ဒီနေ့ယုံကြည်သူတွေကြားမှာ တိတိကျကျအဖြေမထုတ်နိုင်ဘဲ ဂျာအေးသူ့အမေရိုက်တဲ့ မေးခွန်းတစ်ခုနဲ့ ပတ်သက်ပြီး နှုတ်ကပတ်တော်အားဖြင့် တိကျမှန်ကန်တဲ့အဖြေတစ်ခုထွက်တဲ့အထိ ဒီကနေ့ လေ့လာကြည့်ကြရအောင်ဗျာ …
အဲဒီမေးခွန်းကတော့ ပဌနာတော်ကိုရွတ်ဖို့ လိုသေးလား။ မလိုတော့ဘူးလားဆိုတဲ့မေးခွန်းပါပဲ။
ဒီမေးခွန်းကို အဖြေမထုတ်ခင်မှာ သမ္မာတရားကို သမ္မာတရားအတိုင်းလက်ခံနိုင်ဖို့ရန်အတွက် မိတ်ဆွေမှာ ရှိနေခဲ့တဲ့ အစွဲတွေ၊ အဆက်ဆက်ခံယူလာခဲ့တဲ့ နည်းဥပဒေသတွေကို အရင်ဆုံး ဖျောက်ပစ်ဖို့လိုပါလိမ့်မယ်။ အဲဒီလိုမလုပ်နိုင်ရင်တော့ ဒီလေ့လာမှုကို ဆက်မဖတ်တော့ဖို့ တိုက်တွန်းပါရစေ။ အရင်က အစွဲတွေ၊ ခံယူမှုတွေကို မဖျောက်နိုင်ဘဲ နောက်ထပ်အသစ်တွေ၊ အကောင်းတွေထပ်ရောလိုက်ရင် ခရစ်တော်ပြောခဲ့တဲ့ စပျစ်ရည်အသစ်နဲ့ အဟောင်း ရောထည့်ခံရလို့ ပျက်စီးသွားတဲ့သားရေအိတ် ဆိုတာ ခင်ဗျားကိုဆိုလိုတာဖြစ်ပါလိမ့်မယ်။ လုကာ ၅း ၃၇- ၃၉
ပဌနာတော်ကို ရွတ်ဖို့လို၊ မလိုကို အဖြေမရှာသေးခင်မှာ သခင်ယေရှုခရစ်တော်ရဲ့ အသက်တာနဲ့ သူ့ရဲ့ခေတ်ကာလဖြတ်သန်းမှုကို အရင်ဆုံးလေ့လာကြည့်ကြဖို့လိုပါမယ်။
သခင်ယေရှုဟာ လူ့ဇာတိခံတဲ့အချိန်ကစလို့ ကားတိုင်မှာအသက်စွန့်ခဲ့တဲ့အချိန်အထိ ပဋ္ဋိညာဉ်တရားဟောင်းရဲ့အောက်မှာ အသက်ရှင်ပြီး ပညတ်တရားရဲ့တောင်းဆိုမှုအားလုံးကို အကုန်အစင်ဖြည့်ဆည်းတဲ့အသက်ရှင်မှုပုံစံနဲ့ နေထိုင်သွားခဲ့သူဖြစ်ပါတယ်။
မိန်းမသည် ပဋိသန္ဓွေယူ၍ သားယောက်ျားကိုဘွားမြင်ပြီးလျှင်၊ ဥတုရောက်၍ ခုနစ်ရက်မစင်ကြယ်သကဲ့သို့ ခုနစ်ရက်မစင်ကြယ်နေ ရမည်။ အဌမနေ့၌ သားယောက်ျားအား အရေဖျားလှီးခြင်းကိုပြုရမည်။ ၀တ် ၁၂း ၂- ၃
တဖန် ဘုရားသခင်က၊ သို့ဖြစ်၍ သင်နှင့်တကွ သင့်နောက်၌ သင်၏အမျိုးအနွှယ် အစဉ် အဆက်တို့သည်၊ ငါ၏ပဋိညာဉ်ကိုစောင့်ရှောက် ရကြမည်။ သင်နှင့်တကွသင့်နောက်၌ သင်၏အမျိုး အနွှယ်သည်၊ ငါ့ရှေ့မှာ စောင့်ရှောက်ရသော ငါ၏ပဋိညာဉ်ဟူမူကား၊ သင်တို့တွင် ယောက်ျားတိုင်း အရေဖျားလှီးမင်္ဂလာကိုခံရမည်။ အရေ ဖျားလှီးမင်္ဂလာသည်၊ ငါနှင့် သင်တို့ပြုသောပဋိညာဉ်၏ လက္ခဏာ သက်သေဖြစ်ရလိမ့်မည်။ သင်တို့အမျိုး အစဉ်အဆက်တို့၌ သားယောက်ျားတိုင်း၊ ကိုယ်အိမ်၌ ဘွားသော သူဖြစ်စေ၊ ကိုယ်အမျိုးမဟုတ်၊ တပါးအမျိုးသား၌ ငွေနှင့် ဝယ်သောသူဖြစ်စေ၊ အသက်ရှစ်ရက်မြောက်လျှင်၊ အရေဖျားလှီးမင်္ဂလာကို ခံရမည်။ ကိုယ်အိမ်၌ဘွားသောသူ၊ ကိုယ်ငွေနှင့် ဝယ်သောသူသည်၊ အရေဖျားလှီး မင်္ဂလာကိုခံရမည်။ ငါ့ပဋိညာဉ်လည်း သင်တို့၏ အသား၌ ထာဝရပဋိညာဉ်ဖြစ်လိမ့်မည်။ အရေဖျားမလှီး၊ အရေဖျားလှီမင်္ဂလာကို မခံသောသား ယောက်ျားကို သူ၏အမျိုးမှပယ်ရှင်းရ၏။ ထိုသူသည် ငါ့ပဋိညာဉ်ကို ဖျက်လေပြီဟု၊ အာဗြဟံအားမိန့်တော်မူ၏။ ကမ္ဘာ ၁၇း ၉- ၁၄ ။
- မွေးဖွားသည့်နေ့မှ (၈)ရက်မြောက်သည်နှင့် ပညတ်တရားအတိုင်း အရေဖျားလှီးခြင်းကို ခံယူခဲ့ပါတယ်။ လုကာ ၂း ၂၁
သားမိန်းမကိုဘွားမြင်လျှင်၊ ဥတုရောက်သကဲ့သို့ သဆယ်လေးရက်ပတ်လုံး မစင်ကြယ်နေရမည်။ စင်ကြယ်စေခြင်းနှင့် ဆိုင်သော အသွေးရှိ၍၊ အရက်ခြောက်ဆယ် ခြောက်ရက်ပတ်လုံးနေရမည်။ သားယောကျာ်းဖြစ်စေ၊ မိန်းမဖြစ်စေ၊ စင်ကြယ်စေခြင်းနေ့ရက်ကာလစေ့သောအခါ၊ မီးရှို့ရာယဇ်ဘို့ အခါမလည်သော သိုးသငယ်တကောင်၊ အပြစ်ဖြေရာယဇ်ဘို့ ချိုးကလေးတကောင်၊ သို့မဟုတ်၊ ခိုတကောင်ကို၊ ပရိသတ်စည်းဝေးရာ တဲတော်တံခါးရှေ့၊ ယဇ်ပုရောဟိတ်ထံသို့ဆောင်ခဲ့ရမည်။ ယဇ်ပုရောဟိတ်သည် ထာဝရဘုရားရှေ့တော်၌ ပူဇော်၍၊ ထိုမိန်းမအဘို့ အပြစ်ဖြေခြင်းကို ပြုသဖြင့်၊ သူသည်အသွေးသွန်ခြင်း အပြစ်မှ သန့်ရှင်းရလိမ့်မည်။ သိုးသငယ်ကိုမတတ်နိုင်လျှင်၊ ခိုနှစ်ကောင်ဖြစ်စေ၊ ချိုးကလေးနှစ်ကောင်ဖြစ်စေ၊ မီးရှို့ရာယဇ်ဘို့ တကောင်၊ အပြစ်ဖြေရာယဇ်ဘို့ တကောင်ကိုဆောင်ခဲ့၍၊ ယဇ်ပုရောဟိတ်သည် သူ့အဘို့အပြစ်ဖြေခြင်းကိုပြုသဖြင့်၊ သူသည်သန့်ရှင်းရလိမ့်မည်။ ဤရွေ့ကား၊ သားယောက်ျား၊ သားမိန်းမကိုဘွားမြင်သောအမိနှင့် ဆိုင်သောတရားဖြစ် သတည်းဟု မိန့်တော်မူ၏။ ၀တ် ၁၂း ၅- ၈
- သားယောင်္ကျားကိုဖွားမြင်တဲ့မိခင်တိုင်း စင်ကြယ်ခြင်းအမှုကိုပြုရမယ်ဆိုတဲ့ ပညတ်တရားအတိုင်းဗိမာန်တော်ကိုသွားရောက်ပြီး စင်ကြယ်ခြင်းအမှုကို ပြုခဲ့ပါတယ်။
လု ၂း ၂၂။
မောရှေကို ခေါ်၍ဣသရေလအမျိုးသားတို့တွင်အဦးဘွားသောသူ၊ လူဖြစ်စေ၊ တိရစ္ဆာန်ဖြစ်စေ၊ သားဦးအပေါင်း တို့ကို ငါ့အဘို့ သန့်ရှင်းစေလော့။ ငါ့ဥစ္စာဖြစ်ကြသည်ဟု မိန့်တော်မူ၏။
ထွက် ၁၃း ၂ ၁၁
သင်တို့၌၄င်း၊ ဘိုးဘေး၌၄င်း၊ ကျိန်ဆိုတော်မူသည်အတိုင်း၊ ထာဝရဘုရားသည် သင်တို့ကို ပို့ဆောင်၍၊ ထိုပြည်ကို ပေးသနားတော်မူသောအခါ၊ သင်တို့၌ရှိသော တိရစ္ဆာန်တို့၏ သားဦးအပေါင်းတို့ကို၊ ထာဝရဘုရား အဘို့ အသီးအခြားခွဲထားရကြမည်။ အထီးရှိသမျှတို့သည်၊ ထာဝရဘုရား၏ ဥစ္စာဖြစ်ရကြမည်။ မြည်းမ၌ အဦးဘွားသော မြည်းသငယ်ကို၊ သိုးသငယ်နှင့်ရွေးရမည်။ မရွေးလိုလျှင်၊ မြည်းသငယ်လည်ပင်းကို ချိုးရမည်။ လူသားတို့တွင် သားဦးအပေါင်းကို ရွေးရမည်။ နောင်ကာလ၌ သင်၏သားကလည်း၊ အဘယ်သို့နည်းဟု မေးမြန်းလျှင်၊ သင်ကလည်း ကျွန်ခံနေရာ အဲဂုတ္တုပြည်မှ၊ ထာဝရဘုရားသည် အားကြီးသောလက်တော်ဖြင့် ငါတို့ကို နှုတ်ဆောင်တော်မူ၏။ ဖါရောဘုရင်သည်၊ ငါတို့ကို အလွယ်တကူမလွှတ်ဘဲ နေသောအခါ၊ အဲဂုတ္တုပြည်၌လူဖြစ်စေ၊ တိရစ္ဆာန်ဖြစ်စေ၊ သားဦးအပေါင်းတို့ကို ထာဝရဘုရားကွပ်မျက်တော်မူ၏။ ထိုကြောင့် အဦးဘွားသော တိရစ္ဆာန်အထီးရှိသမျှတို့ကို ထာဝရဘုရားအား ယဇ်ပူဇော်ရမည်။ ကိုယ်သားတို့တွင် သားဦးကို ရွေးရမည်ဟု ပြန်ဆိုရမည်။ ထွက် ၁၃း ၁၁- ၁၅
- သားဦးယောက်ျားအပေါင်းတို့သည် ဘုရားအဘို့သန့်ရှင်းရကြ၏ဟု ထာဝရဘုရား၏ ပညတ္တိကျမ်းလာသည်နှင့်အညီ၊ ထာဝရဘုရားအားဆက်ကပ်ပြီးမှ၊ လုကာ ၂း ၂၃
တကယ်တော့ ပညတ်တရားရဲ့အောက်မှာ အသက်ရှင်ခဲ့တဲ့ သခင်ယေရှုရဲ့ အသက်တာဟာ ကျနော်တို့တွေ မလိုက်နိုင်၊ မဖြည့်ဆည်းနိုင်တဲ့ ပညတ်တရားရဲ့ တောင်းဆိုမှုတွေကို ကျနော်တို့ကိုယ်စားဖြည့်ဆည်းခဲ့တာဖြစ်ပါတယ်။ သခင်ယေရှုရဲ့ အမှုတော်မြတ်မှာ သွန်သင်ခဲ့တာတွေကို အသေးစိတ်လေ့လာကြည့်ရင်လည်း သူကိုယ်တိုင် ပညတ်တရားရဲ့အောက်မှာ အသက်ရှင်နေထိုင်ခဲ့စဉ်က သွန်သင်မှုနဲ့ လက်ဝါးကားတိုင်မှာ အသေခံပြီးတဲ့နောက် သွန်သင်မှုတွေ မတူတော့တာကိုတွေ့ရမှာဖြစ်ပါတယ်။
0 comments:
Post a Comment