ယုံကြည်ခြင်းဆိုသည်မှာ ( Rev. Khin San Maw )

ယုံကြည်ခြင်းဆိုသည်မှာ ( About Faith )

ခရစ်ယာန်ဟူသောအသက်တာတွင် ယုံကြည်ခြင်းတည်းဟူသောဘာသာရပ်သည် အလွန်အရေးကြီးသည်။ ယုံကြည်ခြင်းဖြင့် အသက်ရှင်ရန်ကျမ်းစာက သွန်သင်သည်။ ထို့ကြောင့် ယုံကြည်သူများ ဟုလည်းခေါ်တွင် သည်။ "ယုံကြည်ခြင်းမရှိလျှင်ဘုရားသခင်၏စိတ်တော်နှင့်မတွေ့နိုင်။ " (ဟေဗြဲ ၁၁း၁၆) " ဖြောင့်မတ်သော သူသည် ယုံကြည်ခြင်းအားဖြင့် အသက်ရှင်ရမည်။" (ယာကုပ် ၂း၎၊ ရောမ ၃း၂၈၊ ဂလာ ၃း၁၁) ယနေ့ ခရစ် ယာန်လောကတွင် ယုံကြည်ခြင်းနှင့်မိမိဆန္ဒ၊ ယုံကြည်ခြင်းနှင့် မိမိဖြစ်ချင်သောအရာ၊ ယုံကြည်ခြင်းနှင့် မိမိရည်မှန်း ချက်တို့ကိုရောထွေးတတ်ကြသည်။ တစ်နည်းအားဖြင့် ယုံကြည်ခြင်းကို အမှားအသုံးပြုခြင်းကြောင့် မိမိအတွက် ရောသူတစ်ပါးအတွက်ပါ ကောင်းကျိုးမတွေ့တတ်။ ဥပမာ-တစ်ခါကသင်းအုပ်ဆရာတစ်ဦးသည် ဘုရားကျောင်း ဗိမာန်တော် တည်ဆောက်ရေးအတွက် အသင်းတော်တွင် အလှူတော်ငွေကောက်ခံသည်။ မိမိတတ်နိုင်၍မဟုတ်၊ ဆုတောင်းခြင်းအားဖြင့် ငွေကြေးပမာဏတစ်ခုကို စာရွက်ပေါ်တွင်ရေးချကာ (၃)လ အတွင်း ပေးလှူပါမည်ဟု ကတိထားရသော ကတိတော်အလှူငွေဖြစ်သည်။ ထို(၃)လအတွင်း ယုံကြည်ခြင်း ဖြင့် ဘုရားသခင်ထံ ဆုတောင်း မျှော်လင့်ရန်ဖြစ်သည်။ လူတစ်ဦးသည် သူ၏စာရွက်ပေါ်တွင် သိန်း(၃၀၀)ဟုချရေး သည်။ သို့သော် (၃)လကြာ သော် ထိုသူမပေးနိုင်ပါ။ ရင်းနှီးသော မိတ်တွေတစ်ဦးက "ဘာကြောင့် မပေးနိုင်တာလဲ၊ ဆုမတောင်းဘူးလား "ဟုမေးသောအခါ ထိုသူက "ငါထီထိုးထားတယ်လေ၊ ဘုရားသခင်ဆီမှာထီပေါက် ဖို့ဆုတောင်းတာပဲ၊ ထီပေါက် ရင် သိန်း(၃၀၀)လှူမယ်လို့ ဘုရားကိုကတိပေးတယ်၊ ပေါက်မယ်လို့လည်း ငါ ယုံကြည်နေတာပဲ။ အခုမပေါက်တာတော့မတတ်နိုင်ဘူးလေ "ဟုပြန်ဖြေခဲ့သည်။ ထိုအရာသည် ယုံကြည် ခြင်းမဟုတ်ဘဲ မိမိဖြစ်ချင်သော ဆန္ဒသာ ဖြစ်သည်။ မိမိအထဲ၌ ယုံကြည်ခြင်းပမာဏ ရှိသလောက် အတိုင်း လုပ်ဆောင်ရမည်။ မဟုတ်ပါက ယုံကြည်ခြင်း သဘောင်္ပျက်ခြင်းနှင့် ရင်ဆိုင်ရမည်။
ယုံကြည်ခြင်းမဟုတ်သောအရာများ (What Faith is not?)
၁။ ယုံကြည်ခြင်းသည် မျက်ကန်းတစ်ယောက်ကဲ့သို့ မဟုတ်ပါ။ (Faith is not blind)မျက်ကန်း တစ်ယောက်ကဲ့ သို့ဆိုသည်မှာ မိမိအတွက် ဘုရားသခင်လုပ်စေချင်သောအရာကိုမမြင်ဘဲ သူတစ်ပါးလုပ်ဆောင် သည်ကို အားကျပြီးလိုက်လုပ်တတ်ခြင်း၊ အောင်မြင်သောသူတစ်ယောက်ယောက်အား အတုယူခြင်း၊ အားကျပြီး ပုံတူကူးချခြင်းဖြစ်သည်။ (Blind = copy other people) ဘုရားသခင်သည် လူတိုင်းအတွက် မတူညီသော အကြံအစည်တော်များစွား ရှိပါသည်။ တစ်ယောက်နှင့်တစ်ယောက်မတူပါ။ ကမ္ဘာပေါ်တွင်လူသန်းပေါင်း ၆၀၀၀ ကျော်ရှိသော်လည်း တစ်ယောက်နှင့်တစ်ယောက် လုံးဝထပ်တူညီ တူညီခြင်းမရှိသကဲ့သို့ပင် ဖြစ်သည်။
"အိုဘုရားသခင်အကျွန်ုပ်၌ကိုယ်တော်၏အကြံအစည်တို့သည်အလွန်ထူးဆန်းကြယ်ပါ၏။အလွန်များပြားကြပါ၏။

"(ဆာလံ၁၃၉း၁၇)ဟုဒါဝိဒ်မင်းကြီးကချီးမွမ်း သကဲ့သို့မိမိအသက်တာ အတွက် ဘုရားသခင် ထားရှိပေးသော အကြံအစည်တော်တို့ကို ယုံကြည်ခြင်းအားဖြင့် ချီးမွမ်းစောင့်မျှော်ပါ။ သင်နှင့်တူသော သူ ဤကမ္ဘာတွင် အခြား သူမရှိပါ။
၂။ ယုံကြည်ခြင်းသည်ငြင်းပယ်ခြင်းမဟုတ်ပါ။ (Faith is not denial)

ယုံကြည်ခြင်းသည် ပြဿနာရှိပါလျက်နှင့်ပြဿနာမရှိပါဘူးဟု မသိချင်ဟန်ဆောင်ငြင်းပယ်နေခြင်းမျိူး မဟုတ်ပါ။ ပြဿနာ အခက်အခဲရှိကြောင်းသိပြီး ထိုပြဿနာကို ယုံကြည်ခြင်းဖြင့် အောင်မြင်ကျော်လွှားနိုင်ခြင်း ဖြစ်သည်။ ငြင်းပယ် နေခြင်းမဟုတ်ပါ။ အာဗြဟံနှင့်စာရာသည် မိမိတို့ကလေးရရန် အရွယ်လွန်နေပြီဖြစ်ကြောင်း ကောင်းစွာ သိထားကြသည်။ မိမိတို့အိုနေပြီဖြစ်ကြောင်းကိုဟန်ဆောင်ပြီးမဖုံးကွယ်ပါ။ မျှော်လင့်စရာ အကြောင်းမရှိမှန်း သိကြသော်လည်း ဘုရားသခင်ကို ယုံကြည်ခြင်းဖြင့် မျှော်လင့်ကြသည်။ (ရောမ ၄း ၁၇-၂၂ ) ယုံကြည်ခြင်းသည် သင်၏ပြဿနာထက် ဘုရားသခင်ဘယ်သူလဲဆိုသည့်အရာပေါ် ပို၍အာရုံစိုက်သည်။
၃။ ယုံကြည်ခြင်းသည်လျစ်လျူရှုခြင်းမဟုတ်ပါ။ (Faith is not neglect)

လူတိုင်းသည် မိမိကိုယ် ပိုင်လုပ်ဆောင် ရမည့် တာဝန်များရှိသည်။ (၁တိ ၅း၈)

Everybody have responsibility for their own တစ်ခါတရံ ဘုရား သခင်အတွက်လုပ်ဆောင်သည်။ အမှုတော်ဆောင်နေသည်ဟုဆိုကာ မိသားစု ကိုမပြုစု၊ "ယုံကြည်ခြင်းဖြင့် နေရစ်ကြ "ဟုဆိုကာ

နှစ်ရှည်လများ ဧ၀ံဂေလိ၊ သာသနာပြုခရီးစဉ်ပြုတတ်ကြသည်။
မိမိဆုံးဖြတ်ချက်ဖြင့် တည်ထောင်ထားသော အိမ်ထောင်အတွက် ဘုရားသခင်ထောက်ပံ့ပေးသည်မှာ မှန်သော် လည်း ဘုရားသခင်ကြည့်လိမ့်မည်ဟု လျစ်လျူရှုထားရန် မဟုတ်ပါ။ ထိုအရာသည်လည်း ယုံကြည်ခြင်း မမည်ပါ။
ထိုနည်းတူစွာ ဤလောကတွင် ဘုရားသခင်အပ်နှင်းထားသော မိမိကိုယ်ခန္ဓာကိုစောင့်ရှောက်ရန် မိမိတာဝန် ဖြစ်သည်။ (၁ကော ၃း ၁၆-၁၇)မိမိကိုယ်ခန္ဓာထဲသို့ မကောင်းသောအရာများ ပျက်စီးစေသောအရာများ၊ ရောဂါများဝင်ရောက်ခြင်းကို အားမပေးရန် ကာကွယ်တားဆီးဖို့တာဝန်ရှိသည်။ ယုံကြည်ခြင်းဖြင့် " ဘုရားသခင် တာဝန်ယူမည်၊ ကွယ်ကာမည်၊ ကျန်းမာစေမည် " ဟုဆိုကာ နေချင်တိုင်းနေ၊ လုပ်ချင်တိုင်းလုပ် စားချင်တိုင်း
စားနေခြင်းသည် ယုံကြည်ခြင်းမဟုတ်။ ဥပမာ-ဦးဘသည်သွေးတိုးရောဂါရှိသည်။ သို့သော်သူသည် ၀က်ဆီ အလွန်ကြိုက်သည်။ ထိုအခါသူက " ဤအစားအစာများကို ယေရှုနာမနှင့်ကောင်းချီးပေးပါ၏။ ကိုယ်ခန္ဓာအတွင်း ကျန်းမာခြင်းဖြစ်စေပါ။ အနှောင့်အယှက် မကောင်းမသင့်သော အရာများကို ယေရှုနာမဖြင့် ဖယ်ရှားလျက် ယုံကြည်ခြင်းဖြင့် သုံးဆောင်ပါ၏ "ဟုဆုတောင်းကာ ၀က်ဆီများကိုအတုံးလိုက်အတစ်လိုက်စားခြင်းသည် ယုံကြည်ခြင်းမဟုတ်ပါ။ လျစ်လျူရှုခြင်းသာဖြစ်ပါသည်။ တစ်ခါက ဆေးလိပ်သောက်တတ်သော လူငယ်တစ်ဦး အား ဆေးလိပ်မသောက်ဘို့ရန်နှင့် ဆေးလိပ်သောက်ခြင်းသည် မိမိအဆုတ်ကို ဆိုးရွားစွာထိခိုက်ပျက်စီး စေနိုင်ကြောင်းပြောပြသောအခါ ထိုလူငယ်က"မစိုးရိမ်ပါနဲ့ ကျနော့်အဆုတ်ကို ယေရှုခရစ်တော်ရဲ့ အသွေး တော်နဲ့ ကွယ်ကာပြီးသားပါ။ ဘုရားသခင်စောင့်ရှောက်လိမ့်မည်လို့လည်း ယုံကြည်တယ် " ဟုပြန်ဖြေဖူးသည်။
ထိုအရာသည်ယုံကြည်ခြင်းမဟုတ်ပါ။ မိမိကိုယ်ခန္ဓာအပေါ်မိမိတာဝန်ရှိခြင်းကိုလျစ်လျူရှုခြင်းဖြစ်သည်။ ဘုရားသခင်အား လွှဲချခြင်းဖြစ်သည်။တစ်စုံတခု ရောဂါဝင်ရောက်လာပါကထိုလူငယ်သည်ဘုရားသခင်အား အပြစ်တင်ပေလိမ့်မည်။
၎။ ယုံကြည်ခြင်းသည်မိုက်မဲခြင်းမဟုတ်ပါ။ (Faith is not foolish)

မိုက်မဲခြင်း ကျမ်းပိုက် တစ်ခုခုကိုစွဲကိုင်ပြီး လွဲမှားစွာ ကောက်ယူကာ တစ်စုံတစ်ခုလုပ်ပြလိုခြင်းဖြစ်သည်။" ယုံကြည်သောသူတို့၌ ဖြစ်အံ့သောနမိတ်လက္ခဏာများဟူမူကား မြွေတို့ကို ဖမ်းကိုင်ကြလတ္တံ "ဟု ဆိုသော ကြောင့် ပြစားလိုသောသဘောနှင့် မြွေတွေ့တိုင်းဖမ်းနေရန်မဟုတ်ပါ။ (မာကု ၁၆း၁၈) " သေစေတတ်သော အဆိပ်အတောက်ကိုသောက်စားလျှင် ဘေးဥပဒ်နှင့် ကင်းလွတ်လတ္တံ "ဟုကျမ်းစာဆိုသောကြောင့် အဆိပ် သောက်ပြန်ရန်မဟုတ်။ "ကျမ်းစာထဲတွင် ပေတရု ရေပေါ်လမ်းလျှောက်သည် "ဟုဆိုကာ ရေပေါ်တွင် လမ်းလျှောက်ပြရန် မကြိုးစားပါနှင့်။ ထိုအရာသည်မိုက်မဲခြင်းသာဖြစ်သည်။ ယုံကြည်ခြင်းမဟုတ်ပါ။ မလွဲမ ရှောင်သာထိုအရာများကို လုပ်ဆောင်ဘို့ရန် လိုအပ်သောအချိန်ရှိလာပါကလည်း ဘုရားသခင်သည် နိမိတ် လက္ခဏာပြုပါလိမ့်မည်။ သို့သော် ပြစားဘို့ရန် (သို့) ၀ါကြွားဖို့ရန် လုပ်ဆောင်ရမည် မဟုတ်။
၅။ ယုံကြည်ခြင်သည်ခံစားချက်မဟုတ်ပါ။ (Faith is not feeling)

ဥပမာ-လူငယ်တစ်ဦးသည် ချောမောလှပသော မိန်းမငယ်တစ်ဦးကို တွေ့ပြီးနောက် ထိုမိန်းမငယ်ကို စွဲလန်းတမ်းတသော ခံစားချက်ဖြင့် "ယေရှုနာမနဲ့ ငါ့အတွက်ဖြစ်တယ်၊ အခြားသူနဲ့မကြိုက်သွားဘို့ အသွေး တော်နဲ့သူ့ကို ကာကွယ်ပါတယ်၊ ယေရှုနာမ နဲ့သိမ်းပိုက်ပါတယ် "ဟုဆုတောင်းကာ သူ့အတွက်ပဲ ဖြစ်လာ ရမည်ဟု ယုံကြည်နေပါသော်လည်း အချိန်တန် သောအခါ ထိုမိန်းမငယ်သည် အခြားသူတစ်ယောက်နှင့် စုံဖက်သွားပါလျှင် အဘယ်သို့ဖြစ်မည်နည်း။ ထိုလူငယ်သည် စိတ်ပျက်ခြင်းကြီးစွာနှင့် ဘုရားသခင် ကို အပြစ်တင်လိမ့်မည်။ ယုံကြည်ခြင်းသင်္ဘောပျက်လေပြီ။ ကျွန်ုပ်တို့ တွင်ခံစားမှုရှိကြသော်လည်း ခံစားမှုဖြင့် အသက်မရှင်ရပါ။ ယုံကြည်ခြင်းရှိလျှင် ခံစားချက်များကို အောင်မြင်နိုင် သည်။ ၀မ်းနည်းနိုင်သည်။ သို့သော် ဘုရားသခင်၏ ၀မ်းမြောက်ခြင်းဖြင့် အသက်ရှင်ရန် ရွေးယူနိုင်သည်။
ယုံကြည်ခြင်းဆိုသည်မှာ ယုံကြည်ခြင်းသည် ဘုရားသခင်ပြောသောစကား၊ ဘုရားသခင်ပေးသော အတည်ပြုချက် ပေါ်တွင်သာ အခြေခံရသည်။ ယုံကြည်ခြင်းသည် နှုတ်ကပတ်တော်တွင် အခြေခံသည်။ (Faith always base on the Word of God ) ယုံကြည်ခြင်းဖြင့် အသက်ရှင်ခြင်းဆိုသည်မှာ နှုတ်ကပတ်တော် အတိုင်း (သို့)ဘုရားပြောသည့်အတိုင်းအသက်ရှင်ခြင်းဖြစ်သည်။ (ူငလငညါ ဘပ်ငေအ့ာနညျေူငလငညါ ဘပ အ့နျွှသမိ သ်ွသိ) ယုံကြည်ခြင်းဖြင့် လျှောက်လှမ်းအသက်ရှင်ခြင်းဆိုသည်မှာ နှုတ်ကပတ်တော် အတိုင်း (သို့) ဘုရားသခင်ပြောသည့်အတိုင်း လျှောက်လှမ်းပေးခြင်းဖြစ်သည်။ (Living by faith means living by the Word of God) ယုံကြည်ခြင်းသည် နှုတ်ကပတ်တော်ပေါ်တွင် အမြဲတမ်းအခြေခံသည်။
ပေတရုက ရေပေါ်တွင် လမ်းလျှောက်ခဲ့သည်။ ပေတရုက ရေပေါ်တွင်လမ်းလျှောက်ခဲ့သည်။ သို့သော် သူ့ဆုံး ဖြတ်ချက်နှင့်သူလျှောက်သည်မဟုတ်။ ခရစ်တော်ထံမှ "လာခဲ့လော့"ဟူသောမိန့်တော်မူသံကို သူကြား သည်။ (မဿဲ ၁၄း၂၉) ကြားသည့်အတိုင်း ပေတရု နာခံသည်။ ရေပေါ်တွင်လမ်းလျှောက်ခဲ့ဘူးသည်။ ထိုနည်း တူစွာ မိမိ၏အိမ်ထောက်ဘက်အတွက်လည်း ဘုရားသခင်ထံမှ အတည်ပြုချက် သင်ရရှိဘို့လိုသည်။ တစ်နည်း အားဖြင့် ထိုသူနှင့်တစ်သက်လုံးလက်တွဲရန် သင့်နှလုံးသားထဲ၌ ငြိမ်သက်ခြင်းအုပ်စိုးနေဘို့လိုသည်။ " သူ့ထက်သာ တာရှိလာလျှင်"ဟုသင်စဉ်းစားမိလျှင် သင်စိတ်မနိုင်သေးပါ။ ဘုရားသခင်ပေးသော သူဖြစ်လျှင် သင်သည် သူ့အားတစ်သက်လုံးလက်တွဲသွားရန် ပိုင်ပိုင်နိုင်နိုင်စိတ်ဆုံးဖြတ်နိုင်လိမ့်မည်။ ထို့ကြောင့် ဘုရားသခင်ထံမှာ စကားတော်(သို့)အတည်ပြုချက်ရမှသာလျှင် "သူဟာငါ့အတွက်"ဟူသော ယုံကြည်ခြင်း ထားပါ။ ပြည့်စုံလာမည်။
ကျမ စကာင်္ပူတွင် ကျမ်းစာကျောင်းတက်စဉ်အခါ သွားလိုသောကျောင်းသားကျောင်းသားများအတွက် အမေရိကတွင် Winter Bible Seminaryသင်တန်းတစ်ခုတက်ရောက်ရန် ကျောင်းမှစီစဉ်ခဲ့ ပါသည်။ ကျမ အတွက်ကြီးမားလှသော ခရီးစရိတ် နှင့်တည်းခိုခများအပါအ၀င်အခက်ခဲဆုံးမှာ ကျောင်း သားဗီဇာ(၆)လ သက်တမ်းသာရှိသော မြန်မာနိုင်ငံ သူတစ်ယောက်အတွက် အမေရိကန်ဗီဇာ ရဖို့ရန်လုံး ၀မသေချာပါ။ သွားချင်လှပါသော်လည်းယုံကြည် ခြင်းဖြင့်သွားကိုသွားရမည်ဟုလူရှေ့တွင်ကျမမပြောရဲပါ။ အဘယ်ကြောင့်ဆို သော်ဘုရားသခင်ထံမှ အတည် ပြုချက်ကိုကျမမရသေးပါ။ ကျမနှင့်ရင်းနှီးသော သင်းအုပ်ဆရာကြီးတစ်ပါး နှင့်တွေ့သောအခါကျမ ဤကိစ္စအတွက်ဆုတောင်းပေးရန်သူ့အားပြောပြမိပါသည်။ သို့သော်ထိုဆရာကြီး က"ဘုရားသခင်သွားခိုင်းမှာမဟုတ်ဘူး၊ သွားရင်လည်းမင်းပြန်လာမှာမဟုတ်ဘူး၊ ငါလည်းမယုံပါဘူး "ဟုသာ ပြောခဲ့သည်။ ထိုစကား ကြောင့်ကျမအလွန်ဝမ်းနည်းစွာဘုရားသခင်အား ဆုတောင်းခဲ့ပါသည်။ "ကိုယ်တော် ကျမကိုယုံ လျှင်လွှတ်ပါ၊ မယုံလျှင်လမ်းပိတ်ပေးပါ"ဟု မျက်ရည်ကျလျက်ဆုတောင်းသောအခါ ဘုရား သခင်က"ငါ့သမီး မင်းကိုငါယုံကြည်တယ်"ဟုပြန် လည်စကားပြောခဲ့ပါသည်။ ထိုစကားတော်သည် ကျမဗီဇာ ရမည်ဟုဘုရားသခင် ထံမှအတည်ပြုချက် ဖြစ်သည်။ ဘုရားသခင်ကိုယ်တိုင်ကျမ ကိုယုံကြည် စိတ်ချမှုကြောင့် အဆမတန်ဝမ်းမြောက် ရသည်။ ထို့နောက်အမေရိကန်သံရုံးမ၀င်မီပင် ကျမဗီဇာရပြီး ဖြစ်ကြောင်း အမေရိကန် နိုင်ငံကို သင်တန်းသွား တက်ရမည်ဖြစ်ကြောင်း ကျမယုံကြည်နေသည်။ ယုံကြည်သည့်အတိုင်းပင် ကျမ သူငယ်ချင်းများအား ပြောပြသည်။ တချို့က "ဗီဇာမရသေးပဲ လျှောက်မ ပြောနဲ့၊ မရရင်အရှက် ကွဲဦးမယ်" ဟုပြောကြသော် လည်းဘုရားသခင်၏ အသံတော်ကို ပေတရုကဲ့သို့ ကျမရထားပြီးဖြစ်သောကြောင့် သံသယ မရှိပါ။ အချိန်တန်သောအခါဘုရားသခင်သည် ဗီဇာရရှိစေ ပြီးလိုအပ်သောခရီးစရိတ်၊ တည်းခိုရန် နေရာများ ကိုပြင်ဆင်ပေးပြီး ထိုခရီးစဉ်အထမြောက်စေခဲ့ ပါသည်။ ထို့ကြောင့်မှန်ကန်သော ယုံကြည်ခြင်းဆိုသည်မှာ ဘုရားသခင်ပြောသောစကား(သို့)ဘုရားသခင်ထံမှအတည်ပြုချက်ပေါ်တွင်သာ အခြေခံပါသည်။ မှားယွင်း သော ယုံကြည်ခြင်းထားရှိခြင်းသည် မိမိကိုယ်ကိုဝမ်းနည်းစိတ်ပျက်စေရုံမျှမက ဘုရားသခင်ကိုသာ အပြစ် တင်မိပေလိမ့်မည်။ အများရှေ့တွင်လည်းသက်သေခံချက်မကောင်း နိုင်ပါ။
သို့သော်မှန်ကန်သော ယုံကြည်ခြင်းရှိခြင်း သည်မိမိအသက်တာတွင်ဝမ်းမြောက်စရာ အကြောင်း စုံလင်စေ ရုံမျှမက သူတစ်ပါးရှေ့တွင်လည်းဘုန်းတော် ထင်ရှားစေပါသည်။

Credit to>> Exit Youth Journal

Read More

ပြောင်းပြန်စီးနိုင်ကြစေချင်

လူတိုင်းမှာ သားသမီးမရှိနိုင်ကြပေမဲ့ လူတိုင်းမှာ မိဘရှိကြပါတယ်။ သားသမီးတွေကို ပညာတွေ၊ ရာထူး၊ စည်းစိမ်တွေနဲ့ မပူမပင်၊ မကြောင့်မကျဖြစ်အောင် ပြုစုပျိုးထောင်ပေးနိုင်သူများ၊ ပြင်းထန်တဲ့ ဘ၀ရဲ့ လောကဓံတွေကြောင့် ရင်သွေးငယ်တွေကို သူများတကာတွေလို ထားချင်ပေမဲ့မထားပေးနိုင်ခဲ့သူများ၊ ထားရကောင်းမှန်းမသိလို့ မထားဖြစ်ခဲ့သူများ စသဖြင့် မတူညီနိုင်ခဲ့ကြပေမဲ့ အားလုံးသော သူများဟာ မိဘတွေပဲဆိုတာ ဘယ်သူမှမငြင်းဝံ့ပါဘူး။ ကျမသူငယ်ချင်းတစ်ယောက်က ပြောတယ် "မိဘကို ရွေးချယ် ပိုင်ခွင့်ဆိုတဲ့ အခွင့်အရေးကို သားသမီးတွေက ဘယ်တော့မှ မခံယူထိုက်ပါဘူး၊ ခံယူထိုက်တာက မပြည့်စုံဘူးလို့ ထင်တဲ့ကွက်လပ်ကလေးကို ဖြည့်စွက်နားလည်ပေးဖို့ပဲ လိုတာပါတဲ့ "။ သူပြောတဲ့ စကားလေးက ကျမနှလုံးသား ထဲကို ပျားရည်မြစ်လေးတစ်စင်း အဖြစ်စီးဆင်း စေခဲ့ပါတယ်။ တကယ့်ကို တန်ဖိုးမဖြတ်နိုင်တဲ့ စကားလေးတစ်ခွန်းပါ။ မိဘတွေက ကျမတို့ကို ကျွေးမွေးပြုစု ပျိုးထောင်ပေးခဲ့ကြတာ အပြည့်ဝဆုံးနားလည် ခံစား ပေးပြီး အဆုံးစွန်အထိ စွန့်လွှတ်ချစ်နိုင်ခဲ့တာ ဖြစ်ပါတယ်။ ညရေးညတာ အိပ်ရေးပျက်ခဲ့ရတာ၊ ကိုယ့်အတွက်အခွင့်အရေး အားလုံးနီးပါးကို ပေးလိုက်ရတာ၊ အချိန်တွေ ပေးဆပ်ခဲ့ကြရတာတွေဟာ ပြောလို့လည်းမကုန် ရေးမပြတတ်အောင် များပြားတာ လူတိုင်းအသိပါပဲ။
လူဆိုတဲ့ ကျမတို့တစ်တွေဟာ မိမိဘ၀တက်လမ်းအတွက် ရှေ့ကိုပဲတိုးပြီး အမြဲတမ်းခရီးဆက်နေကြရတဲ့ သူတွေဖြစ်ပါတယ်။ ဒါဟာ မိမိကိုယ်ကို ဘယ်လောက်ချစ်ကြလို့ဆိုတာ ဖွင့်မပြောကြပေမယ့် သိနိုင်ပါတယ်။ ကိုယ့်ကိုယ်ကိုယ် မချစ်နိုင်သေးချိန်၊ မချစ်တတ်သေးခင်မှာ မိဘကို မှီခိုခဲ့ကြပါတယ်။ မိဘတွေဆီကနေ ရနိုင်သလောက် ယူခဲ့ကြပါတယ်။ စဉ်းစားကြည့်ရင် ကျမတို့ဟာ မိဘတွေရဲ့အသွေးကိုစုပ်ယူပြီး တွယ်ကပ် နေကြတဲ့ ကပ်ပါးကောင်တွေလေးလိုပါပဲ။ အချိန်တန်အရွယ်ရောက်လာတဲ့အခါ ရှေ့ကို တက်ဖို့ ကြိုးစား ကြပြန် တယ်။ အဲဒီလို ရှေ့ကိုပဲ ချီတက်ဖို့ကြိုးစားရင်းနဲ့ ထမင်းမစားတတ်ခင်က ထမင်းခွံ့ကျွေးခဲ့တဲ့မိဘ၊ လမ်းမ လျှောက်နိုင်ခင်ကချီပိုးပေးခဲ့တဲ့မိဘကို မမြင်ကွယ်ရာ က ချောင်လေးတစ်ချောင်မှာ ချန်ထားခဲ့ တတ်ကြပါတယ်။ သတိမမူ ဂူမမြင်ဆိုသလို ကြီးမားတဲ့မိဘကျေးဇူးကို သတိမထားမိပဲ ဒီအကြောင်းအရာတွေက လောကကြီးရဲ့ ဖြစ်ရိုးဖြစ်စဉ် တစ်ခုလို့ပဲ သဘောထားမိတတ်ကြပါတယ်။ တကယ်တော့ ဆပ်လို့မကုန်နိုင်တဲ့ မိဘကျေးဇူး တွေကိုနားလည်တုံ့ပြန်ပေးဖို့ဆိုတာ သားသမီးတွေအတွက် ဘ၀ပေးတာဝန်တစ်ခုအနေနဲ့ ရှိနေခဲ့တာပါ။
လူတစ်ယောက်နဲ့ စကားပြောကြည့်ဖူးပါတယ်။ သူကယဉ်ကျေးတယ်၊ ဖော်ရွေတယ်၊ အသောက်အစား ကင်းတယ်၊ အလုပ်ကြိုးစားတယ် စိတ်မကောင်းစရာက သူ့မိဘတွေနဲ့ အဆက်အသွယ်ပြတ်နေတာ သုံးနှစ် ရှိပြီတဲ့။ ကောင်းတဲ့အချက်တွေ ပြည့်နေတဲ့ လူတစ်ယောက်ဖြစ်ရက်သားနဲ့ ဘာကြောင့်ဒီလိုဖြစ်တာလဲလို့ မေးကြည့်မိတယ်၊ ဒီလိုပဲ အလုပ်အကိုင်အတွက် ဒေသခြားပြီး ထွက်လာခဲ့တယ်၊ အစပိုင်းတော့အား လပ်ရက်တွေမှာ အိမ်ကိုပြန်ဖြစ်တယ်၊ နောက်ပိုင်း မပြန်ဖြစ်၊ မပြန်ဖြစ်နဲ့ အခုဆို (၃) နှစ်ရှိသွားပြီတဲ့။ တကယ်ဆို အခြေအနေတွေ၊ အချိန်အခါတွေပေးရက်နဲ့ သူမပြန်ဖြစ်ခဲ့တာပါ။
မိဘတွေက သားသမီးတွေကို သူတို့ထက်တဆင့်ပိုမြင့်တဲ့ နေရာတစ်ခုကို တင်ပေးလိုက်ကြပြီး တစ်ဘ၀လုံးပုံပြီးချစ်ရတဲ့ အဲဒီသားသမီးတွေအတွက် တဆင့်နိမ့်တဲ့နေရာမှာပဲ ပျော်နေနိုင်ကြသူတွေပါ။ ဒါပေမဲ့ လူသားထဲက လူသားတွေပဲမို့ အားငယ်ဝမ်းနည်းတာတွေခံစားတတ်ကြရစမြဲမို့ သားသမီးတွေဝန်းရံပြီး နေခဲ့တဲ့ အချိန်လေးတွေကို တောင့်တမိတတ်ကြမှာပါပဲ။ ကျမတို့ အားငယ်တဲ့အချိန်၊ လမ်းမှားပေါ် ရောက်နေချိန်မှာ မိဘတွေက အားပေးခဲ့တယ်၊ လမ်းပြပေးခဲ့၊ နှစ်သိမ့်ပေးခဲ့ကြပါတယ်။
အခြေအနေ၊ အချိန်အခါ မပေးလို့ မိဘနဲ့အတူ နေချင်ပေမယ့် အကြောင်းအမျိုးမျိုးကြောင့် မနေနိုင်တဲ့ သူတွေကို နားလည်စာနာပေးနိုင်ပေမယ့် ခုနကရှေ့မှာပြောသွားတဲ့ သူအကြောင်းပြန်စဉ်းစားကြည့်တဲ့ အခါအခြေအနေပေးခဲ့ရက်နဲ့ အခုလိုဖြစ်တာတော့ အဖြေမရှာတတ်ခဲ့ပါဘူး။
အစဉ်အလာ ရေဆိုတာ မြင့်ရာမှနိမ့်ရာသို့သာ စီးဆင်းမြဲပါ။ ဒီသဘောတရားအတိုင်း မိဘတွေဘက်ကပဲ အနွံတာခံပေးဆပ်ခဲ့ကြပါ တယ်။ ခုခေတ်မှာတော့ ခေတ်မှီတဲ့နည်းစနစ်တွေနဲ့ နိမ့်ရာမှာရှိနေတဲ့ရေကို မြင့်ရာဆီ စီးစေနိုင်ခဲ့ပါပြီ။ ကျမတို့တတွေဟာ ခေတ်နောက်ကြတယ်လို့ အပြောမခံချင်၊ အထင်မခံချင်ကြပါဘူး။ ခေတ်ရှေ့မပြေးနိုင်ရင်တောင်မှ ခေတ်နဲ့တန်းတူ နေချင်ကြပါတယ်။ ခေတ်တွေပြောင်းလဲတိုးတက်လာတာ နဲ့အမျှ ကျမတို့ရဲ့ အရင်တုန်းက အတွေးတွေ၊ အယူပဲရှိပြီး ပြန်ပေးဆပ်ဖို့ မေ့နေခဲ့တာတွေကို ပြောင်းလဲပြီး မိဘကျေးဇူး ဆပ်ရမယ် ဆိုတဲ့ ဘ၀ပေးတာဝန်ကို သဲပွင့်လေးတစ်ပွင့် အဖြစ် တတ်စွမ်းသလောက် ထမ်းဆောင်ကြမယ်ဆိုရင် ဒီကမ္ဘာမြေကြီးဟာ လှပနေမှာပါ။
သားသမီးတိုင်း မိဘမေတ္တာကို နားလည်ခံစားတတ်ပြီး မိဘကျေးဇူးဆပ်နိုင်တဲ့၊ ဆပ်ခွင့်ရတဲ့ သူတွေဖြစ်နိုင်ကြ ပါစေလို့ဆုတောင်းရင်း ။

Read More

ဖြောင့်မတ်သူ

အခြေပြုကျမ်း။ မဿဲ ၆း၃၃၊ ၂ကော ၅း၂၁၊ ဆာလံ ၁း၆၊ ဆာလံ ၃၇း ၁၈-၁၉၊ ၂၃-၂၄
ဖြောင့်မတ်သူ
ဖြောင့်မတ်သူဆိုတာဟာ ထာဝရဘုရားသခင်ရဲ့ရှေ့မှာ အပြစ်တစ်ခါမျှမလုပ်ဖူးတဲ့သူတစ်ယောက်ကဲ့သို့ ဖြောင့်မတ်မှန်ကန်စွာရပ်တည်နိုင်တဲ့သူဖြစ်ပါတယ်။ ယနေ့ ကျွန်တော်တို့ရှာရမယ့် ဖြောင့်မတ်ခြင်းဟာ ဘုရားသခင်ဆီမှာရှိတဲ့ ဖြောင့်မတ်ခြင်းကိုရှာရမှာဖြစ်ပါတယ်။ ကျွန်တော်တို့ရဲ့ ကိုယ်ပိုင်ဖြောင့်မတ်ခြင်း ကိုရှာမယ် ဆိုရင် ကျွန်တော်တို့ရဲ့ဘုရားသခင်ရဲ့ရှေ့မှာ မမှန်ကန်တဲ့အသက်ရှင်မှုတွေကြောင့် ဘုရားသခင် ရဲ့ရှေ့မှာ ဖြောင့်မတ်သောသူလို့ ခေါ်ခြင်းကိုခံနိုင်မှာမဟုတ်ပါဘူး။ ကျွန်တော်တို့ရဲ့ အပြစ်တွေကြောင့် ဘုရားသခင်ရဲ့ရှေ့တော်မှာ ဘယ်လိုမှဖြောင့်မတ်သောသူတစ်ယောက်မဖြစ်နိုင်ပါဘူး။ ဒါပေမယ့်လည်း ယေရှုခရစ်တော်ရဲ့ရွေးနုတ် ကယ်တင်ခြင်းကျေးဇူးကြောင့် ကျွန်တော်တို့ဟာ ဘုရားသခင်ရဲ့ရှေ့မှောက်မှာ ဖြောင့်မတ်သူတွေဖြစ်လာကြပါတယ်။ ကိုယ့်ကြိုးစားမှုကြောင့်ရလာတဲ့ ဖြောင့်မတ်ခြင်း မဟုတ်ဘဲ ယေရှုခရစ်တော်ရဲ့ကျေးဇူးတော်သက်သက်ကြောင့် ရလာတဲ့ဖြောင့်မတ်ခြင်းပဲဖြစ်ပါတယ်။ ကျေးဇူးတော်အားဖြင့်ရလာတဲ့ ဘုရားသခင်ရဲ့ဖြောင့်မတ်ခြင်းကို ကျွန်တော်တို့ရဲ့ကိုယ်ပိုင်ဖြောင့်မတ်ခြင်းအဖြစ် ခရစ်တော်ယေရှုအားဖြင့်ရှာဖွေရယူနိုင်တာဖြစ်ပါတယ်။
အသိအမှတ်ပြုခြင်း
ဘုရားသခင်ပေးတဲ့ ယေရှုခရစ်တော်အားဖြင့်ရတဲ့ဖြောင့်မတ်ခြင်းကို မှီခိုနေသေးသရွေ့ဘုရားသခင်ရဲ့ အသိအမှတ်ပြုခြင်းကို ခံရပါတယ်။ ကျွန်တော်တို့ရဲ့ အသက်ရှင်လှုပ်ရှားသွားလာမှုတစ်ခုစီတိုင်းမှာ ဘုရားသခင်ရဲ့အသိအမှတ်ပြုခြင်းအားဖြင့် တည်ဆောက်ခြင်းရှိနေတာဖြစ်တယ်။ ဒါ့ကြောင့် ကျွန်တော်တို့ရဲ့နေ့စဉ် အသက်တာကို ဆန်းစစ်ကြည့်ဖို့လိုပါတယ်။ အသက်ရှင်နေထိုင်မှုမှာ ကျွန်တော်တို့ကို ဘုရားသခင်က ပစ်ပယ်ထားသွားပြီလား။ ခံနေရတဲ့ပြဿနာအားလုံးကို ဘုရား သခင်ကမမြင်ဘူးလား။ အော်ဟစ်ဆုတောင်းသံတွေကို ဘုရားသခင်မကြားတော့ဘူးလားလို့ ဘုရားသခင်ကို ပြန်ပြီး မေးခွန်း ထုတ်တဲ့နေ့ရက်တွေပဲဖြစ်နေတယ်ဆိုရင် ကိုယ့်အခြေအနေကိုပြန်ပြီးဆင်ခြင်ရမယ့်အခြေအနေဖြစ်လာပါပြီ။
ကျွန်တော်ဟာ ဘုရားသခင်ရဲ့ဖြောင့်မတ်ခြင်းအပေါ်မှာ ရပ်တည်နေသေးလား၊ ဒါမှမဟုတ် မိမိရဲ့ ကိုယ်ပိုင်ဖြောင့်မတ်ခြင်းပေါ်မှာ ရပ်တည်နေတာလား ဆိုတာကိုခွဲခြားသိဖို့လိုလာပြီဖြစ်တယ်။ သူများတကာလို အဆင်မပြေတိုင်း ဘုရားသခင်ကိုအပြစ်တင်ဖို့မဟုတ်ဘဲ ဘုရားကိုပိုပြီးဖက်ရမ်းဖို့ဖြစ်ပါတယ်။ ကိုယ့်ရဲ့လုပ် ဆောင်နိုင်စွမ်းအားကို အမှီမပြုဘဲ ဘုရားသခင်ကို ယခုလက်ရှိအခြေအနေထက်သာ၍ အမှီပြုဖို့ဖြစ်ပါတယ်။
ကတိတော်
ကျွန်တော်တို့ရဲ့နေ့ရက်ကာတွေကို ထာဝရဘုရားသိမှတ်တယ်လို့ဆိုပါတယ်။ ဖြောင့်မတ်သူတွေရဲ့ အမွေဥစ္စာကိုလည်း အစဉ်အမြဲတည်စေမယ်လို့ဆိုထား ပါတယ်။ ခက်ခဲတဲ့အချိန်ကာလမှာ မျက်နှာမပျက်ရ။ ယနေ့ပတ်ဝန်းကျင်မှာ အခြေအနေအဖြစ်အပျက်တွေက အရင်ကနဲ့မတူဘဲ၊ အတော့်ကိုခဲယဉ်းတဲ့ကာလ ဖြစ်ပါတယ်။ ဒီနေ့ထိ ဝစွာစားရတဲ့အခွင့်၊ ကောင်းမွန်စွာအိပ်စက်နိုင်တဲ့အခွင့်ကို ကျေးဇူးတော် အားဖြင့်ခံစားရသလို၊ အစာခေါင်းပါးတဲ့အချိန်ကာလမှာတောင် ဝစွာစားရမယ်လို့ ဘုရားသခင် ကတိ ပေးထားပါတယ်။
ဖြောင့်မတ်သောသူရဲ့ခြေလှမ်းတွေကို ထာဝရဘုရားနှစ်သက်တော်မူ၏တဲ့။ ဖြောင့်မတ်သောသူဖြစ်ပေမယ့် လောကဓံတရားအောက်မှာ တစ်ခါတရံလဲကျ နိုင်ပါတယ်။ ဒါပေမယ့်လည်း ဘုရားသခင်ဟာ ဆုံးရှုံးခြင်း အဖြစ်သို့ရောက်ရတဲ့အခွင့်မပေးဘူး။ လဲကျပေမယ့် အဲဒီလဲကျမှုကနေ ဘုရားသခင်ကိုယ်တော်တိုင်က ထူမမယ်လို့ဆိုထားပါတယ်။
ဒါ့ကြောင့် ချစ်သောညီအစ်ကိုမောင်နှမများဟာ ဖြောင့်မတ်သောသူဖြစ်သလား၊ ဘုရားသခင်ရဲ့ ဖြောင့်မတ်ခြင်းကို မှီခိုသူဖြစ်မယ်ဆိုရင် လက်ရှိအခြေအနေ ကြောင့် စိတ်ဓာတ်ကျမနေပါနဲ့။ ဘုရားသခင်ဟာ အခြေအနေအရပ်ရပ်ထဲကနေ ကျွန်တော်တို့ကို အသိအမှတ်ပြုအရေးယူပေးရုံသာမကဘဲ သူ့ရဲ့ကတိတော် အတိုင်း ရှိတဲ့အခြေအနေအရပ်ရပ်ကနေ ရွေးနုတ်ကယ်တင်တော်မူမှာဖြစ်ပါတယ်။
ဘုရားရှင်ရဲ့ဖြောင့်မတ်ခြင်းအပေါ်မှာ မှီခိုအားထားလျက် အသက်ရှင်လျှောက်လှမ်းသောသူ အယောက်စီ တိုင်းဖြစ်ပါစေ...

လေပြေ (EXIT)

Read More

အချစ်ကိုခံစားနားလည်ခြင်း

အထီးကျန်အိပ်မက်ကနေ
နိုးထလာတဲ့အရုဏ်ဦးမှာပေါ့
ငါ့နံနက်ခင်းရဲ့အလင်းရောင်လေးကို
အပြုံးတစ်ပွင့်နဲ့တွေ့လိုက်ရတယ် ။
အချစ်ဆိုတာ....ဒါလားလို့
ဘုရားသခင်ကိုမေးတော့
ဘာမှမဖြေဘဲပြုံးတော်မူတယ် ။
အချစ်ဆိုတာဘာလဲ .......
ပေးဆပ်ခြင်းလား
ရယူခြင်းလား
ေ၀၀ါးလို့နေရင်း
ကိုယ့်ရင်ဘတ်ကိုငုံ့ကြည့်တော့
နံရိုးတစ်ချောင်းမရှိတော့ဘူး
အဲဒီလစ်ဟာမှုတစ်ခုနဲ့
နားလည်သိတတ်လာခဲ့......
အချစ်ဆိုတာ ဒါပါပဲ ........။ ။

Read More

ကျေးဇူးတော်အားဖြင့်စီးဆင်းလာသောယုံကြည်ခြင်း(Evn. Christopher Alam)

ဘုရားသခင်၏နှုတ်ကပတ်တော်က "ဖြောင့်မတ်သောသူ သည်ယုံကြည်ခြင်းအားဖြင့် အသက်ရှင်လိမ့်မည်။ " (ဟေဗြဲ ၁၀း၃၈)
ဤကျမ်းစား၌ဆိုထားသည့်အတိုင်း ယေရှုနှင့်သက်ဆိုင်သော ကျွန်ုပ်တို့အသက်တာယုံကြည်ခြင်းသည် အပေါ်ယံရှိရုံသာရှိရန်မျှလောက်ပြောနေခြင်းမဟုတ်ဘဲ ယုံကြည်ခြင်းထဲ၌ လုံးလုံးလျားလျား နှစ်မြှပ်အသက်ရှင် ရန် တိုက်တွန်းထားသည်။ ယုံကြည်ခြင်းအားဖြင့် အသက်ရှင်ခြင်းဆိုသည်မှာ ခရစ်ယာန်အသက်တာအတွက် အလွန်အခြေခံကျသော အသက်ရှင်မှုပုံစံဖြစ်သည်။
ယုံကြည်ခြင်းအားဖြင့် အသက်ရှင်ခြင်းဆိုသည်မှာ အသက်ရှူရာတွင်လည်းယုံကြည်ခြင်း၊ ယုံကြည်ခြင်း အကြောင်းကိုသာတွေးတောခြင်း၊ ယုံကြည်ခြင်းအကြောင်းကို သာပြောထုတ်ခြင်း ၊ ယုံကြည်ခြင်း ထဲ၌သာလျှောက်လှမ်းခြင်းကို ဆိုလိုပါသည်။ ထို့ကြောင့် ကျွန်ုပ်တို့ အသက်တာရှင်မှုပုံစံသည် ယုံကြည်ခြင်း၌ သာအခြေခံရုံမျှမက ထိုယုံကြည်ခြင်းထဲတွင် အမြစ်စွဲလျှက် အသက်ရှင်သောအသက်တာကို ဆိုလိုခြင်း ဖြစ်ပါသည်။ ကျွန်ုပ်တို့ထားရှိရမည့် ယုံကြည်ခြင်းသည် နှုတ်ကပတ်တော်နှင့် ကရာနီကုန်းတော်ပေါ်မှ စီးဆင်းခဲ့သော သခင်ယေရှုအသွေးတော်၏ လုပ်ဆောင်ပေးခဲ့ခြင်းအပေါ်တွင်သာမှီတည်၍ ထိုအထဲ၌သာ စီးဆင်းနေရန်ဖြစ်သည်။ ကျမ်းစာထဲ၌ "သို့သော်လည်း ထိုသူတို့သည် ငါတို့အနာရောဂါဝေဒနာများကို ယူတင်ဆောင်ရွက်လေ၏ ။ ဒဏ်ခတ်တော်မူခြင်းကိုလည်းကောင်း၊ ဘုရားသခင်ဆုံးမ၍ နှိမ့်ချတော်မူခြင်း ကိုလည်းကောင်း ခံသောသူဖြစ်သည်ဟု ငါတို့သည် ထင်မှတ်ကြပြီ။ ထိုသူတို့ဥည် ငါတို့လွန်ကျူးခြင်း အပြစ်များကြောင့် နာကျင်စွာထိုးခြင်း၊ နှိပ်စက်ခြင်းကိုခံရလေ၏ ။ ငါတို့၏ငြိမ်သက်ခြင်းချမ်းသာကိုဖြစ်စေသာ ဆုံးမခြင်းသည် သူ့အပေါ်သို့ရောက်၍ သူခံရသော ဒဏ်ချက်အားဖြင့် ငါတို့သည်အနာပျောက်လျက် ရှိကြ၏ ။ (ဟေရှာ ၅၃း၎-၅ )
ကျမ်းစာထဲ၌ဖော်ပြထားသည့်အတိုင်းပင် ကျွန်ုပ်တို့၏အပြစ်များ၊ အနာရောဂါများနှင့် ကျိန်ခြင်း အမင်္ဂလာများ အားလုံးကို ကျွန်ုပ်တို့ အသက်တာမှ လက်ဝါးကပ်တိုင်ပေါ်တွင် ယေရှုခရစ်တော်ယူဆောင်သွားခြင်းအားဖြင့် ကျွန်ုပ်တို့သည် ဖြောင့်မတ်ခြင်း၊ ကျမ်းမာခြင်းနှင့် လွတ်ခြင်းချမ်းသာ၊ ကောင်းစားခြင်းများကို ခံစားစေခြင်း ဖြစ်သည်။ ကမ္ဘာပေါ်တွင် အသက်ရှင်နေသေးသရွေ့ ယေရှုခရစ်တော်၏ အသွေးတော်အားဖြင့် ရွေးယူခဲ့သော ကောင်းချီးများသည် စာရွက်ပေါ်တွင် ရေးသားထားသောအရာသက်သက်မဟုတ်ဘဲ အသက်တာတွင် လက်တွေ့ခံစားနိုင်ရန်အတွက် ဤခရစ်တော်လုပ်ဆောင်ပေးခဲ့သောအရာများကို ယုံကြည်ခြင်းအားဖြင့်သာ ပိုင်ဆိုင်ခံစားရရှိနိုင်မည်ဖြစ်သည်။ လက်ဝါးကပ်တိုင်ပေါ်တွင် အသေခံ၍ ပြန်ထမြောက်တော် မူခြင်းအားဖြင့် ယေရှုခရစ်တော် ရွေးဝယ်ပေးခဲ့သောအရာများကို ကျွန်ုပ်တို့၏ ယုံကြည်ခြင်းအားဖြင့်သာ ရယူပိုင်ဆိုင်နိုင် မည်ဖြစ်သည်။ ကျွန်ုပ်၏ အမှုတော်ဆောင် သက်တမ်းတစ်လျှောက်တွင် ယုံကြည်ခြင်းနှင့်ပတ်သက်၍ မတူညီသောသွန်သင်မှုနှစ်မျိုးကို သတိထားမိခဲ့ပါသည်။ ယုံကြည်ခြင်းနှင့်ပတ်သက်၍ ဟောပြောမှုများ နှင့်လက်တွေ့လုပ်ဆောင်ရန် သွန်သင်မှုများကိုတွေ့ရပြီး သွန်သင်မှုနှစ်မျိုးစလုံးသည် တစ်ခုနှင့်တစ်ခုဆင်တူ သော်လည်းအမှန်တကယ်တွင် လုံးဝကွဲပြားခြားနားကြသည်။ သွန်သင်မှုနှစ်ခုတွင် တစ်ခုသာလုံးဝမှန်ကန် သည်ကို တွေ့ရပါသည်။ ထိုအရာကို " တရားဝင်ယုံကြည်ခြင်း " သို့မဟုတ် " ပညတ်တရားအခြေခံသော ယုံကြည်ခြင်း "ဟု ကျွန်ုပ်ခွဲခြားလိုပါသည်။ ဘုရားသခင်ထံတော်မှကောင်းချီးများကို "ယုံကြည်ခြင်းနိယာမ "ကိုအသုံးပြုခြင်းဖြင့်သာ ရရှိနိုင်မည် ဟုနားလည်ပြီး လက်တွေ့ကျင့်သုံးယုံကြည်သောအချိန်မှသာ လက်တွေ့အမှန်ရရှိလာမည်ဖြစ်သည်။ ယုံကြည်ခြင်း နိယာမဟုဆိုရာတွင် ကျွန်ုပ်တို့အတွင်းဝိညာဉ်ထဲမှ အားကြီးသောယုံကြည်ခြင်းအားဖြင့် တစ်စုံတစ်ခုကို ပြုရန်စတင်ခြေလှမ်းလှမ်းလိုက်ခြင်းဖြစ်ပြီး၊ ထိုအရာကိုအကောင်အထည်ဖော်ပေးရန်အတွက် ဘုရားသခင်ကိုယ်တော်တိုင်ပြုပေးရန် အဆင်သင့် အနေအထားတွင် ကျွန်ုပ်တို့အတွက် ရပ်တည်ပေးနေကြောင်း သိသောအထူးသိခြင်းအားဖြင့် စတင်လှုပ်ရှား ပြုမူခြင်းကိုဆိုလိုပါသည်။ တစ်စုံတစ်ခုသော အကြောင်း အရာအတွက် ကျွန်ုပ်တို့စတင် ခြေလှမ်း လှမ်း လိုက်သည်နှင့် တပြိုင်နက် ထိုခြေလှမ်းများနှင့်အတူ နိမိတ်လက္ခဏာများကို ကျွန်ုပ်တို့မြင်တွေ့ရမည်ဖြစ်သည်။
"ပညတ်တရားအခြေခံသောယုံကြည်ခြင်း"တွင်ယုံကြည်သူတစ်ယောက်အနေဖြင့်နိမိတ်လက္ခဏာတစ်စုံတစ်ခုဖြစ်

လာရန်အတွက် မိမိ၏ကိုယ်တိုင်ယုံကြည်ခြင်း၊ ၀န်ခံခြင်းမှစသဖြင့် မိမိတတ်စွမ်းနိုင်မှုကို အခြေခံကာ ယုံကြည်ရသည်။ ဤနေရာ၌ ၀န်ခံခြင်းဟုဆိုရာတွင် နှုတ်ကပပတ်တော်က ဖော်ပြထားသော အခြေခံနည်း လမ်းဖြစ်သော်လည်း ယေရှုခရစ်တော်အပေါ်တွင် လုံးလုံးလျားလျားယုံကြည်ရမည့်အစား မိမိ၏လှုပ်ရှား ဆောင်ရွက်မှုအပေါ်တွင် ထားသော ယုံကြည်ခြင်းကို ပိုမို၍အခြေခံအားကိုးကြောင်း သတိပြုမိမည်ဖြစ်သည်။ ဘုရားသခင် ကအမှုပြုမည်ဟု ယုံကြည်သော်လည်း မိမိသည် ပထမဦးစွာ လှုပ်ရှားမည့်သူဖြစ်၍ ဘုရားသခင် သည် အမှုအရာတစ်စုံတစ်ခုဖြစ်လာရန်အတွက် အရေးပါမှုတွင် ဒုတိယဦးစားပေးအဆင့်သာ ထားကြသည်။ မိမိပြုမည့်အမှုအရာဖြစ်မြောက်အောင်မြင်ရန်အတွက် အဓိကတာဝန်သည် မိမိတာဝန်ကဲ့သို့ ဖြစ်လာပြီး ယေရှုပေါ်တွင်ရှိမနေတတ်၊ ထွက်ပေါ်လာမည့် အကျိုးရလဒ်သည်လည်း ယေရှုခရစ်တော်၏ချစ်ခြင်းမေတ္တာနှင့် ဂရုဏာတရားပေါ်တွင်မူတည်ရမည့်အစား မိမိ၏ဆုတောင်းနိုင်စွမ်း၊ ယုံကြည်နိုင်စွမ်းနှင့် ၀န်ခံပြောထုတ်နိုင်စွမ်း ပေါ်တွင်မူတည်နေသည်။ အမှန်စင်စစ် ဤယုံကြည်ခြင်းသည် " ယုံကြည်ခြင်း၏အတွေးအခေါ် " ဟုဆိုရမလိုပင်၊ ယုံကြည်ခြင်းအပေါ်တွင် အမှန်တကယ်အခြေခံခြင်းမဟုတ်ဘဲ အလုပ်ဖြစ်မဖြစ်ပေါ်တွင် အခြေခံသော ယုံကြည်ခြင်းဖြစ်သည်။
ကျမ်းစာ၌ ဖော်ပြထားသော အခြားယုံကြည်ခြင်းတစ်မျိုးမှာ " ကျေးဇူးတော်ကိုအခြေခံသောယုံကြည့်ခြင်း " ဖြစ်သည်။ ကျေးဇူးတော်နှင့်လှုပ်ရှားလုပ်ဆောင်မှုဆိုသည်မှာ ဆန့်ကျင်ဖက်ဖြစ်သည်။ ကျွန်ုပ်တို့သည် ကျေးဇူးတော်အားဖြင့် အသက်မရှင်ပါက အလုပ် (ပညတ်)အားဖြင့် အသက်ရှင်သော သူများဖြစ်သည်။ ယုံကြည်သူ ခရစ်ယာန်အများစုအသက်တာတွင် ဤအရာနှစ်ခုကို " ရောသမမွှေ "တတ်ကြသည်။ " ရောသမမွှေ "ပါက မည်သည့်အရာမျှဖြစ်လာမည်မဟုတ်ပေ။ အဘယ်ကြောင့်ဆိုသော် တစ်ခုနှင့်တစ်ခုလုံးဝရောစပ်၍ မရသောအရာဖြစ်သောကြောင့်ဖြစ်သည်။ထို့ကြောင့်ပင် ကျမ်းစာ၌ "ကျေးဇူးတော်အားဖြင့်ရှိလျှင်၊ ကိုယ်ကျင့်သောအကျင့်အားဖြင့်မရှိ၊ရှိလျှင်ကျေးဇူးသည်ကျေးဇူးမဟုတ်။ ကိုယ်ကျင့်သောအကျင့်အားဖြင့်ရှိလျှင် ကျေးဇူးအားဖြင့် မရှိ၊ ရှိလျှင် ကိုယ်ကျင့်သောအကျင့်သည် အကျင့်မဟုတ်။ (ရောမ ၁၁း၆) " အကျင့်တရားကို အခြေခံသောယုံကြည်ခြင်းသည် ဘုရားသခင်၏နှုတ်ကပတ်တော်အပေါ်တွင်အခြေခံသောကြောင့် အကန့်အသတ်အားဖြင့် ဖြစ်နိုင်ခြေရှိသည်။ အကြောင်းမှာ ထိုသူ့စိတ်နှလုံးထဲတွင်မူ ဘုရားသခင် ၏နှုတ်ကပတ်တော်ကို အကန့်အသတ်ဖြင့်သာ သိသောကြောင့်ဖြစ်သည်။ ထိုကဲ့သို့သောသိခြင်းမျိုးသည် အဆုံး၌မိမိကိုယ်ကိုကျဆုံးဖြင်းနှင့် စိတ်ဓါတ်ကျခြင်းများ ကိုသာ ယူဆောင်လာမည်ဖြစ်သည်။ ထို့ကြောင့် " ကျေးဇူးတော်ကိုအခြေခံသောယုံကြည်ခြင်း " ကိုနားလည် သဘောပေါက်ရန်လိုသည်။ ထိုအရာကိုမလေ့လာမီ "ကျေးဇူးတော်" ဟူသောဝေါဟာရ၏နက်နဲသော အဓိပ္ပါယ် (၀ါ) ကျမ်းစာက " ကျေးဇူးတော်အောက်၌အ သက်ရှင်ခြင်း "ဟုဆိုသည့်အရာကို ဦးစွာလေ့လာကြရအောင်။ " ကျေးဇူးတော် " ကို ဂရိဘာသာစကားအားဖြင့် "Charis"ဟုခေါ်ပြီးအနက်အားဖြင့်"မထိုက်တန်ဘဲပေးသောဘုရားသခင်၏မျက်နှာသာရခြင်း၊ ခရစ်ယာန်အသက်

တာအားဖြင့် အသက်ရှင်နိုင်ရန်ယုံကြည်ခြင်း၊ အသိပညာ၊ ချစ်ခြင်းမေတ္တာ နှင့် နူးညံ့သိမ်မွေ့ ခြင်းများ တိုးပွားစေ၍ ခရစ်တော်ထဲ၌လုံခြုံခြင်း၊ ခွန်အားများရရန် ဘုရားသခင်၏သန့်ရှင်းခြင်း ပါရမီအားဖြင့် ကျွန်ုပ်တို့၏ စိတ်ဝိညာဉ်အား လွှမ်းခြုံပေးခြင်းဖြစ်ပြီး၊ ဘုရားသခင်၏ ကျေးဇူးတော် တန်ခိုးတော်အားဖြင့်သာ ဤအခြေအနေကို ရရှိခံစားစေခြင်း။ "တစ်နည်းအားဖြင့် စစ်မှန်သောကျေးဇူးတော် ဆိုသည်မှာ ဘုရားသခင် ၏သန့်ရှင်းခြင်းတန်ခိုးအားဖြင့် လူတို့၏နှလုံးသားကို လွှမ်းမိုး၍ ယေရှုခရစ်တော် နှင့်သာ၍ နီးစပ်စေရန် ဆွဲယူခြင်းဖြစ်သည်။ ကျေးဇူးတော်ဟုဆိုလိုက်လျှင် "၀ိညာဉ်ရေးရာလူပျင်းများ ဖြစ်စေသောစိတ်ယိုယွင်းမှု များနှင့် ဘုရားသခင်နှင့် နှုတ်ကပတ်တော်ကို မှောက်လှန်သောသူများ "အဖြစ်များသောအားဖြင့် လူများစွာ တို့သည် မှားယွင်းစွာ မြင်မှားကြသည်။ "ကျေးဇူးတော်"သည် အပြစ်လုပ် ခွင့်ပြုခြင်းဆိုင်ရာ အသိ အမှတ်ပြုမှုမဟုတ်ပါ။ "ကျေးဇူးတော်"သည် လူ့အထဲ၌ြ့ပုသော ဘုရားသခင်၏ တန်ခိုးတော်သာဖြစ်သည်။ အမှန်စင်စစ် ဘုရားသခင်၏ကျေးဇူးတော်အောက်တွင် အသက်ရှင်သော သူ၏အသက်တာ၌ တိုးတက်ခြင်း၊ လွတ်လပ်ခြင်း၊ အောင်မြင်ခြင်း၊ သန့်ရှင်းခြင်း၊ ကျန်းမာခြင်း၊ ငြိမ်သက်ခြင်း နှင့်ကောင်းစားခြင်းများကို တွေ့မြင်နိုင်သည်။
"ယုံကြည်သောအားဖြင့်ကျေးဇူးတော်ကြောင့်ကယ်တင်ခြင်းသို့ရောက်ရ၏။ကိုယ်အလိုအလျောက်ရောက်သည်မ

ဟုတ်။ ဘုရားသခင်သနားတော်မူရာဖြစ်သတည်း။ (ဧဖက် ၂း၈)"ဤကျမ်းပိုဒ်အားဖြင့် အချက် (၂)ချက်ကိုတွေ့နိုင် သည်။ (၁)ယုံကြည်ခြင်း အလျင် (အရင်) ကျေးဇူးတော်လာသည်။ ဤနေရာတွင် လူများစွာတို့၏နားလည်မှုလွဲမှားသောအရာများကို တွေ့နိုင်သည်။ အဘယ်ကြောင့်ဆိုသော် ယုံကြည်ခြင်း အလျင် (အရင်) ကျေးဇူးတော်က လာသောကြောင့် ကျေးဇူးတော်ကို ဦးစွာသဘောပေါက် နားမလည် သေးသရွေ့ယုံကြည်ခြင်းအကြောင်းကိုလည်း စစ်မှန်စွာနားလည်သဘောပေါက်မည် မဟုတ်ပေ။ ကျေးဇူးတော်သည် ယုံကြည်ခြင်းထွက်ပေါ်မှီတင်းရာ " ရေသောက်မြစ် " ဖြစ်သည်။ ယုံကြည်ခြင်းအကြောင်းကို စစ်မှန်စွာနားလည်သဘောပေါက်ရန်အတွက် ဘုရားသခင်၏ချစ်ခြင်းမေတ္တာနှင့် ကျေးဇူးတော်ကို ဦးစွာ သဘောပေါက်နားလည်ရန် လိုအပ်သည်။
"ယုံကြည်ခြင်း" သည်မိမိတစ်ကိုယ်တည်းရပ်တည်ခြင်းမဟုတ်ပေ။ တစ်နည်းအားဖြင့်"ယုံကြည်ခြင်း "သည်လည်း " ကျေးဖူးတော် " ကဲ့သို့ပင် ဘုရားသခင် ပေးသောဆုကျေးဇူး(လက်ဆောင်) ဖြစ်သည်။ ကျေးဇူးတော်အားဖြင့် ထောက်ပံ့ပေးသော ဘုရားသခင်၏ကောင်းချီးများကို ရရှိနိုင်ရန် လိုအပ်သော ယုံကြည်ခြင်းကို ကျေးဇူးတော် အားဖြင့်သာ ဘုရားသခင်ထံတော်မှ ရရှိကြသည်။ လွယ်ကူစွာ နားလည် နိုင်မည့် အကြောင်းအရာလေး တစ်ခုမှာဘုရားသခင်သည်မိမိပိုင်ဆိုင်သောအိမ်တစ်လုံးကိုကျွန်ုပ်အားပြ၍"ဤသာယာလှပသောအိမ်ကိုသင့်အား

ငါရောင်းမည်။ သို့သော်တန်ဖိုးသည် $$$$$ကျသင့်မည်ဖြစ်ကာ သင့်အနေဖြင့် ၀ယ်နိုင်ရန် လုံလောက်သော ငွေရှိမည်မဟုတ်ပါ။ ထို့နောက် ဘုရားသခင် ကိုယ်တော်တိုင်က ကျွန်ုပ်ကိုလိုအပ်သော ငွေပေးသောကြောင့် ဘုရားသခင်ထံမှ ကျွန်ုပ်ဝယ်လိုသောအိမ်ကို ဘုရားသခင် ပေးသောငွေအားဖြင့် ၀ယ်ယူလိုက်သည်။ ထိုသို့သောအမှုအရာကို "ကျွန်ုပ်အိမ် ၀ယ်သည်"ဟုဆိုနိုင်ပါ မည်လော။ ဆိုနိုင်ပါမည်။ အိမ်ဝယ်ရန်အတွက် ကျွန်ုပ်ကို ငွေပေးခြင်းမှာ ထိုအချင်းအရာအားဖြင့် ဘုရားသခင်ထံ၌ ကျေနပ်အဆင်ပြေစေရန် ကိုယ်တော် တိုင်ကလုပ်ဆောင်ပေးခြင်းဖြစ်သည်။
"ကျေးဇူးတော် "ကိုဘုရားသခင်ထံမှ ကျွန်ုပ်တို့ထံသို့ အကန့်အသတ်မရှိလွတ်လပ်စွာစီးဆင်းနေသော " ပိုက်လိုင်း "ဥပမာအားဖြင့်ဆက်လက်ရှင်းပြလိုသည်။ "ယုံကြည်ခြင်း "ပိုက်လိုင်းအားဖြင့် ဘုရားသခင်သည် သူ၏ကျေးဇူးတော်ကို ကျွန်ုပ် တို့နှလုံးသားထဲသို့ သွန်းလောင်းပေးသည်။ ဤပိုက်လိုင်းကို ကျွန်ုပ်တို့ ထံပေးခြင်းရည်ရွယ်ချက်မှာ ဘုရားသခင်၏ကျေးဇူးတော်ပိုက်လိုက်နှင့် ချိတ်ဆက် ဆက်သွယ်သောအချိန်မှသာ ဘုရားသခင်၏နမိတ်လက္ခဏာများ စတင်စီးဆင်းလာမည် ဖြစ်သည်။ "ကျေးဇူးတော်"သည် ယေရှုခရစ် အားဖြင့်သာ ကျွန်ုပ်တို့ရသော "မထိုက်တန်သော်လည်း ရရှိသောမျက်နှာသာပေးခြင်း"သည်ပင်လျှင် ကျေးဇူးတော်အားဖြင့်သာရရှိနေခြင်းဖြစ်သည်။ ထို့ကြောင့်ကျမ်းစာက "ယုံကြ ည်ခြင်းသည် ကြားနာခြင်း အာဖြင့်ဖြစ်၏။ ကြားနာခြင်းသည်လည်း ဘုရားသခင်၏စကားတော်အားဖြင့်ဖြစ်၏။ (ရောမ ၁၀း၁၇ ) "
ကျမ်းစာအရ "ယုံကြည်ခြင်း "သည် "နှုတ်ကပတ်တော်အတိုင်းလုပ်ဆောင်ခြင်း" ကြောင့်ဟုမဆိုထားပေ။ ဤကျမ်းပိုဒ်အရ ယုံကြည်ခြင်းသည်ကြားနာခြင်းအားဖြင့် " ဖြစ်(လာ)"၏ဟုဆိုထားရာ အလိုလိုထွက် လာခြင်းမဟုတ်ဘဲ၊ အခြားသောဘုရားသခင်၏ကျေးဇူးတော်အားဖြင့်သာ ရရှိခြင်းဖြစ်သည်။ အဘယ် သို့ဖြစ် လာသနည်း။ ကျွန်ုပ်တို့ဘုရားသခင်၏နှုတ်ကပတ်တော်ထဲတွင် အသက်ရှင်သောအခါ ထိုနှုတ်ကပတ်တော် အားဖြင့် ယေရှု (အသက်ရှင်သောနှုတ်က ပတ်တော်)နှင့်တွေ့ကြပြီး၊ ခရစ်တော်ယေရှုလုပ်ဆောင်သောအရာ များကို သိမြင်လာကြသည်။
ထိုနှုတ်ကပတ်တော်အားဖြင့် သိမြင်ရသည့်အတိုင်း ကျွန်ုပ်တို့နှလုံးသားထဲတွင် တတ်စွမ်းနိုင်မည့်ယုံကြည်ခြင်း သတ္တိမျိုးဖြစ်ပေါ်လာပြီး၊ ထိုအရာသည် ဘုရားသခင်၏ကျေးဇူးတော်လုပ့်ခြင်းဖြစ်သည်။
ဘုရားသခင်၏ကျေးဇူးတော် လုပ်ဆောင်သောအရာများကို အံ့သြဖွယ်တွေ့မြင်နိုင်သော ကျမ်းချက်တစ်ချက် တွင် ပေါလုက "ညီအကိုတို့၊ ယခုငါသည် သင်တို့ကိုဘုရားသခင်၌အပ်နှံ၏။ သင်တို့သည်တည်ဆောက်ခြင်းငှာ လည်းကောင်း၊ သန့်ရှင်းသောသူအပေါင်းတို့နှင့်အတူ သင်တို့အားအမွေပေးခြင်းငှါလည်းကောင်း၊ တတ်နိုင်သောဘုရားသခင်၏ ကျေးဇူးတော်တရား၌လည်း သင်တို့ကိုငါအပ်နှံ၏။
(ရောမ ၂၀း၃၂)"
"ဘုရားသခင်၏ကျေးဇူးတော်တရား" ဟုဆိုထားရာ "ယုံကြည်ခြင်းတရား" ဟုလည်း သိမှတ်ကြသည်။ ကျေးဇူးတော်သည် ဘုရားသခင်၏နှုတ်ကပတ်တော်အားဖြင့် ကျွန်ုပ်တို့၏ယုံကြည်ခြင်းကိုသာ တည်ဆောက်ရုံ သာမက ခရစ်တော်၏ပြည့်စုံခြင်းဘုန်းစည်းစိမ်ကဲ့သို့လည်း ကျွန်ုပ်တို့ကို ပို့ဆောင်သည်။ " ကျေးဇူးတော် " သည်လူသားအားလုံးအတွက်ဖြစ်သကဲ့သို့ပင် "ယုံကြည်ခြင်း"သည်လည်း " ကျေးဇူးတော်"ကိုလက်ခံသည့် အချိန်၌ပင် လက်ခံရရှိပြီးဖြစ်သည်။
" ထိုသူ၏ပြည့်စုံခြင်းမှလည်း ကျေးဇူးတစ်ပါး၌ထပ်ဆင့်၍ ကျေးဇူးတစ်ပါးကို ငါတို့ရှိသမျှသည် ခံရကြပြီ။ အကြောင်းမူကား ပညတ်တရားသည် မောရှေလက်တွင်ပေးတော်မူ၏။ ကျေးဇူးတရားနှင့် သစ္စာတရားဟူမူကား ယေရှုခရစ်အားဖြင့် ဖြစ်သတည်း။ (ယော ၁း၁၆-၁၇)
" ဖြောင့်မတ်ခြင်းသည်လည်း ကျေးဇူးတော်အားဖြင့်ရရှိ၍ အသွေးအသားအားဖြင့် ဖော်ပြသော ပြည့်စုံခြင်း ကိုမဆိုလိုပါ။ ဖြောင့်မတ်ခြင်းဆိုသည်မှာ ဘုရားသခင်နှင့်အတူ "ရပ်တည်နိုင်ခြင်း" ဖြစ်၍ ဘုရားသခင်သည် ကျွန်ုပ်တို့ရှိသည့်ဖြစ်သည့်အတိုင်း ချစ်၍လက်ခံခြင်းကို ဆိုလိုပါသည်။ ကျွန်ုပ်တို့ကိုကြည့်သောအခါ ယေရှုကိုသာမြင်၍ အပြစ်တစ်ခါမျှမလုပ်ဖူးသောသူများအဖြစ် ဘုရားသခင်ကမြင်သည်။ ဤအရာသည် လက်တွေ့ဆန်သောအကြောင်းအရာဖြစ်၍ ကျွန်ုပ်တို့ဥည် ယေရှုခရစ်တော်ကို စတင်လက်ခံလိုက်သည့် နေ့မှစတင်ကာ ထိုသခင်နှင့်အတူလျှောက်လှမ်းခြင်းအားဖြင့် ကျွန်ုပ် တို့၏ကိုယ်ပိုင်အားနည်းခြင်းများနှင့် ကျရှုံးခြင်းများ၏အကျိုးသက်ရောက်မှုများ ကျွန်ုပ်တို့၏အသက်တာတွင် လာရောက်သက်ဆိုင်ခွင့်မရှိတော့ပေ။
ဘုရားသခင်က ကျွန်ုပ်တို့ကိုကြည့်သောအခါ ယေရှုခရစ်တော်ကိုသာမြင်မည်ဖြစ်သည်။ ထို့ကြောင့်ပင် ကျွန်ုပ်တို့အသက်တာလျှောက်လှမ်းမှုသည် အပြစ်ရှိသည်ဟုခံစားချက်များကင်းရှင်း၍ ကျွန်ုပ်တို့၏ ယုံကြည်ခြင်းများသည်လည်း တန်ခိုးအစွမ်းသတ္တိကြီးမားကာ နိမိတ်လက္ခဏာများကို မြင်တွေ့စေမည်ဖြစ်သည်။ နှုတ်ကပတ်တော်က -
" ထိုမှတစ်ပါး လူတစ်ယောက်သည်ပြစ်မှားသောကြောင့်၊ ထိုတစ်ယောက်သောသူအားဖြင့်သေခြင်းတရားသည် အစိုးရ၏။ ကျေးဇူးတော်၏ကယ်တင်ခြင်းကိုလည်းကောင်း၊ ဖြောင့်မတ်ရာသို့သွင်းတော်မူခြင်းကိုလည်းကောင်း ခံရသောသူတို့သည် တစ်ယောက်သောသူတည်းဟူသောယေရှုခရစ်အားဖြင့် အသက်ရှင်လျက် သာ၍ စိုးစံရ ကြလတ္တံ။ (ရောမ ၅း၁၇)
ကျွန်ုပ်တို့သည် ကျေးဇူးတော်အောက်တွင် အသက်ရှင်သောအခါ ယုံကြည်ခြင်းနှင့် ဖြောင့်မတ်ခြင်းသည် ကျွန်ုပ်တို့၏သခင်ထံတော်မှ အခမဲ့ရရှိသောကြောင့် ထိုအရာများအတွက်သီးခြားကြိုးစားနေရန် မလိုတော့ပေ။ သို့သော်ပြဿနာမှာ လူ့သဘာဝထုံးစံအတိုင်း ယုံကြည်သူတို့သည်ပညတ်တရားအောက်ကိုသာ တဖန်တိမ်း ညွှတ်သွေဖယ်သွားတတ်ကြသည်။ ကျေးဇူးတော်အားဖြင့်သာ ကယ်တင်ခြင်း သို့ရောက် နိုင်ကြောင်း သိသော် လည်း ပညတ်တရားအတိုင်း အသက်ရှင်ခြင်းသည်သာ ခရစ်ယာန်အသက်တာ ဖြစ်ကြောင်းတွေးထင်ခြင်းသည် သဘာဝအတိုင်းဖြစ်လာသကဲ့သို့ပင် လူအချို့တို့ တွေးထင်လာကြသည်။ ဤအရာသည် ဘာသာရေး အယူဖြစ်ပြီး ခရစ်တော်ထဲ၌ စစ်မှန်သောလွတ်ခြင်းကို ခံစားရမည်မဟုတ်ပေ။ နှုတ်ကပတ်တော်က "ထို့ကြောင့်ခရစ်တော်သည်ငါတို့ကိုလွှတ်တော်မူသောလွှတ်ခြင်းအခွင့်၌တည်နေသဖြင့်၊ကျွန်ခံရာထမ်းဘိုးကိုထမ်း

၍ ချည်နှောင်ခြင်းကို တဖန်မခံကြနှင့်၊ ပညတ်တရားအားဖြင့် ဖြောင့်မတ်ရာ သို့ရောက်သမျှသော သင်တို့သည် ခရစ်တော်နှင့်ကွာ၍ ကျေးဇူးတရား၌မတည်၊ ရွေ့ လျော့ကြပြီ။ (ဂလာ ၅း၁-၄)ဘာသာတရားနှင့် ပညတ်တရားသည် ကျွန်ုပ်တို့နားလည်သဘောပေါက်ထားသော ကျေးဇူးတရားမှ ကျွန်ုပ်တို့ကိုလဲကျစေလျက် ပညတ်တရားထဲတွင် ပြန်လည်ချုပ်နှောင်သောကြောင့် ပို၍အန္တရယ်ရှိသည်။ ထို့ကြောင့် ကျွန်ုပ်တို့သည် ပညတ်တရား၏စေခိုင်းရာအလုပ်ထဲသို့ ပြန်လှည့်တတ်သော အသွေးအသားကို ဆိုင်ပြိုင်တိုက်လှန်ရန် ယုံကြည်ခြင်းအားဖြင့်တိုက်ရန်လို သည်။ ကျွန်ုပ်တို့နှင့် မထိုက်တန်သော်လည်း ဘုရားသခင်၏ မျက်နှာသာပေးခြင်းကြောင့် ယေရှုခရစ်တော် အားဖြင့် အရာအားလုံး၌ ကောင်းချီးမင်္ဂလာကို ဆက်လက် ခံစားစေရန် ကျေးဇူးတော်နှင့် ယုံကြည်ခြင်းထဲ၌ အသက်ရှင်ကာ ဆက်လက်တိုက်ပွဲဝင်ရန်ဖြစ်သည်။
နိဂုံးချုပ်အနေဖြင့် "စစ်မှန်သောကျေးဇူးတော် "သည် ကျွန်ုပ်တို့ကို သန့်ရှင်းစေသည်။ ဤနေရာတွင် " စစ်မှန်သော"ဟူသောစကားလုံးကို သုံးနှုန်းရခြင်းမှာ အချို့သောသူများ၏ ခံယူချက်တွင် " ကျေးဇူးတော်" သည် ကောင်းသောအမှုအရာအကျင့်ကိုမျက်ကွယ်ပြု၍ သွေးသားတပ်မက်မှုကိုသာ ဦးစားပေး အသက် ရှင်ခြင်းဖြစ်သည်ဟု မှားယွင်းစွာအနက်ပြန်ကာ နားလည်မှု လွဲတတ်သောကြောင့်ဖြစ်သည်။ " စစ်မှန်သောကျေးဇူးတော် သည်စည်းကမ်းဘောင်မဲ့အသက်ရှင်ခြင်းလုံးဝမဟုတ်ပါ။ "ဘုရားသခင်၏ ကျေးဇူးတော်အောက်၌ အသက်ရှင်သောသူ၏စိတ်နှလုံးသားခံယူချက်တွင် "ဘုရားသခင် ကျွန်ုပ်ကိုအလွန်ချစ်၍ကျွန်ုပ်ထိုက်တန်သည်ထက်ပိုလျှံစွာပေးသောကြောင့်ထိုသခင်နှင့်ဆက်သွယ်ခြင်း၌ အနှောင့်အယှက်ဖြစ်စေမည့်အရာများကို ခွင့်ပြုမည်မဟုတ်ပါ။ "ကျေးဇူးတော်၊ ယုံကြည်ခြင်းနှင့် ဖြောင့်မတ်ခြင်းသည် ကျွန်ုပ်တို့အသက်တာနှင့် အမှုတော်လုပ်ငန်းများတွင် <ကယ်ဝစွာသီးပွင့်ခြင်းအားဖြင့် လှပသောအသက်ရှင်မှုအသက်တာကိုတည် ဆောက်ကြပါစို့။ Creditto>>EXIT (ထွက်ပေါက်ဓမ္မရသ သုတစာစောင်)

Read More