြည်အတွက် ခရစ်တော်ဖြစ်ဖို့ အမေရိကမှာရှိတဲ့ လူဖြူ၊ လူမည်းသာသနာပြုတွေက အိုးတွေအိမ်တွေ၊  မိသားစုတွေကိုစွန့်ပြီး မြန်မာပြည်ကို ၀င်ခွင့်ရဖို့ ကြိုးစားနေကြတယ်။ ကျနော်တို့တွေက အိုးတွေအိမ်တွေ၊ မိသားစုတွေကိုစွန့်ပြီး အမေရိကန်သွားရဖို့ ကြိုးစားနေကြတယ် …… ဒါနဲ့များ ပါးစပ်က အော်နေတာက မြန်မာပြည်အတွက်ခရစ်တော်ဖြစ်ရမယ်တဲ့ …… ကျနော်တို့ရဲ့ရူပါရုံက မြန်မာပြည်အတွက်ခရစ်တော်ဖြစ်ဖို့အရေးကို အမေရိကရောက်မှလုပ်ဆောင်နိုင်မယ်လို့ ထင်မှတ်နေရင် အဲဒါဘုရားပေးတဲ့ရူပါရုံမဖြစ်နိုင်ပါဘူး။ ဖြစ်ချင်းဖြစ် …… အမေရိကသွားချင်စိတ်များလွန်းလို့ ကယောင်ကတမ်းဖြစ်နေတဲ့ စိတ်အာရုံဖောက်ပြားမှုပဲဖြစ်ပါလိမ့်မယ်။
တကယ်ဆိုရင် မြန်မာပြည်ဟာ ရိတ်သိမ်းဖို့ ရင့်မှည့်နေတဲ့စပါးကွင်းပါ။ အဲဒီစပါးကွင်းကြီးကိုပစ်ထားပြီး အမေရိကရောက်ရေး၊ နိုင်ငံခြားမှာ သွားပြီးအခြေချရေးတွေကို ဦးစားပေးလုံးပန်းနေလို့ကတော့ ရိတ်သိမ်းနဲ့ လွဲပါလိမ့်မယ်။ နိုင်ငံခြားသွားခါနီးကျမှ အရပ်တကာလှည့်၊ အသင်းတော်တကာလှည့်ပြီး သက်သေခံမယ့်အစား အခုချက်ချင်းထပြီး သက်သေခံလိုက်ရင် ပိုမကောင်းဘူးလားဗျာ။ ဘုရားသခင်က လူတစ်ယောက်ကို ရွေးကောက်ပြီဆိုရင် အဲဒီလူအားဖြင့် လူမျိုးတစ်စုလုံး(ဒါမှမဟုတ်) တိုင်းနိုင်ငံတစ်ခုလုံးကို နိမိတ်လက္ခဏာပြုလေ့ရှိပါတယ်။ ခင်ဗျားကိုရော အဲဒီလိုအကြံအစည်မျိုးနဲ့ ဘုရားသခင်ရွေးကောက်ထားတယ် ဆိုတာ သဘောမပေါက်ဘူးလား။ ခင်ဗျားမြန်မာပြည်မှာ လူလာဖြစ်တာ မြန်မာပြည်မှာရှိတဲ့ တိုင်းရင်းသား (၁၃၅)မျိုးထဲက တစ်မျိုးအဖြစ်မွေးဖွားလာတာတွေဟာ ဘုရားသခင်ရဲ့မတော်တဆလွဲချော်မှုတစ်ခုလို့ ခင်ဗျားထင်ပြီး အမေရိကရောက်ချင်နေတာလား၊ နိုင်ငံသားဖြစ်ချင်နေတာလား။ ဘုရားသခင်အတွက် တကယ်ပဲ အသုံးတော်ခံချင်တဲ့သူတစ်ယောက်အတွက် အမေရိကရောက်မှ မစ်ရှင်တစ်ခုတည်ထောင်နိုင်တာ မဟုတ်ပါဘူး။ မြန်မာပြည်မှာနေရင်းနဲ့ မစ်ရှင်တစ်ခုကိုဖြစ်မြောက်အောင်မြင်စွာတည်ထောင်နိုင်ပါတယ်။ အမေရိကမှာမှ ဘုရားသခင်က ကောင်းကြီးပေးပြီး သာသနာပြုနိုင်ဖို့ ထောက်ပံ့နိုင်တာမဟုတ်ပါဘူး။ မြန်မာပြည်မှာနေရင်းနဲ့လည်း ကောင်းကြီးပေးထောက်ပံ့နိုင်ပါတယ်။ အရေးတာက နှလုံးသားနဲ့အစေခံဖို့ပါ။ ငွေလဲလှယ်နှုန်းတွေ၊ နိုင်ငံရေးတန်ခိုးထွားမှုတွေ၊ အင်အားကြီးမှုတွေမဟုတ်ပါဘူး။ နောက်ဆုံးအနေနဲ့ ကျနော်ပြောချင်တာက အမေရိကသွားဖို့စိုင်းပြင်းနေကြသော ယုံကြည်သူညီအစ်ကိုမောင်နှမများအနေနဲ့ ဘ၀တိုးတက်ဖို့၊ ပညာသင်ကြားဖို့ဆိုတဲ့ခေါင်းစဉ်နဲ့သွားချင်ကသာ ဘုရားဘုန်းတော်ထင်ရှားကောင်း ထင်ရှားနိုင်ပါလိမ့်မယ်။ သာသနာပြုဖို့ဆိုတဲ့ ခေါင်းစဉ်ကတော့ အမြင်မတော် ဆင်တော်နဲ့ခလောက် ဆိုသလိုပါပဲ။ နေရာတိုင်းမှာ ရှိတော်မူသော ဘုရားသခင်၏ ကြွယ်ဝပြည့်စုံသောကောင်းကြီးမင်္ဂလာများသည် မိမိရှိလေရာအရပ်၊ ဖြစ်လေရာလူမျိုးအားဖြင့် အမှုတော်မြတ်အတွက် အစေခံလိုသော ယုံကြည်သူတိုင်း၏ အသက်တာ၌ ပြည့်လျှံထင်ရှားပါစေသော်။
ချစ်ခြင်းအားဖြင့်                                                                                                      သမ္မာအလင်း ( .. ၂၀၁၁၊ တနင်္လာနေ့ )

Share

Twitter Delicious Facebook Digg Stumbleupon Favorites