မိခင်များနေ့

နာခံသောမုဆိုးမ
၎ရာ၊ ၄း၁-၇။


မိခင်များနေ့တွင် ဘုရားသခင်ကို စကားကို နာခံသော မုဆိုးမ မိခင်ကြီးတစ်ဦး အကြောင်းဝေငှလိုက်ပါတယ်။
ယုံကြည်ခြင်းအားကြီးသော မိခင်များ၏ ယုံကြည်ခြင်းကြောင့် သားသမီးများကောင်းချီးမင်္ဂလာ ခံစားကြရပါတယ်။
ဒါကြောင့် မိခင်၏ ယုံကြည်ခြင်းကို အမှီလိုက်နိုင်သော သားသမီးများ ဖြစ်နိုင်ကြပါစေ။
ယုံကြည်ခြင်းအားကြီးသော မိခင်များအားလုံးအပေါ် ဘုရားသခင်ကောင်းချီးပေးပါစေ။
ယုံကြည်ခြင်းအားကြီးသော မိခင်ကိုပေးထားသော ဘုရားသခင်ကို ကျေးဇူးတင်ပါတယ်။
Happy Mother's Day

နာခံသောမုဆိုးမသည် ပရောဖက်ဧလိရှဲ၏ တပည့်တစ်ယောက်၏ဇနီးဖြစ်ခဲ့သည်။ ခင်ပွန်းကွယ်လွန် ချိန်၌ သားနှစ်ယောက်နှင့်ကျန်ခဲ့သည်။ ကြွေးတင်နေသည့် အတွက်၊ ကြွေးရှင်ကသားနှစ်ယောက်ကို ကျွန်အဖြစ် သိမ်း ယူခေါ်ဆောင်သွားရန်ပြုလုပ်သည့်အတွက် သူမသည် မချိတင်ကဲ ဝေဒနာခံစားနေရသည်။ သူမ၏ခင်ပွန်းသည် အသက်ရှင်စဉ်က ထာဝရဘုရားကို ကြောက်ရွံ့ရိုသေသူ ဖြစ်ခဲ့သည်ဟုသာ ပရောဖက်ဧလိရှဲအား ပြောပြသည်။ သို့ သော် ခင်ပွန်းက မိသားစုအတွက် လုံလောက်စွာ မဖြည့် ဆည်းပေးနိုင်ခဲ့ပါ။ ခင်ပွန်း၏အလုပ်သည်လည်း အမှု တော်ဆောင်ခြင်းအလုပ်သာဖြစ်သည့်အတွက် စီးပွားရေး အလုပ်မဟုတ်ခဲ့ပါ။ ဤမုဆိုးမသည် ဘုရားရှင်ကသာ အရာအားလုံးတတ်နိုင်သည်ကို ယုံကြည်သဖြင့် ဘုရား သခင်၏လူဖြစ်သော ဧလိရှဲထံ အကူအညီတောင်းခဲ့သည်။ သူမသည် အကြွေးများကို ဆပ်နိုင်မှသာ သူမနှင့်သားများ အတူနေခွင့်ရမည်။ သို့မဟုတ်ပါက သားများနှင့်ကွဲကွာ ပြီး၊ မည်မျှကြာမည်မသိသော အခြေအနေသို့ ဆိုက်သွား နိုင်ပါသည်။
သူမသည် လုံးဝကြောက်လန့်ခြင်းမရှိဘဲ ဧလိရှဲ အား ချဉ်းကပ်ခဲ့သည်။ ဧလိရှဲသည်လည်း ဘုရားသခင်၏ လူဖြစ်သည့်အလျောက် သူ၏တပည့်များအားလုံးအတွက် စိတ်ဝင်စားမှု၊ ဂရုပြုမှုရှိခဲ့သည်ကို ထောက်ပြီး ဤမုဆိုးမ သည် ချဉ်းကပ်ခဲ့ပါသည်။ သူမ၏ အကျပ်အတည်း ပြဿနာများအတွက် အကြံဥာဏ်သော်လည်းကောင်း၊ အကူအညီသော်လည်းကောင်း ရရှိရန်လာခဲ့သည်။ ဧလိရှဲ ၏တပည့်များသည်လည်း အိမ်ထောင်မရှိသူများ၊ လူလွတ် များ၊ ပရောဖက်ကျောင်းတွင် စာအံပြီး စုပေါင်းနေထိုင်သူ များ၊ ဆရာကြီးဖြစ်သူဧလိရှဲ၏ အစီအမံဖြင့် စားသောက် နေထိုင်သူများမဟုတ်ကြပါ။ သူတို့သည် အိမ်ထောင်ရှိ သူများ၊ မိသားစုကို ဦးဆောင်သူများဖြစ်ကြသည်။ ဧလိရှဲ သည် ထိုတပည့်များ၏ ကောင်းကျိုးကို အထူးစိတ်ဝင် စားသည်။ ဤသည်မှာ ဘုရားသခင်၏လူဖြစ်သော ပရော ဖက် ဧလိရှဲ၏စိတ်ထားကိုပြပါသည်။
ဧလိရှဲက သူမအား ကူညီလိုသောစိတ်ဖြင့်မေးပါ သည်။ ဓသင့်အတွက် ငါအဘယ်သို့ပြုရပါမည်နည်း။ သင့်အိမ်တွင် အဘယ်ပစ္စည်းဥစ္စာရှိပါသနည်းဓဟု မေးပါ သည်။ သူမကလည်း ဓသံလွင်ဆီအိုးကလေးတစ်လုံးမှ တစ်ပါး အခြားဘယ်အရာမျှမရှိပါဓဟုပြန်ဖြေပါသည်။ ထို အခါ ဧလိရှဲက သူမအား တမူထူးခြားသောညွှန်ကြားချက် များကို ပေးလိုက်သည်။ ...ဓအိမ်နီးချင်းအားလုံးထံသွား၊ အိုးလွတ်ရှိသမျှငှားလာခဲ့။ အိမ်ကို ထိုအိုးများယူလာပြီး တံခါးကိုပိတ်။ ပြီးလျှင် သင်၌ရှိသောဆီဖြင့် ငှားလာသော အိုးများကို ဖြည့်ဓဟု မိန့်မှာသည်။ ထိုအတိုင်း သူမနှင့် သားများပြုလုပ်ရာ ဆီများစွာရပြီး ငှားထားသော အိုးအား လုံးအပြည့်အလျှံရသည်။
ဧလိရှဲညွှန်ကြားသည့်အတိုင်းလုပ်ရန်၊ သူမ၌ ဓကလေးသူငယ်၏ယုံကြည်ခြင်းဓကဲ့သို့သော ယုံကြည်ခြင်းရှိရန်လိုသည်။ ဤနိမိတ်လက္ခဏာတွင် မုဆိုးမ၏ ယုံ ကြည်ခြင်းနှင့် နာခံလိုက်လျှောက်ခြင်းပူးတွဲနေသည်ကို သတိပြုမိစေသည်။ သူမ၏အခက်အခဲများမှ ဧလိရှဲသည် ဖြေရှင်းပေးမည်ကို တထစ်ချယုံကြည်ပြီး အိမ်နီချင်းတို့ထံ မှ အိုးလွတ်များကို ရနိုင်သမျှငှားရမ်းယူခဲ့သည်။ ဧလိရှဲ ပြောသည့်အတိုင်း တိတိကျကျလုပ်ဆောင်ပါသည်။
အကယ်၍သာ သူမက စောဒကတက်ပြီး၊ မယုံ မကြည်စိတ်ဖြင့် .... ဓအိုး... ကျမအထင်တော့ ဒါဟာ လုံးဝမဖြစ်နိုင်ဘူး။ ဘယ့်နှယ်တော်။ အကြွေးဆပ်ဘို့လို နေပါတယ်ဆိုမှ သူများတွေရဲ့အိုးလွတ်ကို ငှားရဦးမယ်။ တကယ်အကြွေးဆပ်နိုင်ဘို့ဆိုရင်... အိုးလွတ်များအစား၊ ဆီအပြည့်ရှိတဲ့အိုးတွေကို အိမ်နီးချင်းတွေက ပေးကြတယ် ဆိုရင်တောင် ဟုတ်တုတ်တုတ်ဓဟုပြောနိုင်ပါသည်။ သူမ သည် နောက်ထပ်စဉ်းစားနိုင်သေးသည်က... ဓအိမ်ပြန် ပြီး ဒီကိစ္စအားလုံး တံခါးပိတ်ပြီးမှ လုပ်ရမယ်ဆိုတာလဲ အဓိပ္ပာယ်မရှိဘူး။ ဘုရားသခင်က နိမိတ်လက္ခဏာဖြစ်စေ ချင်ရင်လဲ... လူအများရှေ့မြင်ပါစေပေါ့ဓဟူ၍လည်းဖြစ် သည်။
သို့သော် ထိုသို့မဟုတ်ပါ။ သူမသည် ဧလိရှဲ၏ စကားကို ယုံကြည်နာခံခဲ့သည်။ တကယ်ပင် နာခံခဲ့ပါ သည်။ အသေးစိတ်မှအစ မချန်မလှပ်ဘဲ နာခံခဲ့ပါသည်။
တံခါးကိုပိတ်ပြီးနောက် သူမသည် သူမ၌ ရှိသည် ဆီအိုးမှ ဆီကို အိုးလွတ်များထဲသို့ စတင်လောင်း ထည့်သည်။ ထိုအခါ ထူးဆန်းအံ့သြဖွယ်ကောင်းစွာ ဆီ သည် ဆက်လက်များလာသည်။ တစ်အိုးဖြင့် တစ်အိုးသို့ အိုးပေါင်းများစွာထဲသို့ ဆီများဖြည့်နေခဲ့သည်။
ငှားယူထားသောအိုးများပြည့်ကုန်သောအခါ၊ သူမက ဓအိုးလွတ်ရှိသေးသလားဓဟုမေးရာ၊ သားက ဓမကျန်တော့ပါဓဟု ဖြေလိုက်သည်နှင့်တပြိုင်နက် ဆီထွက် ရပ်လေသည်။ ကိုယ်တော်က ပြင်ဆင်ပေးအရာများကို အလဟသမဖြစ်စေပါ။
နိမိတ်လက္ခဏာ၏ အဆုံးသတ်ကလေးသည် လည်း မြင်ယောင်စေပါသည်။ ဆီများစွာရ၍ ပျော်ရွှင် ၀မ်းမြောက်နေသောမုဆိုးမသည် ဧလိရှဲထံ တဖန်သွားပြီး သတင်းပို့သည်။ ဧလိရှဲက ထိုဆီများကို ရောင်းချပြီး ကြွေး ဆပ်ရန်နှင့် ကျန်ငွေဖြင့် သူမနှင့်သားများ ဆက်လက် အသက်မွေးဝမ်းကြောင်းပြုရန် မှာကြားသည်။ သူမ၏ အကြွေးအတွက် လိုအပ်သော ငွေပမာဏထက် များသော ငွေများကို ရလိုက်ပြီး ကြွေးကိစ္စမပူပင်ရဘဲ မိသားစုပျော် ပျော်ရွှင်ရွှင်လုံလုံလောက်လောက်နေထိုင်နိုင်လေပြီ။
ကျွန်ုပ်တို့တောင်းနိုင်၊ စဉ်းစားနိုင်သည်ထက် ဘုရားရှင်မစနိုင်ပါသည်။ ဘုရားရှင်၏ပေးကမ်းခြင်းသည် ရက်ရောလှပါသည်။ ဘုရားရှင်၏စေတနာမေတ္တာသည် မည်သည့်အခါမျှ နှမြောတွန့်တိုခြင်းမရှိပါ။ သူမအတွက် အခြေခိုင်သောသက်သာမှုရရှိသည့်အပြင်၊ သားများနှင့် အတူနေထိုင်ရသော ကောင်းကြီးမင်္ဂလာကို ရရှိခဲ့သည်။
ရှင်မဿဲခရစ်ဝင်ကျမ်းတွင် မည်သို့စားရ၊ မည်သို့နေရ၊ မည်သို့ဝတ်ရမည်စသည်တို့ကို စိုးရိမ်ခြင်း များနှင့်ကင်းရန် ဖော်ပြထားသည်။ (မဿဲ၊ ၆း၃၁-၃၄) ဓဘုရားသခင်၏နိုင်ငံတော်နှင့်အလိုတော်ကို ပထမဦးစွာ ရှာကြလော့ဓဟု ဖော်ပြထားပါသည်။
ထို့ကြောင့် လောကအမြင်နှင့် ကြည့်လျှင် အဓိပ္ပာယ်မဲ့ဖြစ်နေမည်။ ဘုရားရှင်သည် ကျွန်ုပ်တို့ထံမှ မည်သည့်အရာကို လိုချင်ပါသနည်း။ ရာနှုန်းပြည့်နာခံ ခြင်းကို လိုချင်ပါသည်။ အခြားသူများ ဘယ်လိုထင်လိမ့် မည်နည်းဟု စိုးရိမ်ခြင်းထက် ကိုယ်တော်ကနောက်တော် သို့လိုက်စေလိုသည်။ လောကအမြင်ဖြင့်မည်သို့မြင်ရသည် ဖြစ်စေ အထက်ပါမုဆိုးမကဲ့သို့ ကိုယ်တော်၏မိန့်မှာချက် ကို တိတိကျကျနာခံစေလိုသည်။ ထိုမှသာ ကောင်းချီး မင်္ဂလာအပြည့်ရရှိခံစားရမည်။

ဘုရားသခင်ကောင်းချီးပေးပါစေ။
ထန်နိုး
အိပ်မက်သစ်မီဒီယာ


--






--

Posted in: