ကောရိ န္တု သြဝါဒစာပဌမစောင် ( ၁၃း ၄-၈ )

၎မေတ္တာသည် စိတ်ရှည်တတ်၏။ ကျေးဇူးပြုတတ်၏။ မေတ္တာသည် ဂုဏ်ပြိုင်ခြင်းမရှိ၊ ဝါကြွားခြင်း မရှိ၊ မာန်မာနမရှိ။ ၅လျောက်ပတ်စွာမကျင့်တတ်၊ ကိုယ်အကျိုးကို မရှာတတ်၊ ဒေါသအမျက်မထွက်တတ်၊ အပြစ်ရှိ သည်ဟု မထင်တတ်၊ ၆မတရားသောအမှု၌ ဝမ်းမြောက်ခြင်းမရှိတတ်၊ သမ္မာတရား၌ဝမ်းမြောက်တတ်၏။ ၇ခပ်သိမ်း သောအရာကို ဖုံးအုပ်တတ်၏။ ခပ်သိမ်းသောအရာကို ယုံတတ်၏။ ခပ်သိမ်းသောအရာကို မြော်လင့်တတ်၏။ ခပ်သိမ်းသောအရာကို သည်းခံတတ်၏။ ၈မေတ္တာသည် ဖောက်ပြန်ခြင်းသဘောနှင့် အစဉ်ကင်းလွတ်၏။ ပရောဖက် ဥာဏ်သော်၎င်း၊ အမျိုးမျိုးသောဘာသာစကားကို ပြောနိုင်သောအခွင့်သော်၎င်း၊ သိပ္ပံအတတ်သော်၎င်း၊ ကွယ်ပျောက်လိမ့်မည်။

ဆာလံကျမ်း ( ၉၈း ၁ )

၁ထာဝရဘုရားအား အသစ်သောသီချင်းကို ဆိုကြလော့၊၊ အံ့ဘွယ်သောအမှုတို့ကို ပြုတော်မူပြီ၊၊ လက်ျာလက်တော်နှင့် သန့်ရှင်းသောလက်ရုံးတော်သည် ကိုယ်တော်အဘို့ ကယ်တင်ခြင်းအမှုကို ပြုလေပြီ၊၊

ရှင်လုကာခရစ်ဝင် ( ၅း ၄ )

စကားတော်ပြတ်သောအခါ၊ ရေနက်ရာအရပ်သို့ ရွှေ့ဦးလော့။ ပိုက်ကွန်ကိုချ၍ ငါးကိုအုပ်စမ်း လော့ဟု ရှိမုန်အား မိန့်တော်မူ၏။

ယေရမိအနာဂတ္တိကျမ်း ( ၂၀း ၇ )

၇အိုထာဝရဘုရား၊ ကိုယ်တော်သည် အကျွန်ုပ်ကို သွေးဆောင်တော်မူသည်အတိုင်း၊ အကျွန်ုပ် လိုက်ပါပြီ။ ကိုယ်တော်သည် အကျွန်ုပ်ထက်အားကြီး၍ နိုင်တော်မူပြီ။

ဧဖက်သြ၀ါဒစာ ( ၄း ၂၆-၂၇ )

၂၆အမျက်ထွက်ရာတွင် အပြစ်မရှိ စေနှင့်။ ၂၇အမျက် မပြေဘဲ နေမဝင်စေနှင့်။ မာရ်နတ်ကို အခွင့်မပေးကြနှင့်။

တစ်နေ့တာဆင်ခြင်စရာ


ဒီနေ့အတွက် ဆင်ခြင်နှလုံးသွင်းဖို့ ကျမ်းပိုဒ်တစ်ပိုဒ်ကို
ဖော်ပြပေးလိုက်ပါတယ်။ နှုတ်ကပတ်တော်ခွန်အားဖြင့်
တစ်နေ့တာရဲ့ စိန်ခေါ်မှုတွေကို အနိုင်ယူကျော်လွှားနိုင်ပါစေ။
( ၁၂၁ ) ခုမြောက်သောဆာလံမှာ ဆာလံဆရာက
ငါ့ကို မစခြင်းအကြောင်းသည် ပေါ်ထွက်ရသော
တောင်ရိုးသို့ ငါမျှော်ကြည့်၏ လို့စပ်ဆိုထားပါတယ်။
ဆာလံဆရာက ဘာကြောင့်ဘုရားသခင်ရဲ့မစခြင်းကို
တောင်ရိုးနဲ့ ဥပမာပေးပြီးဖွဲ့ဆိုထားတာလဲ လို့
မိတ်ဆွေစဉ်းစားဖူးပါသလား။
တောင်ဆိုတာ အမြင်နီးပေမယ့် တကယ်တမ်းသွားကြည့်တဲ့အခါ
တက်လို့ကို မဆုံးပါဘူး။
ဒါ့အပြင် တောင်ကို ဘယ်အရပ်မျက်နှာကပဲ ကြည့်ကြည့်
ထင်ထင်ရှားရှားမြင်တွေ့နိုင်ပါတယ်။
အဲဒီ တောင်လိုပဲထာဝရဘုရားရဲ့ မစခြင်းက
မိတ်ဆွေအထင်မှာ မျက်စိတဆုံးပဲ
မြင်ရပေမယ့် တကယ်တမ်းမှာတော့ ဘုရားသခင်က
ဘ၀တလျှောက်လုံးစာ ပြင်ဆင်ထားပေးတာကို
အသက်တာခရီးမှာ လျှောက်လှမ်းရင်းနဲ့ တဖြည်းဖြည်းချင်း
သိနားလည်လာနိုင်မှာဖြစ်သလို
ဘုရားသခင်ရဲ့ မစခြင်းကျေးဇူးတော်ဟာလည်း
မိတ်ဆွေ မလေးရှားမှာပဲရောက်နေနေ၊ ဂျပန်မှာပဲရောက်နေနေ၊
စင်္ကာပူမှာပဲရှိရှိ၊ အမေရိကန်ဒါမှမဟုတ် မြန်မာပြည်မှာပဲရှိရှိ
ဘယ်အရပ်ကပဲမျှော်ကြည့်ကြည့် မြင်တွေ့ခွင့်ရမှာဖြစ်ပါတယ်။
တစ်နေ့တာလုံးရဲ့ အခက်အခဲတွေကို ဘုရားသခင်ရဲ့ မစခြင်းအားဖြင့်
ကျော်လွှားအောင်မြင်နိုင်ပါစေ။ ။


အရာတိုင်းရဲ့အစဦးအရှင်



ဘ၀မှာ
ဆုံးရှုံးမှုတွေကြုံလာတိုင်း
နာကျင်ရလွန်းလို့
ရင်တစ်ခုလုံးမှာလည်း
ဒဏ်ရာတွေချည်းပါပဲ သခင်......
ကိုယ့်လမ်းကိုယ်ဖောက်
ဖိနပ်မပါဘဲလျှောက်ရတဲ့လမ်းလို့
ကိုယ့်စိတ်နဲ့ ကိုယ့်အထင်
တက်တက်စင်အမြင်လွဲ ........
အရာရာ ငါပဲလို့ထင်ခဲ့မိတယ်။
ကိုယ်တော်လျှောက်ခဲ့တဲ့လမ်း
သွေးလွှမ်းအောင်ကြမ်းမှန်းသိမှ
မှားပါပြီသခင်
ငါသာလျှင်ငါ့အရှင်လို့
ကျနော်ထင်ခဲ့သမျှတွေ .......
ကားတိုင်မှာအစပြု ........
ကိုယ်တော်ထုဆစ်ခဲ့တဲ့
အောင်မြင်မှုတွေပါပဲ ။ ။

ပေးသောသူ


ဒီနှုတ်ကပတ်တော်ရဲ့ခေါင်းစဉ်ကို မြင်တာနဲ့
ဟာ..ဆရာကတော့ပေးကမ်းခြင်းအကြောင်းတွေဟောပြီး အလှူခံတော့မယ်ထင်နေပါသလား။
မိတ်ဆွေရဲ့အထင်တွေကို ခဏလေးဘေးချိတ်ပြီး ကျမ်းစာကိုအရင် လေ့လာကြည့်ကြရအောင်။
တရားဟောရာကျမ်း ၂၈း ၁၂ မှာ ဘုရားသခင်က မိတ်ဆွေရဲ့အသက်တာကို
သူတစ်ပါးဆီက ချေးငှားယူရတဲ့အခြေအနေမျိုးမဖြစ်စေဘဲ မိတ်ဆွေက လူမျိုးတကာကို ချေးငှားပေးရတဲ့အခြေအနေမျိုး၊ တစ်နည်းအားဖြင့် ကောင်းကြီးပေးနိုင်တဲ့အခြေအနေမျိုးဖြစ်ဖို့
အလိုတော်ရှိပါတယ်။ ( တမန်တော် ၂၀း၃၅ )
ဘုရားသခင်ရဲ့အဲဒီအလိုတော်ကို မိတ်ဆွေရဲ့အသက်တာမှာထင်ရှားလာစေဖို့
လုပ်ဆောင်ရမယ့်အချက်ကိုတော့ တရားဟောရာကျမ်း ၂၈း၁မှာ ဖော်ပြထားပါတယ်။
မိတ်ဆွေရဲ့အသက်တာမှာ အချေးငှားခံနေရတဲ့ဘ၀မျိုးမဟုတ်ဘဲ
သူတစ်ပါးကို မိမိကချေးငှားပေးနိုင်တဲ့ ဘ၀အခြေအနေမျိုးဖြစ်လာစေမယ့်
တစ်ခုတည်းသောနည်းလမ်းက ဘုရားသခင်ရဲ့စကားကို စေ့စေ့နားထောင်ဖို့ပါ။
ဒီကျမ်းချက်(၂)ချက်အားဖြင့် ကျနော်တို့ရဲ့အသက်တာမှာ ကိုယ်ကပေးနေတဲ့အသက်တာလား?
ဒါမှမဟုတ် သူများကပေးနေတာကို ကိုယ်ကခံယူနေရတဲ့အသက်တာလားဆိုတာ ပြန်ဆန်းစစ်ဖို့လိုပါတယ်။ အခုကျနော်ဆိုလိုတဲ့ ပေးတယ် ဆိုတဲ့စကားက ဘာတွေကို ဆိုလိုတာလို့မိတ်ဆွေထင်ပါသလဲ။
ကောင်းကြီးမင်္ဂလာ၊ ငွေကြေးတွေလို့ပဲထင်နေပါသလား?
ကျနော်ဆိုလိုတဲ့ ပေးတယ် ဆိုတဲ့အရာမှာ အဲဒီအရာတွေအပြင်
ခွင့်လွှတ်ခြင်း၊ သည်းခံခြင်း၊ နားလည်ခြင်း၊ တည်ဆောက်ခြင်းတွေလည်း ပါဝင်ပါတယ်။ မိတ်ဆွေရဲ့အသက်တာမှာ ကိုယ်ကသူများကို ဒီအရာတွေကို မပေးနိုင်ဘဲ သူများကကိုယ့်ကို ပေးနေတာဆိုရင်တော့ ဘုရားသခင်ရဲ့အလိုတော်နဲ့ လွဲနေပြီလို့ဆိုရမှာပါ။
ဥပမာပြောရရင်- မိတ်ဆွေက သူတစ်ပါးကိုခွင့်လွှတ်ပေးနေတာ၊
သည်းခံပေးနေတာ၊ နားလည်ပေးနေတာ၊ တည်ဆောက်ပေးနေတာမဟုတ်ဘဲ
မိတ်ဆွေကို သူတစ်ပါးက ခွင့်လွှတ်ပေးနေရတယ်၊ သည်းခံပေးနေရတယ်၊
တည်ဆောက်ပေးနေရတယ်ဆိုတဲ့ အခြေအနေတွေကိုဆိုလိုတာပါ။
ကျမ်းစာမှာ- ပေးကမ်းခြင်းအားဖြင့် များစွာသောအရာတွေကို
ပြန်လည်ရယူခဲ့တဲ့အကြောင်းတွေကို အများကြီးဖော်ပြထားပါတယ်။
အဲဒီအကြောင်းအရာတွေထဲက ပထမဆုံးအနေနဲ့ ဘုရားသခင်ကိုလေ့လာကြည့်ရအောင်။
ဘုရားသခင်က မိမိရဲ့တစ်ပါးတည်းသောသားတော်ဖြစ်တဲ့ ယေရှုကိုလူတွေကိုပေးပြီးတဲ့အခါမှာ
များစွာသောသားတွေကို သခင်ယေရှုအားဖြင့်ပြန်ရခဲ့ပါတယ်။
ယော၃း ၁၆၊ ယော ၁း၁၂

( ဆရာဆလိုင်းရွှေနီ )

မေးခွန်းတိုင်းရဲ့အဖြေ


မင်္ဂလာပါ။ ဒီဘလော့ဂ်ကို လာရောက်လည်ပတ်ကြသူတွေအားလုံး သခင်ယေရှုခရစ်တော်ရဲ့
ငြိမ်သက်ခြင်း၊ ၀မ်းမြောက်ခြင်းနဲ့အတူ ကောင်းကြီးမင်္ဂလာများတို့ကို ခံစားနိုင်ကြပါစေလို့
ဦးစွာဆုတောင်းပေးလိုက်ပါတယ်။
ဒီနေ့ ကျနော်တို့တွေ ခွန်အားယူကြမယ့် နှုတ်ကပတ်တော်ရဲ့ခေါင်းစဉ်ကတော့
" မေးခွန်းတိုင်းရဲ့အဖြေ "ပဲဖြစ်ပါတယ်။
တောလည်ရာကျမ်း ၂၁း ၈-၉မှာ ထာဝရဘုရားကို လူတွေကပြစ်မှားကြတဲ့အတွက်
မီးမြွေတွေအကိုက်ခံရပြီးသေကြတာကို တွေ့ရပါတယ်။
အဲဒီလူတွေဘာကြောင့် မီးမြွေကိုက်တာခံရတာလဲဆိုတာထက်
မီးမြွေအကိုက်ခံရချိန်မှာ လူတွေရဲ့တောင်းဆိုမှုနဲ့ ဘုရားသခင်ရဲ့အဖြေပေးမှုရဲ့
ကွာခြားမှုကိုပဲ ကျနော်တို့အဓိကထားပြီးလေ့လာကြည့်ကြရအောင်။
လူတွေက မြွေကိုက်ခံရတာကနေ သက်သာဖို့အတွက် မြွေတွေကိုဖယ်ရှားပေးဖို့
မောရှေကနေတဆင့် တောင်းဆိုကြပါတယ်။ ဒါက လူ့အကြံ၊ လူ့အထင်ပါ။
ဘုရားကတော့ မီးမြွေရုပ်ကိုလုပ်ပြီး တိုင်ပေါ်မှာမြှောက်ထားခိုင်းပါတယ်။
ဘုရားပြောတဲ့အတိုင်း လုပ်ဆောင်လိုက်တဲ့အခါ လူတွေအားလုံးချမ်းသာရာရသွားကြပါတယ်။
တကယ်တော့ ကျနော်တို့လူတွေအားလုံးရဲ့ နေ့စဉ်အသက်တာဟာ
ဒီကျမ်းချက်ထဲကလူတွေလိုပဲ မြွေကိုက်ခံနေရတာပါ။
စားရေးဆိုတဲ့မြွေ၊ ၀တ်ရေးဆိုတဲ့မြွေ၊ နေရေးဆိုတဲ့မြွေ၊ ကျန်းမာရေး၊ အိမ်ထောင်ရေး၊ သားရေးသမီးရေး၊ ကလေးကျောင်းလခအစရှိသဖြင့် မြောက်မြားလှတဲ့မြွေတွေကြားမှာနပမ်းလုံးရင်း
အကိုက်ခံတလှည့်၊ သက်သာတလှည့်နဲ့ ရှင်သန်နေကြရတာပါ။
ကျနော်တို့ အထင်ကတော့ ဒီအရာတွေရဲ့ အကိုက်ခံရတဲ့ဝေဒနာကိုပျောက်အောင်
ဒီအရာတွေကို မရှိမှဖြစ်မယ်လို့ထင်ကြတယ်။
ဘုရားရဲ့အဖြေက ..... အဲဒီလိုကိုက်နေတဲ့မြွေတွေထဲကနေပဲ အဖြေထုတ်ပေးလိုက်ခြင်းပါ။
မိတ်ဆွေရဲ့ အသက်တာမှာ ဘယ်လိုမြွေမျိုးကကိုက်နေပါသလဲ။
အဲဒီအခြေအနေထဲကနေပဲ မြွေရုပ်ကိုလုပ်ပြီးတိုင်ပေါ်မှာမြှောက်ထားသလို ယေရှုကို မြင့်မြင့်မြှောက်ထားပါ။
မိတ်ဆွေခံစားနေရတဲ့ ဝေဒနာကနေချမ်းသာရာရသွားပါလိမ့်မယ်။
ကိုယ့်အလုပ်ရှင် (Boss)က မိတ်ဆွေကို နာကျင်စေနေပါသလား။
ဒါမှမဟုတ် ကိုယ့်ရဲ့ကျန်းမာရေးအခြေအနေက မိတ်ဆွေကို နာကျင်စေပါသလား။
မိမိရဲ့လုပ်ငန်း၊ မိမိရဲ့ပတ်ဝန်းကျင်၊ မိမိရဲ့လုပ်ဖော်ဆောင်ဘက်တွေက
မိတ်ဆွေကို နာကျင်စေတဲ့သူတွေဖြစ်နေပါသလား။
အဲဒီအရာတွေကို ဖယ်ရှားပေးဖို့ မိတ်ဆွေဘုရားသခင်ကို ဆုတောင်းနေတယ်ဆိုရင်
တောင်းမောကြီးပဲဖြစ်ပြီး အဖြေရမှာမဟုတ်ပါဘူး။
တကယ့်အဖြေက ဒီနှုတ်ကပတ်တော်မှာ ဘုရားကဖွင့်ဆိုထားပြီးသားပါ။
အဲဒီအရာတွေအားလုံးရဲ့အထက်မှာ သခင်ယေရှုကို မြင့်မြင့်ချီးမြှောက်ပါ။
မိတ်ဆွေရဲ့ဘ၀မှာ ချမ်းသာရာရလာပါလိမ့်မယ်။

၁ကော ၁၀း၁၃မှာ .... မိတ်ဆွေမခံနိုင်တဲ့ စုံစမ်းနှောက်ယှက်ခြင်းကို မပေးဘူးလို့ဖော်ပြထားတဲ့အပြင်
မိတ်ဆွေခံစားရတဲ့ စုံစမ်းနှောက်ယှက်ခြင်းမှာ အဖြေပါပြီးသားဖြစ်တယ်လို့လည်း အတိအလင်းဖော်ပြထားပါတယ်။ တကယ်တော့ ဘုရားသခင်အခွင့်ပေးတဲ့ စုံစမ်းနှောက်ယှက်ခြင်း၊
တနည်းအားဖြင့် ဘုရားသခင်စစ်တဲ့စာမေးပွဲတိုင်းမှာ မေးခွန်းထဲမှာကို အဖြေကပါပြီးသားဖြစ်ပါတယ်။
တစ်ခါတုန်းက ..... အစိုးရဌာနတစ်ခုမှာ လစ်လပ်ရာထူးတစ်ခုအတွက် လူသစ်ခေါ်ပြီးအင်တာဗျူးဖြေရပါတယ်။ အဲဒီလိုအင်တာဗျူးဝင်ဖြေတဲ့အထဲမှာ လူကြီးသမီးတစ်ယောက်လည်းပါနေတယ်။
အင်တာဗျူးမေးတဲ့သူက ဗဟုသုတမေးခွန်းတွေမေးတဲ့အခါမှာ တခြားသူတွေကိုကျတော့
လပေါ်ကို ပထမဆုံးရောက်ခဲ့သူကဘယ်သူလဲ၊ ကွန်ပြူတာကိုစတင်တီထွင်သူအစရှိသဖြင့်
ခက်ခဲတဲ့မေးခွန်းတွေကို မေးပြီး လူကြီးသမီးဖြေရမယ့်အလှည့်ကျတော့
စာတိုက်ပုံးအရောင်ကဘာအရောင်လဲ၊ အချက်ပြမီးပွိုင့်မှာ အရောင်ဘယ်နှစ်ရောင်ပါသလဲဆိုတဲ့
အရမ်းလွယ်တဲ့မေးခွန်းတွေကို မေးပါတယ်။
အဲ..... အင်္ဂလိပ်စာကျွမ်းကျင်မှုကို စစ်တဲ့အခါကျတော့လည်း
တခြားသူတွေကို ပုတ်သင်ညိုတို့၊ ထန်းရည်တို့၊ မုန့်လေပွေတို့ကို
အင်္ဂလိပ်လိုဘယ်လိုခေါ်သလဲမေးတဲ့အတွက် ဘယ်သူမှ မဖြေနိုင်ကြပါဘူး၊
လူကြီးသမီးဖြေရမယ့်အလှည့်ကျတော့ ကော်ဖီကိုစာလုံးပေါင်းပြခိုင်းပါတယ်။
အဲဒီလောက်လွယ်တဲ့မေးခွန်းကို လူကြီးသမီးကဖြေတဲ့အခါ ........
Kaw (ကော်) - Phy ( ဖီ ) ကော်ဖီလို့ဖြေပါတယ်။
အဲဒါကို ဘုတ်အဖွဲ့က တီထွင်ဆန်းသစ်မှုရှိတယ်လို့ သတ်မှတ်တဲ့အပြင်
အလုပ်အတွက် အရည်အချင်းပြည့်မီသူဖြစ်တယ်ဆိုပြီး အလုပ်ခန့်လိုက်ပါတယ်။
ကျနော်ဘာကို ဆိုလိုချင်တာလဲဆိုတော့
လောကမှာအမြင့်ဆုံးသောဘုရားသခင်ရဲ့သားသမီးဖြစ်ကြတဲ့ ကျနော်တို့ရဲ့အသက်တာမှာ
ဖြေဆိုရတဲ့စာမေးပွဲတွေ၊ ကျနော်တို့ အစမ်းသပ်ခံရတဲ့စုံစမ်းခြင်းတွေကလည်း
အခုပြောသွားတဲ့ အကြောင်းအရာထဲကလိုပါပဲ။
ကျနော်တို့ကို ဘုရားသခင်စစ်တဲ့စာမေးပွဲတိုင်းဟာ ကျရှုံးစေမယ့်အရာမဟုတ်ပါဘူး၊
ကျနော်တို့ကို ဂုဏ်ထူးပေးချင်လို့၊ အဆင့်တစ်ခုတိုးပေးချင်လို့ ကျနော်တို့ဖြေနိုင်လောက်တဲ့မေးခွန်းကို
ရှာကြံပြီး မေးလာတာဖြစ်ပါတယ်။ မိတ်ဆွေရဲ့အသက်တာမှာ တွေ့ကြုံနေရတဲ့အခက်အခဲတွေ၊
နာကျင်ခါးသီးမှုတွေအထဲမှာ မိတ်ဆွေအတွက် အောင်မြင်မှုအသီးအပွင့်တွေပါရှိနေပါတယ်။
လက်ရှိခံစားနေရတဲ့ နာကျင်မှု၊ ခါးသီးမှု၊ အခက်အခဲထဲကနေပဲ ယေရှုကို ချီးမြှောက်လိုက်ပါ။
အဲဒီအရာအားလုံးဟာ မိတ်ဆွေအတွက် ကောင်းကြီးမင်္ဂလာတွေအဖြစ် အံ့သြဖွယ်ဖြစ်လာပါလိမ့်မယ်။
မိတ်ဆွေအတွက် ခါးသီးဆိုးယုတ်လှတဲ့ မေးခွန်းတိုင်းရဲ့အဖြေက
မိတ်ဆွေရဲ့အသက်တာမှာ ယေရှုကိုချီးမြှောက်မှုအပေါ်မှာပဲရှိပါတယ်။
ကဲ.... အဲဒီတော့ ဒီနေ့ကစလို့မိတ်ဆွေရဲ့အနားမှာဝိုင်းနေတဲ့
အရာအားလုံးထက် ယေရှုကိုပိုပြီးချီးမြှောက်လိုက်ရအောင်။ ။ အာမင်။

Share

Twitter Delicious Facebook Digg Stumbleupon Favorites